Éxodo 5:21 - Bible in Tzotzil de Chenalhó with Deuterocanon

²¹ Jech laj yalbeic: —Yiloj stuc Muc'ul Dios ti c'u x'elan laj apasique. Ac'o xchapanoxuc stuc. Yu'un vo'oxuc ta amulic ti chopol xa chiyiluncutic li faraón xchi'uc xchi'iltac ta abtele. Vo'oxuc ay avac'beic ta sc'ob espada ya'yel ti c'u cha'al xu' chismiluncutic oe —xutic.

Bible in Tzotzil de Chamula

²¹ Ja' yu'un un, xi albatique: —Ac'o yich' ta venta Dios ti c'usi laj apasique. Ac'o xastsitsoxuc. Ti vo'oxuc ta amulic ti chopol ta xiyilcutic ti faraone xchi'uc ti yaj'abteltaque. Vo'oxuc laj avac'beic ta sc'ob ti espadae yo' jech ta xismiluncutic.

Éxodo 5:21 Iomraidhean Croise

Génesis 16:5

Ja' yu'un li Saraie jech laj yalbe li Abrame: —Vo'ot ta amul ti chisna'leun li Agare. Vu'un laj cac' ti ac'o aviq'ue, pero tana c'alal cha'ay ti oy xa xch'ute, mu'yuc xa jtu ta sat. Ac'o yal stuc Muc'ul Dios boch'o oy smul cu'untic, me vu'un, o me vo'ot —xi.

Génesis 31:53

Li Dios yu'un amoltot Abraham xchi'uc li jmoltot Nacore, ac'o spas li c'usi lec tsc'an yo'nton ta jtojoltique —xi. Li Jacobe laj yal ta jamal ta stojol Dios ec ti ac'o jechuque, ja' li Dios ti yich'oj ta muc' li stote, ja' li Isaaque.

Génesis 34:30

Li Jacobe jech laj yalbe li Simeón xchi'uc Levie: —Vo'oxuc ta acojic me la jta jvocol, me lic scontrainicun li canaanetic li'i, xchi'uc li ferezetique. Yu'un xu' ta stsob sbaic; ta snutsicun loq'uel. Yu'un mu'yuc ep jvinictac li vu'une, jech xu' chismilicun o comel xchi'uc li boch'otic oy cu'une —xut.

2 Samuel 10:6

Li amonetique laj ya'yic ti iq'uexlaltasatic xa li Davide, jech lic stojic batel jtob ta mil (20,000) soldadoetic ta Bet-rehob xchi'uc ta Soba, xchi'uc la stojic batel ajvalil Maaca xchi'uc jmil (1,000) svinictac, xchi'uc lajcha'mil (12,000) viniquetic ta Is-tob.

1 Crónicas 19:6

C'alal la sna'ic amonetic ti chopol xa c'usi la spasbeic li Davide, li Hanún xchi'uc amonetique la staquic batel oxmil (3,000) kilo saquil taq'uin te ta Mesopotamia, ta Siria, ta Maaca, xchi'uc ta Soba. Ja' sventa sloc' caretaetic xchi'uc stojol soldadoetic cajajtic ta ca'.

Éxodo 14:11

Jech laj yalbeic li Moisese: —¿Me yu'un mu'yuc muquinaltic te ta Egipto ti laj aloq'uesuncutic tal, ti li' tal chamcuncutic ta xocol banamil avu'une? ¿C'u yu'un ti jech laj apasbuncutique? ¿C'u yu'un ti laj aloq'uesuncutic tal ta Egiptoe?

Éxodo 15:24

Li israeletique te lic chopolc'opojicuc ta stojol li Moisese, jech la sjac'beic: “¿C'usi ta xcuch'tic?”, xutic.

Éxodo 16:2

C'alal te oyic ta xocol banamile, scotolic iliquic ta bic'talvulajetel ta stojol li Moisés xchi'uc Aarone.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Éxodo 5:20

C'alal iloq'uic tal ta stojol li faraone, te la staic li Moisés xchi'uc Aarone yu'un te ta xmalaatic.

Éxodo 6:9

Ja' yu'un li Moisese bat yalbe ya'yic yan velta li xchi'iltaque, pero muc xa xich'ic ta muc', yu'un chibajem yo'ntonic ta scoj ti toj tsots mozoinbilique.

Eclesiastés 10:1

Li jcot biq'uit chamen us ti tu xae, xu' ta soquesbe yic' smuil xpoxil li jpas muil poxile. Ja' jech li biq'uit bol talelale ta soques jc'oplaltic xchi'uc jbijiltic.

Isaías 30:6

Laj yich' albel sc'oplal li chonbolometic ta Néguev: Li boch'otic chbatic ta Egipto, ja' li jun lum ti mu'yuc stu oe, ti te chich'ic batel ta buroetic li sc'ulejalique, ti chich'ic batel ta camelloetic li matanaletic yu'unique, te chjelovic batel ta banamil ti bu toj ep vocol, ti nojem ta c'usitic xi'balic sbae, ti ja' yavil leonetic, xchi'uc li jti'val chonetic, xchi'uc li dragón ti sna' xvile.

Joel 2:20

Ta jloq'ues batel ta atojolic li c'ulubetic iliquic tal ta nortee; ta jtac batel ta xocol banamil, ta taqui banamil. Te ta xcac' jic'oicuc ta Nab Muerto li boch'o ta ba'yucbe oyique; te ta xcac' chamuc ta Nab Mediterráneo li boch'o ta ts'acalpat oyique. Te ta xcac' c'a'icuc, te ta xcac' tuibicuc, yu'un toj tsotsic c'usitic la spasic”, xi li Diose.

Números 14:22

Scotol li boch'otic laj xa yilic jtsatsale, xchi'uc ti laj yilic li senyail la jpas te ta Egipto xchi'uc ta xocol banamile, xchi'uc ti ep xa ta velta ja' no'ox la sq'uelbicun c'u x'elan co'ntone, ti mu xch'unic li jmantale,

Números 14:3

¿C'usi stu cu'untic ti laj yic'utic tal li' ta banamil li Diose? Yu'un ja' no'ox tal cac' jbatic ta milel ta pleito. Li cajnil jnich'nabtique ch-ochic ta sc'ob li cajcontratique. Ja' lec sutcutic batel ta Egipto”, xiic.

1 Samuel 13:4

Scotol israeletic laj ya'yic ti jech chich' alele: “Li Saule laj xa smil scotol li jtsob filista soldadoetique, ja' yu'un toj chopol ch-ilatic yu'un filistaetic li israeletique”, xiic. Ja' yu'un scotol li israel viniquetique bat stsob sbaic ta Gilgal xchi'uc li Saule.

1 Samuel 27:12

Li Aquise la spat yo'nton yu'un li Davide. Jech la snop: “Li Davide oy yic'al chopol xa ch-ilat o yu'un li xchi'iltac ta israelale. Ja' lec li' xa chcom o ta abtel cu'un”, xi.