Éxodo 4:21 - Bible in Tzotzil de Chenalhó with Deuterocanon

²¹ Li Muc'ul Diose jech laj yalbe li Moisese: —C'alal chac'ot ta Egiptoe, xc'ot apas scotol ta stojol faraón li sq'uelubiltac jtsatsal chacac'bot apase. Yu'un li vu'une ta jtsatsubtasbe yo'nton li faraone, jech mu xac' loc'uc batel li achi'iltaque.

Bible in Tzotzil de Chamula

²¹ Ts'acal to un, xi albat Moisés yu'un ti Diose: —C'alal ta xac'ot ta Egiptoe, xavac' me avo'nton ta spasel ta stojol faraón ti ep ta tos laj cac'bot amuc'ul atsatsal ta spasel ti c'usi ch'ayal ta xc'ot o'ntonal yu'une. Ja' no'ox un, mu xac' loc'uc batel ti israeletique. Yu'un vu'un ta jpucujibtasbe yo'nton ti faraone.

Éxodo 4:21 Iomraidhean Croise

Génesis 6:3

Li Muc'ul Diose jech laj yal: “Mu xcac' ti toj jal chcuxiic li cristianoetique yu'un oy sbec'talic, jech ja' xa no'ox ta xcac' cuxiicuc vacvinic (120) jabil”, xi.

1 Reyes 22:22

Itac'ov: “Chiloc' batel; vu'un chbat cac'be epalc'op ta yeic li j'alc'opetic yu'un ajvalil Acabe”, xi. Li Muc'ul Diose jech laj yal: “Lec oy, bat paso cha'e; lec xu' avu'un”, xut.

Salmos 105:25

Li Diose lic syanijesbe yo'ntonic li egiptoetique, yu'un ac'o yich' contrainbel li steclumale, jech lic yich' uts'intabel li yajtuneltaque.

Salmos 78:43

Muc xa svules ta yo'ntonic ti ep senyailtac, ti ep sq'uelubiltac la spas te ta Egipto ta yosilal Zoane,

Éxodo 10:1

Li Muc'ul Diose jech laj yalbe li Moisese: —Batan yan velta ta stojol li faraone yu'un jtsatsubtasojbe xa yo'ntonic xchi'uc li xchi'iltac ta abtele, yu'un jech ac'o yilic li muc'tic sq'uelubil jtsatsal ta jpase.

Éxodo 10:20

Pero li Muc'ul Diose la stsatsubtasbe yo'nton noxtoc li faraone, jech muc scolta batel li israeletique.

Éxodo 10:27

Pero li Muc'ul Diose la stsatsubtasbe yo'nton li faraone, jech mu'yuc la scolta batel li israeletique.

Éxodo 11:10

Li Moisés xchi'uc Aarone la spasic scotol sq'uelubil stsatsal Muc'ul Dios ta stojol li faraone. Pero ta sventa ti stsatsubtasojbe yo'nton faraón li Muc'ul Diose, jech mu'yuc laj yac' loq'uicuc batel ta Egipto li israeletique.

Éxodo 11:9

Ts'acal jech i'albat yu'un li Muc'ul Diose: —Li faraone muc xayich'oxuc ta muc', yu'un jech xu' chcac'be to yilic ep sq'uelubil jtsatsal te ta Egipto —xi.

Éxodo 14:17

Li vu'une ta jtsatsubtasbe yo'nton li egiptoetique yu'un ac'o snutsoxuc batel. Jech xu' chcac'be yil jvu'el jtsatsal li faraone, xchi'uc li yajsoldadotaque, xchi'uc li scaretaique, xchi'uc li sca'ique.

Éxodo 14:4

Jech li vu'une ta jtsatsubtasbe yo'nton li faraone yu'un jech ac'o bat snutsoxuc ta be, jech te chcac'be yil xchi'uc yajsoldadotac ti c'u x'elan jtsatsale. Jech scotol egiptoetic chlic sna'ic ti vu'un Muc'ul Diosune”, xut. Li israeletique te la sjoyic batel.

Éxodo 14:8

Li Muc'ul Diose la stsatsubtasbe yo'nton li faraone, jech bat snuts ta anil li israeletic ti c'alal iloq'uesatic batel ta svu'el stsatsal Muc'ul Diose.

Éxodo 3:19

Pero jna'oj lec ti mu ono'ox xayac'oxuc loq'uel tal li ajvalil ta Egipto ti me mu xich' tsots sujele.

Éxodo 3:20

Ja' yu'un vu'un ta xcac' ta ilel jvu'el jtsatsal. Li Egiptoetique ta xcac'be stojic ta sventa li sq'uelubiltac jtsatsal ta jpas ta stojolique: ja' to jech chayac'oxuc loq'uel tal li faraone.

