Éxodo 5:10 - Bible in Tzotzil de Chenalhó with Deuterocanon

¹⁰ Li banquilaletique xchi'uc li boch'otic yich'oj yabtelic ta jujutsob sventa tsujvanic ta abtele, jech bat yalbeic li viniquetique: —Li faraone laj yal mantal ti mu'yuc xa ta xcac'cutic ajobelique.

Bible in Tzotzil de Chamula

¹⁰ Jech ti jq'uel-abteletique xchi'uc ti banquilaletic yu'un jujuvoq'ue, loq'uic batel ti xi laj yalbeic ya'iic ti jnaclejetique: —Ti faraone laj yal mantal ti mu'yuc xa ta xasa'bat talel ajobelique.

Éxodo 5:10 Iomraidhean Croise

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Éxodo 5:11

Li' ta orae atuquic xa chbat asa'ic tal me oy bu xataique. Pero ma'uc yu'un te xa tstsul o ti c'u yepal chapatic li xamite —x'utatic.

Éxodo 5:6

Li faraone ta ora no'ox lic yalbe mantal li boch'otic yich'oj yabtelic ta jteclum sventa tsujic ta abtel li jujutsob israeletique. Jech laj yalbe:

Éxodo 5:9

Tsatsubtasbeic yabtelic. Ac'o oyuc lec yabtel scotolic yu'un jech mu xac' xchiquinic ta ya'yel li epalc'opetique —xi.

Proverbios 29:12

Me oy jun ajvalil chch'un li c'usitic mu meleluque, chopol chbat scotol li j'abteletic yu'une.

Isaías 30:6

Laj yich' albel sc'oplal li chonbolometic ta Néguev: Li boch'otic chbatic ta Egipto, ja' li jun lum ti mu'yuc stu oe, ti te chich'ic batel ta buroetic li sc'ulejalique, ti chich'ic batel ta camelloetic li matanaletic yu'unique, te chjelovic batel ta banamil ti bu toj ep vocol, ti nojem ta c'usitic xi'balic sbae, ti ja' yavil leonetic, xchi'uc li jti'val chonetic, xchi'uc li dragón ti sna' xvile.