Éxodo 5:4 - Bible in Tzotzil de Chenalhó with Deuterocanon

⁴ Pero li ajvalil ta Egiptoe jech laj yal: —Moisés, Aarón, ¿c'u yu'un tal ach'aybeic yo'nton ta abtel li viniquetique? ¡Batanic, bat abtejanic! —xi.

Bible in Tzotzil de Chamula

⁴ Ja' no'ox un, ti ajvalil yu'un ti Egiptoe xi laj yale: —Ti vo'ote, Moisés, xchi'uc ti vo'ote, Aarón, ¿c'u cha'al ta xach'aybe yo'nton ti jnaclejetic yacalic ta abtele? Batanic, ba abtejanic.

Éxodo 5:4 Iomraidhean Croise

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 2:11

C'alal sva'lej xa'ox li Moisese, oy jun c'ac'al ibat svu'lan li xchi'iltac ta israelale. Te laj yil ti toj tsots li yabtel ac'bilique. Ts'acal laj yil noxtoc jun egipto chac'be majel jun israel vinic.

Éxodo 6:5

Li' ta orae laj xa jna' c'u x'elan svocolic li achi'iltac ta israelale; laj xa jna' ti ep ta sujvanic ta abtel li egiptoetique, jech it'ab ta co'nton li c'usi jchapanoj ono'oxe.

Jeremías 38:4

C'alal jech laj ya'yic li banquilaletique, jech bat yalbeic li ajvalile: —Ac'o yich' milel li vinic li'i, yu'un ja' no'ox ta xchibajesbe yo'nton li soldadoetic cu'untic ti li' to chcomic ta lume, xchi'uc ja' no'ox ta sibtas scotol li jchi'iltactique. Yu'un muc ja'uc ta sa'be slequilal li jchi'iltactique, ja' no'ox ta sa'be svocolic —xutic.

Amós 7:10

Li pale Amasías te ta Betele jech laj yalbe batel li ajvalil Jeroboam ta Israele: “Ajvalil, li Amose ta xchapilan ac'oplal ta mucul ta stojol li jchi'iltactic ta israelale. Ta sjunul li cosilaltique mu xa sts'ic yu'unic li c'usi chalilane.

San Lucas 23:2

Te c'ot stic'beic smul. Jech laj yalic: —Li vinic li'i ja' ta soques li jlumalcutique. Ta xal ti mu me xcac'be jpatancutic li Cesare, yu'un chal ti ja' muc'ta ajvalil stuque, ti ja' Cristoe —xiic.

Hechos 24:5

Yu'un li vinic li'i, ivinaj xa lec ti ja' chac' ta ch'amel sc'a'al chamele, ti ja' ta socbe sjol li xchi'iltac ta buticuc no'ox nacajtic ta scotol banamile. Ja' banquilal yu'unic scotol li boch'otic xch'unojbeic sc'op li jun vinic liquem tal ta Nazarete.