Éxodo 5:1 - Bible in Tzotzil de Chenalhó with Deuterocanon

¹ Ja' yu'un li Moisés xchi'uc Aarone bat sc'opanic li faraone. Jech c'ot yalbeic: —Jech ta xal li Muc'ul Diose, ja' li Dios yu'un Israele: ‘Coltabun batel li jteclumale yu'un chbat spasic jun q'uin te ta xocol banamil sventa chiyich'icun ta muc'’, xi —xutic c'otel.

Bible in Tzotzil de Chamula

¹ Ts'acal to taj une, ti Moisese xchi'uc ti Aarone xi bat yalbeic ya'i ti faraone: —Xi laj yal ti Ajvalil Dios yu'un ti Israele: “Ac'o ave ati' ti xu' ta xloq'uic batel ta sbajtical banomil ti calab jnich'nabe yo' jech xba spasic q'uin sventa quich'el ta muc'.”

Éxodo 5:1 Iomraidhean Croise

1 Reyes 21:20

C'alal laj yil Acab te ic'ot li Eliase, jech laj yalbe: —¿Me tal ataun, cajcontra? —xut. Itac'ov li Eliase: —Ta sventa ti tal jtaot ta c'opanele, yu'un solel avac'oj aba o ta spasel c'usi chopol ta stojol li Muc'ul Diose.

Salmos 119:46

Ta xcalbe ya'ay amantaltac li ajvaliletique; mu xiq'uexov o ta yalel.

Éxodo 10:3

Jech li Moisés xchi'uc Aarone ibatic ta stojol li faraone. Jech laj yalbeic: —Jech chayalbot li Muc'ul Diose, ja' li Dios yu'un hebreoetique: ‘¿Baq'uin to chabic'tajes aba ta jtojol? Coltabun batel li jteclum cu'une yu'un chbat yich'icun ta muc'.

Éxodo 10:4

Me mu xacoltabun batele, oc'om ta jtac tal epal c'ulubetic li' ta avosilal.

Éxodo 10:9

Itac'ov li Moisese: —Chibat jcotolcutic c'alal ta ololetic cu'uncutic, c'alal ta mol me'eletic, c'alal ta queremetic tsebetic, xchi'uc c'alal ta jchijcutic, ta jvacaxcutic, yu'un ja' jun muc'ta q'uin ta sventa Muc'ul Dios chbat jpascutic —xut.

Éxodo 3:18

Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Éxodo 33:13

Ja' yu'un me ta melel lec chavilune, albun ca'ay scotol li c'usitic chapanbil avu'une yu'un jech ta jpat co'nton ta atojol. Jech ta jna' ti lec chavilune. Na'o me ava'ay, li jchi'iltaque ja' ateclumal —xi li Moisese.

Éxodo 4:23

Laj xa calbot ti ac'o aloq'ues batel li jnich'one, yu'un chbat yich'icun ta muc'. Pero ta sventa ti mu xavac' loc'uc batele, ta jmilbot li sba anich'nabe, xayutot li Muc'ul Diose’, uto —xi li Muc'ul Diose.

Éxodo 6:11

—Bat xa albo faraón ti ac'o sloq'ues batel li achi'iltaque —xut.

Éxodo 6:27

Ja'ic ono'ox Moisés xchi'uc Aarón ti ay sc'opanic li faraón ajvalil ta Egipto sventa bat sloq'uesic tal ta Egipto banamil li israeletique.

Éxodo 7:16

Jech xc'ot avalbe: ‘Li Muc'ul Diose, ja' li Dios yu'un hebreoetique, la stacun tal yu'un jech tal calbot ava'ay: Loq'ueso batel li jteclum cu'une, yu'un chbat yich'icun ta muc' ta xocol banamil, xayutot. Pero mu xac'an xach'un o.

Éxodo 7:2

Vo'ot chavalbe scotol Aarón li c'usi chacalbote. Li abanquil Aarone ja' xa chalbe ec li faraón ti ac'o sloq'ues batel ta yosilal li israeletique.

