Éxodo 40:9 - Bible in Tzotzil de Chenalhó with Deuterocanon

⁹ “Ja'o xatsac li aceite sventa ich'ub abtelale. Malbo ta sba li ch'ulna pasbil ta nucule xchi'uc scotol li c'usitic te oy ta yute. Ja' jech xats'u'iltas scotol li c'usitic te chtune, jech ts'u'iltasbil chcom o.

Bible in Tzotzil de Chamula

⁹ “Mi laj taj une, ti jtunel aceite sventa abtelale, vijo ta malel ta sjunul ti Axibalnae xchi'uc scotol ti c'usitic oy yu'une. Ja' jech scotol ta xc'ot ta jtunel. Ja' to jech ta xc'ot ta jtunel un.

Éxodo 40:9 Iomraidhean Croise

Salmos 45:7

Yu'un ja' chac'an li c'usitic tuq'ue; ja' chacontrain li c'usi chopole, ja' yu'un la st'ujot li Diose, ja' li Dios avu'une. Laj yac'bot ep xcuxetel avo'nton; ja' mu sta jech ac'bilic li yantic achi'iltaque.

Éxodo 37:29

Li Bezaleele la spas noxtoc li ch'ul aceite sventa ich'ub abtelale, xchi'uc li pome, xchi'uc li mero perfumee. Ja' jech la spas jech chac c'u cha'al tspasic li boch'otic lec sna'ic spasel perfumeetique.

Éxodo 39:39

xchi'uc li scajleb smoton Dios pasbil ta broncee, xchi'uc li xchajchajtaq'uinal pasbil ta bronce noxtoque, xchi'uc li xq'uechubiltaque xchi'uc scotol li c'usitic te chtune, xchi'uc li muc'ta perol xchi'uc snaclebe.

Éxodo 40:8

Ta slajeb to xapas li scoralil yamaq'uil ch'ulnae; te xajoc'an noxtoc li poc' sventa smac sti' scoralile.

Isaías 11:2

Te ta xcom o ta stojol li Espíritu yu'un Muc'ul Diose, ja' ta x'ac'bat lec sbijil, ta xjambat lec sat; ta x'ac'bat lec sna' c'u x'elan chtojobtasvan; ta x'ac'bat lec stsatsal; ta x'ac'bat lec yotquin c'usi tsc'an tspas, xchi'uc c'u x'elan lec chich' ta muc' li Muc'ul Diose.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Ezequiel 28:14

Xaco'laj to'ox achi'uc jun querubín ti xlich'anoj lec xiq'ue. Xco'laj to'ox xchi'uc te oyot ta ch'ul vits yu'un li Diose. Te to'ox chaxanov ta lequil tonetic ti xleblajet jech chac c'u cha'al c'oq'ue.

Levítico 8:10

Li Moisese lic stsac li aceite sventa ts'u'iltasele. La smalta ta aceite li ch'ulnae xchi'uc scotol li c'usitic te oye, jech ch'ulna icom o.

Números 7:1

Li c'usi c'ac'alil ivu' yu'un spasel ch'ulna pasbil ta nucul li Moisese, la xjax ta aceite li ch'ulnae, xchi'uc scotol li c'usitic te chtune, xchi'uc li c'usitic te chtun ta scajleb smoton Diose, jech voc'bil icom o.

San Mateo 3:16

C'alal laj yich' vo' li Jesuse, iloc' ta uc'um; ta ora ijam li vinajele. Laj yil iyal tal ta sba li Espíritu yu'un Diose, xco'laj xchi'uc stsumut yilel.

San Juan 3:34

Yu'un li boch'o ja' tacbil tal yu'un Diose ja' sc'op Dios ta xal, yu'un muc bisbiluc no'ox i'ac'bat li Ch'ul Espiritue.

2 Corintios 1:22

Xchi'uc ti laj yac'butic jselloaltic ti yu'unutic oe, ja' li Ch'ul Espíritu yac'ojbutic ta co'ntontique. Ja' sliqueb quich'ojtic li c'usi ta to xc'ot quich'tique.

2 Corintios 1:4

Ja' chispatbutic co'ntontic ta sventa scotol jvocoltic, yu'un jech xu' ta jpatbetic yo'nton ec li boch'otic oy c'usiuc no'ox vocolal cha'yique, yu'un stsatsubtasojbutic xa co'ntontic ec li Diose.

Hebreos 9:21

Jech noxtoc la svij ta ch'ich' li ch'ulna pasbil ta nucule, xchi'uc li c'usitic te chtun sventa tspasic c'usitic yaloj Diose.

1 Juan 2:20

Li vo'oxuque laj xa yac'boxuc avich'ic Ch'ul Espíritu li Boch'o mu'yuc smule, jech voc'biloxuc xa lacomic, jech acotolic xa oy abijilic.