Éxodo 5:2 - Bible in Tzotzil de Chenalhó with Deuterocanon

² Pero li faraone jech itac'ov: —¿Boch'o li ‘Muc'ul Diose’? ¿C'u yu'un ta jch'unbe ti tsc'an ta jloq'ues batel li israeletique? Mu xcotquin li Muc'ul Diose, xchi'uc mu'yuc ta jloq'ues batel li israeletique —xi.

Bible in Tzotzil de Chamula

² C'u stu un, ti faraone xi laj staq'ue: —¿Buch'u ti Ajvalil taje yo' jech ta jch'unbe smantal ti xu' xcac' que ti xu' ta xloq'uic batel ti israeletique? Mu xcojtiquin ma' ti Ajvalil taje. Ja' jech xtoc mi ja'uc ta xcac' loc'uc batel ti israeletique.

Éxodo 5:2 Iomraidhean Croise

2 Reyes 18:35

Scotol li diosetic le'e ¿boch'o junucal ivu' yu'un la scolta loq'uel ta jc'ob li yosilalique? ¿Me ja' xa xu' yu'un chiscoltabun loq'uel ta jc'ob lum Jerusalén ec li Muc'ul Diose?’, xi li ajvalile —xi li Rabsacese.

2 Crónicas 32:14

Li diosetic yu'un yantic banamil ti laj yulesic jmoltot jyame'cutic ta vo'onee, ¿boch'o junucal ivu' yu'un la spoj li sviniquic xchi'uc yosilalique? ¿C'u yu'un chanopic ti ja' xu' yu'un chascoltaoxuc loq'uel ta jc'ob li Muc'ul Dios avu'unique?

2 Crónicas 32:15

Mu me xavac' abaic ta lo'lael, ta vocolajel yu'un li Ezequiase. Mu me xach'unbeic c'usi chal. Yu'un me junuc dios yu'un li yantic banamiletique mu'yuc bu xpojatic ti c'alal itsacatic ta pleito yu'un li jmoltot jyame'cutic ta vo'onee. ¡Buuc xa li vo'oxuque, c'uxi chut chaspojoxuc loq'uel ta jc'ob li Dios avu'unique!’, xi li ajvalil Senaqueribe”, xi li j'almantale.

2 Crónicas 32:19

Ja' jech ichopolc'opojic ta stojol Dios yu'un Jerusalén jech chac c'u cha'al ichopolc'opojic ta stojol li diosetic yu'un yantic lum ti pasbilic no'ox ta c'abale.

Nehemías 9:10

Laj avac' ta ilel muc'tic sq'uelubil atsatsal ta stojol li Faraone xchi'uc li xchi'iltac ta abtele xchi'uc scotol li egiptoetique, yu'un laj avil ti toj abul sbaic ta uts'intael yu'unic li israeletique. Ja' jech laj avac' muq'uibuc batel ac'oplal jech chac c'u cha'al li' ta orae.

Job 15:25

Ja' ta scoj ti la stoy sba ta stojol Diose, ti toj muc' la spas sba ta stojol li Boch'o ech'em svu'ele.

Job 15:26

Cuchul xa snuc' la spas sba batel ta stojol li Diose; ba'yuc be xa batel yu'un li spimil macubbaile.

Job 21:15

¿Boch'oot ti ech'em avu'el ti chac'an chituncutic avu'une? ¿C'usi ta jtacutic ti c'alal chajc'opanotcutique?’, xutic.

Salmos 10:4

Ta scoj toj muc' chac' sbaic li boch'otic chopolique, jech mu xac' sbaic o ta sc'ob Dios. “Altic, mu'yuc Dios”, xi no'ox tsnop ta yo'ntonic,

Salmos 12:4

ti jech chalique: “Lec xu' cu'untic o ti oy quetique, xu' cu'untic ta jpoj jbatic o jchi'uctic li coc'tique; mu'yuc boch'o xu' muc' chac' sba, yu'un chtal yalbutic mantal”, ti xiique.

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 14:1

Li boch'otic bolique jech tsnopic: “Mu'yuc Dios”, xiic. Yu'un vovijem xa sjolic o, bats'i chopol c'usitic tspasic; me junuc mu'yuc boch'o lec c'usi tspas.

Éxodo 3:19

Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 7:17

Ja' yu'un li Muc'ul Diose jech laj yal: Li' tanae chavil ti vu'un Diosune. C'alal ta jmaj ta jnamte' li uc'ume, li vo'e ta xc'ataj ta ch'ich'.

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Jeremías 42:13

“Yan me mu xac'an xanaquiic li'i, me mu xc'ot ta avo'ntonic c'usi chal li Muc'ul Diose,

Jeremías 48:26

Yacubtasic li Moabe yu'un la stoy sba ta stojol li Muc'ul Diose; yu'un jech ac'o sbonilan sba ta xe, jech ac'o yich' labanel.

Daniel 3:15

¿Li' ta orae me chapaloxuc xa chaquejan abaic ta stojol, chavich'ic ta muc' c'alal me laj ava'yic chich' tijel li jaychop sonetic li' oye? Me mu xac'an xavich'ic ta muq'ue, ta ora chavich'ic tiq'uel ta horno ti tsanbil lec sc'ac'ale. ¿Me oy yan dios ti xu' chascoltaoxuc loq'uel ta jc'obe? —xi.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

2 Tesalonicenses 1:8

Ta xyal tal xchi'uc natiquil yat c'oc', yu'un ja' chtal yac'be stoj smul li boch'otic mu xotquinic Diose, ti mu sc'an xch'unic li Lequil A'yej yu'un Cajvaltic Jesucristoe.

Jueces 2:10

Scotol li israeletic ti cuxulic ta yorail Josuee ichamic ec. C'alal ilic yan jc'ol alab nich'nabetique, muc xotquinic li Muc'ul Diose xchi'uc mu'yuc xilic c'usitic la spas Muc'ul Dios ta stojol li stot sme'ique.

1 Samuel 2:12

Li xnich'nabtac Elie puru chopol viniquetic; muc xich'ic ta muc' li Muc'ul Diose,

1 Samuel 25:10

Pero li Nabale jech laj yal: —¿Boch'o li David, xnich'on Isaie? Tana oy ep jech mozoetic jatovenic loq'uel tal ta stojol li yajvalique.