Éxodo 8:1

li Muc'ul Diose jech laj yalbe li Moisese: —Batan ta stojol li faraone. Jech xc'ot avalbe: ‘Jech chayalbot li Muc'ul Diose: Coltao batel li jteclum cu'une yu'un chbat yich'icun ta muc'.

Éxodo 8:16

Li Muc'ul Diose jech laj yalbe li Moisese: —Albo Aarón ti ac'o smaj ta snamte' li spucucal banamile, yu'un ac'o c'atajuc ta ch'iquil usetic ta scotol li Egiptoe —xut.

Éxodo 8:17

Ja' jech la spasic. Li Aarone la smaj ta snamte' li spucucal banamile, jech ic'ataj ta ch'iquil usetic. Ja' iti'atic o li cristianoetique xchi'uc li chonbolometic ta scotol yosilal Egiptoe.

Éxodo 8:20

Li Muc'ul Diose jech laj yalbe li Moisese: —Li faraone sob ta xbat ta uc'um oc'om. Li vo'ote sob xalic; te xabat ec. Jech xc'ot avalbe: ‘Jech yaloj li Muc'ul Diose: Coltao batel li jteclum cu'une yu'un chbat yich'icun ta muc'.

Éxodo 8:27

Ja' lec te chibatcutic ta xocol banamil ti oxib c'ac'al sbelale. Ja' te chbat jchic'becutic smoton li Muc'ul Dios cu'uncutic jech chac c'u cha'al laj yalbuncutique —xi.

Éxodo 9:1

Li Muc'ul Diose jech laj yalbe noxtoc li Moisese: —Batan ta stojol li faraone. Jech xavalbe: ‘Jech chayalbot li Muc'ul Diose, ja' li Dios yu'un hebreoetique: Coltao batel li jteclum cu'une yu'un chbat yich'icun ta muc'.

Éxodo 9:2

Me mu xavac' loq'uicuc batele, me ja' no'ox jech li' chamaquilane,

Isaías 25:6

Li Muc'ul Dios ti ech'em svu'ele te ta vits Sión chchapan lequil ve'lil ta sventa li jujun banamile, xchi'uc chchapan pasem ya'lel ts'usub ti vo'one xa lec pasbile; toj lec muic li ve'lile xchi'uc toj lequic li pasem ya'lel ts'usube.

Ezequiel 2:6

Li vo'ote xnich'on cristiano, mu me xaxi' yu'unic ti c'u x'elanique, xchi'uc ti c'u x'elan chc'opojique. Ac'o me xco'laj xchi'uc suculot ta ch'ixtic, me xco'laj xchi'uc te achi'uc puru stsequetic chava'ay, pero mu me xaxi', yu'un le'e ja' mero jtacchiquin cristianoetic o.

San Mateo 10:18

Ic'bil chabatic c'alal ta stojol ajvaliletic xchi'uc ta stojol muc'tic ajvaliletic, pero vu'un ta jcoj, jech xu' te cha'yic o batel jc'oplal, xchi'uc jech xu' te cha'yic o batel yanlumetic noxtoc.

San Mateo 10:28

Mu me xaxi'ic yu'un li boch'o ta smil abec'talique, yu'un li ach'ulelique mu xu' ta smil. Ja' lec ja' xaxi'ic yu'un li Boch'o xu' yu'un ta smil abec'talic xchi'uc ach'ulelic ta muc'ta c'oq'ue.

Hechos 4:29

Li' ta orae, Cajval, q'uelavil ep chisibtasuncutic. Pero ac'bun lec stsatsal co'ntoncutic ti jamal ac'o calcutic o ac'op, vu'uncutic li avajtuneluncutique.

1 Corintios 5:8

Ja' yu'un ja' ac'o jpastic li q'uin Coltael ti ma'uc ta jtunestic li pan ti yich'oj li poco' svolesubil xch'ute, ja' li mulile, li c'usitic chopole. Ja' ac'o jtunestic li pan ti ta melel mu'yuc xa yich'oj svolesubil xch'ute, ja' li c'usitic leque, li c'usitic melele.