Éxodo 4:5 - Bible in Tzotzil de Chenalhó with Deuterocanon

⁵ —Le'e ja' sventa ac'o xch'unic ti laj yac' sba ta ilel ta atojol li Muc'ul Diose, ja' li Dios yu'un amoltotic ta vo'onee, ja' li Abrahame, li Isaaque, xchi'uc li Jacobe.

Bible in Tzotzil de Chamula

⁵ Laj xtoc un, xi albat yu'un ti Diose: —Le'e, ja' to jech ta xch'unic ti laj yac' sba iluc ti Dios ta atojolale, ja' ti Dios yu'un ti amolmuc'totaque, Dios yu'un ti Abrahame, ti Isaaque, ti Jacobe.

Éxodo 4:5 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 17:1

C'alal yich'oj xa'ox balunlajuneb yo'vinic (99) jabil li Abrame, li Muc'ul Diose laj yac' sba ta ilel ta stojol yan velta. Jech laj yalbe: —Vu'un Diosun ti scotol xu' cu'une. Tuc'uc me avo'nton ta jtojol. Mu me c'usi chopol xapas.

Génesis 18:1

Li Muc'ul Diose laj yac' sba ta ilel ta stojol Abraham te yo' bu nacal ta toyolal tulantic ta Mamree. Ja'o te chcux yo'nton ta sti' scarpana ta o'lol c'ac'al.

Génesis 26:2

Li Muc'ul Diose te laj yac' sba ta ilel ta stojol li Isaaque, jech laj yalbe: “Mu me xabat ta lum Egipto. Te no'ox xacom ti bu chacalbote.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 48:15

Li Israele lic sc'anbe bendición ta stojol li Josee. Jech laj yal: “Li Dios ti jun yo'nton laj yich'ic ta muc' li jmoltot Abraham xchi'uc li jtot Isaaque, xchi'uc ti ja' la xchabiun c'alal livoc', xchi'uc c'alal to tanae,

Génesis 48:3

Jech laj yalbe li Josee: —Li Dios ti ech'em stsatsale laj yac' sba ta ilel ta jtojol te ta Canaán banamil ta jun lum, Luz sbi. Te laj yac'bun bendición. Jech laj yalbun:

1 Reyes 18:36

C'alal la sta yorail c'usi ora chchiq'uic ono'ox matanale, li Eliase inopaj batel, jech laj yal: “Muc'ul Dios, Dios yu'un Abraham, Isaac, xchi'uc Israel: li' ta orae ac'o ta ilel ti vo'ot Diosot li' ta Israele, xchi'uc ti vu'un avajtunelune, xchi'uc ti vo'ot ta amantal ta jpas li c'usitic li' ta jpase.

2 Crónicas 20:20

Ta yoc'omal sob iliquic. La stam batel sbeic; ibatic ta xocol banamil Tecoa. C'alal chloq'uic xa'ox batele, te lic sva'an sba li Josafate, jech laj yal: “Judaetic xchi'uc jnaclumetic ta Jerusalén, a'yic c'usi ta xcal: Ja' no'ox pato avo'ntonic o ta stojol li Muc'ul Dios cu'untique, jech jbel sc'oplal lec oyoxuc o. Xchi'uc pato avo'ntonic ta stojol li j'alc'opetic avu'unique, jech lec chbat scotol li c'usitic chapasique”, xi.

Éxodo 19:9

Li Muc'ul Diose jech laj yal: —A'yo ava'ay, te chibat ta atojol ta jun pimil toc, yu'un ac'o ya'yic scotol achi'iltac ti ta jchi'inot ta lo'ile, jech xu' chayich'icot ta muc' —x'utat. Li Moisese te lic yalbe ya'ay c'u x'elan itac'ovic li israeletique.

Éxodo 3:15

Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Éxodo 3:18

Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Éxodo 3:4

C'alal laj yil Muc'ul Dios ti inopaj xa batel li Moisese, ic'opoj tal te ta jpets ch'ix: —Moisés, Moisés —xut. —Li' oyune —xi li Moisese.

Éxodo 3:6

Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Éxodo 4:4

Li Muc'ul Diose jech laj yalbe: —Bat tsacbo sne li chone —xut. Li Moisese la stsacbe sne li chone. C'alal la stsaque, li chone ic'ataj ta snamte' yan velta.

Jeremías 31:3

Vo'one ono'ox laj cac' jba ta ilel ta stojolic, jech laj calbe: Laj cal ti j'ech'el la jc'anot oe, ja' yu'un yoquel to jech jc'anojot o.

San Juan 11:15

Xcuxet no'ox co'nton ta aventaic ti mu'yuc te oyun c'alal ichame, yu'un jech ac'o ach'unicun. Batic, bat jq'ueltic —xi.

San Juan 11:42

Li vu'une ta jna' ti scotol c'ac'al chava'ibun jc'ope. Ti jech ta xcalbote, ja' ta scoj li epal cristianoetic li' setelique, yu'un jech ac'o xch'unic ti vo'ot laj atacun tale —xi.

San Juan 20:27

Li Jesuse jech laj yalbe li Tomase: —Q'uelavil li jc'obe, ac'o ac'ob li'i. Tic'o ac'ob noxtoc li' ta jxocone. Mu me xapas ta tsots avo'nton; paso aba ta mero jch'unolajel —x'utat.

San Juan 20:31

Ti c'u yepal laj yich' ts'ibael li'i, ja' sventa ac'o ach'unic ti ja' Cristo li Jesuse, ti ja' Xnich'on Diose. Yu'un me chach'unique, chacuxiic o sbatel osil ta sventa.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

Hechos 7:2

Itac'ov li Estebane: —Jchi'iltac, viniquetic, totiletic, a'yo ava'yic c'usi ta xcal. Li Dios ti toj ech'em yutsile, laj yac' sba ta ilel ta stojol li jmoltotic Abraham ti c'alal te to'ox nacal ta Mesopotámia banamile, ti c'alal mu'yuc to'ox chbat nacluc ta lum Harane.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.