Éxodo 7:13

C'alal jech ic'ot ta pasele, itsatsub o yo'nton li faraone. Jech mu'yuc laj yich' o ta muc' c'usi yaloj li Muc'ul Diose.

Éxodo 7:3

Pero vu'un ta jtsatsubtasbe yo'nton li faraone, jech ta xlic jpas ep senyailtac sq'uelubiltac te ta Egipto ti toj ch'ayel chc'ot yo'ntonic yu'une.

Éxodo 8:11

Li xch'uch'etique ta xloc' batel ta apasubmantal; ja' xa no'ox te ta xcomic ta uc'um. Jech mu'yuc xa ta xuts'intaoxuc xchi'uc li achi'iltac ta abtele xchi'uc scotol li yantic achi'iltaque —xut.

Éxodo 8:15

Pero c'alal laj yil faraón ti mu'yuc xa svocole, itsatsub yo'nton noxtoc, jech mu'yuc laj yich'be ta muc' sc'op li Moisés xchi'uc Aarón jech chac c'u cha'al yaloj ono'ox li Muc'ul Diose.

Éxodo 8:32

Pero li faraone itsatsub yo'nton yan velta noxtoc, jech muc scolta batel li israeletique.

Éxodo 9:12

Pero li Muc'ul Diose la stsatsubtasbe yo'nton li faraone yu'un mu me xich'be ta muc' sc'opic li Moisés xchi'uc Aarón jech chac c'u cha'al albil ono'ox yu'un Dios li Moisese.

Éxodo 9:35

Li faraone la spas ta tsots yo'nton yan velta, jech mu'yuc laj yac' loc'uc batel li israeletic jech chac c'u cha'al albil ono'ox yu'un Muc'ul Dios li Moisese.

Isaías 6:10

Tsatsubtasbo yo'ntonic li jun lum le'e; macbo xchiquinic, macbo satic, yu'un mu me xa'yic, mu me xilic, mu me xc'ot ta yo'ntonic, jech mu me sutes yo'ntonic o ta jtojol, yu'un jech mu xcolic o cu'un”, xiyutun li Cajvaltique.

Isaías 63:17

Muc'ul Dios, ¿c'u yu'un ti laj avac' ch'aycuncutic ta be avu'une? ¿C'u yu'un ti laj atsatsubtasbun co'ntoncutic ta avich'el ta muq'ue? Sutan tal ta jtojolcutic ta sventa ti lec ac'anoj li avajtuneltaque, xchi'uc ta sventa li jaychop avu'untac avic'oj o ta atojole.

San Juan 12:40

“Chmacbat satic, tstsatsubtasbat yo'ntonic, yu'un jech mu me xilic, mu me xc'ot ta yo'ntonic; jech mu sutes yo'ntonic, jech mu xcolic o”, xi ono'ox li Isaiase.

Romanos 1:28

Ta sventa ti muc xich'ic ta muc' c'u x'elan xu' chcotquintic o li Diose, jech i'ac'bat snopic o yu'un Dios li c'usitic mu'yuc stue, yu'un jech ac'o spasic o li c'usi mu jechuc sc'oplal ta pasele.

Romanos 9:18

Ja' yu'un lec chvinaj ti xu' chc'uxubin boch'o tsc'an chc'uxubin li Diose; xu' tstsatsubtasbe yo'nton li boch'o tsc'an tstsatsubtasbe yo'ntone.

2 Corintios 2:16

Li boch'otic ch'ayel chbatique ja' xa sventa lajel chamel cha'yic ti c'alal cha'ibeic yiq'ue. Yan li boch'otic chcolique ja' xa sventa xcuxlejal cha'yic o ti c'alal cha'ibeic yiq'ue. Mu'yuc boch'o xu' yu'un spasel ta stuc no'ox jech chac le'e.

Deuteronomio 2:36

ti xlic ta yosilal Aroer ta nopol ti uc'um Arnone, xchi'uc ta lum te ta stenlejaltic c'alal to ta Galaade, me junuc muc boch'o xvu' yu'un la spoj sbaic ti c'alal la jpastic pleito jchi'uctique. Li Muc'ul Dios cu'untique laj yac' jtsaltic scotol li lumetique.

Josué 11:20

Yu'un li Muc'ul Diose la spasbe ta tsots yo'ntonic scotol li yajcontra israeletique yu'un jech ac'o scontrainic li israeletique. Ja' yu'un li israeletique laj yulesic o scotol; mu'yuc abul sba laj yilic, yu'un jech ono'ox albil yu'un Muc'ul Dios li Moisese.

1 Pedro 2:8

“Ja' sventa ac'o sbosi yacanic o; ja' sventa ac'o yalicuc o ta lum”, xi. Ja' te tsbosi yacanic o ya'yel ta sventa ti mu xch'unic li sc'op Diose, yu'un jech ono'ox ts'ibabil sc'oplalic.