Éxodo 5:22 - Bible in Tzotzil de Chenalhó with Deuterocanon

²² Ja' yu'un li Moisese te lic sc'opan li Muc'ul Diose, jech laj yalbe: —Cajval, ¿c'u yu'un ti chavac'be svocol li jchi'iltaque? ¿C'u yu'un laj atacun batel cha'e?

Bible in Tzotzil de Chamula

²² Ja' yu'un un, ti Moisese xi laj yalbe Dios c'alal laj sta ta c'oponele: —Cajval, ¿c'u cha'al ta xavac'be svocol ti anich'nabe? ¿C'u cha'al laj atacun talel?

Éxodo 5:22 Iomraidhean Croise

1 Reyes 19:10

Jech itac'ov: “Toj nabal co'nton ta atojol Muc'ul Dios, vo'ot ti ech'em atsatsale. Yu'un li jchi'iltac ta israelale laj xa soquesic li c'usi chapanbil avu'une; laj xa sjinesic li scajleb amotone, xchi'uc laj xa smilic ta espada scotol li avaj'alc'optaque. Jtuc xa no'ox cuxulun, pero ta st'unicun yu'un tsc'an chismilicun ec”, xut.

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Salmos 73:25

¿Boch'o yan oy cu'un te ta vinajele? Ja' no'ox vo'ot, Dios cu'un. Ta sventa ti te oyun o ta atojole, mu'yuc c'usi yan ta jc'an li' ta banamile.

Éxodo 17:4

Ja' yu'un li Moisese tsots la sc'anbe vocol li Muc'ul Diose, jech laj yalbe: —¿C'usi ta xcut li jchi'iltaque? ¡Yu'un jutuc xa muc chismilicun ta ton! —xut.

Jeremías 12:1

Muc'ul Dios, mu smeloluc ti ta jtsaquilanot ta lo'ile, yu'un tuc' scotol li c'usi chapase, pero oy c'usi ta jc'an ta jac'bot. ¿C'u yu'un ti ja' toj lec c'usi tstaic li boch'otic chopolique? ¿C'u yu'un ti lec chbat yu'unic scotol li jlo'lavanejetique?

Jeremías 20:7

Muc'ul Dios, ja' no'ox laj alo'laun, jech laj cac' jba ta lo'lael ec. Toj ech'em avu'el, jech laj atsalun. Scotol c'ac'al na'lebilun, tse'intabilun avu'un.

Jeremías 4:10

Jech laj cal: “¡Ay, Muc'ul Dios, toj ech'em laj alo'la li jchi'iltac li'i xchi'uc li jchi'iltac te ta Jerusalene! Yu'un avalojbe ti chavac'be jun yo'ntonique, pero xco'laj xchi'uc tijil xa espada ta sbec'talic”, xcut.

Habacuc 2:3

Ac'o me chjalij to li c'usi laj cac'bot avile, pero ta ono'ox xc'ot ta pasel, mu xa xjalij. Muc epalc'opuc. Ac'o me jal ta malael, malo me; yu'un mu alticuc no'ox, ta xc'ot ono'ox ta pasel.

Números 11:11

Jech laj yalbe li Muc'ul Diose: —¿C'u yu'un ti mu'yuc lec avo'nton ta jtojol ec, vu'un li avajtunelune? ¿C'u yu'un ti mu'yuc lec chavilune, yu'un vu'un laj avac' jventain scotol li jchi'iltac li'i?

Josué 7:7

Li Josuee jech laj yal ta stojol li Muc'ul Diose: —Ay, Cajval, ¿c'u yu'un ti laj avac' jelovcuncutic tal li' ta jot uc'um Jordán, yu'un tal avac'uncutic ta milel jcotolcutic yu'un li amorretique? Ja' lec ti teuc no'ox licomcutic ta jot uc'um Jordane.

1 Samuel 30:6

Li Davide ep laj yat yo'nton, yu'un laj ya'ay ti tsc'an xa ch-ac'bat ton yu'un li svinictaque yu'un abul sba cha'yic ti ichucbatic batel xnich'nabique. Li Davide ja' xa no'ox la xch'un ti chcoltaat yu'un li Muc'ul Dios yu'une.