Éxodo 4:20 - Bible in Tzotzil de Chenalhó with Deuterocanon

²⁰ Ja' yu'un li Moisese laj yic' batel li yajnil xchi'uc xnich'nabe. La scajan batel ta buro, jech isutic batel ta Egipto. Te yich'oj batel li namte'al yu'un Diose.

Bible in Tzotzil de Chamula

²⁰ Jech ti Moisese laj scajan batel ta burro ti yajnile, ti xnich'nabe. Laj yic'anan batel c'alal sut batel ta Egipto. Stsacoj batel ti svaxton Diose.

Éxodo 4:20 Iomraidhean Croise

Éxodo 14:16

Li vo'ote toyo li anamte'e, becho ac'ob ta sba li nabe, voc'o ta cha'voc'. Ja' te ac'o jelovicuc batel achi'iltac ta o'lol nab ti bu taquin chcome.

Éxodo 17:9

Li Moisese jech laj yalbe li Josuee: —T'ujo jayibuc viniquetic bat pasic pleito achi'uquic li amalequetique. Yan li vu'une oc'om te chibat ta toyol vits, chquich'be batel li ste' Diose —xut.

Éxodo 18:6

Jech c'ot yalbe li Moisese: —Vu'un amuni' Jetroun, tal jq'uelotcutic jchi'uc li avajnile xchi'uc li chib anich'nabe —xut.

Éxodo 2:22

Li Seforae ivoc' jun yol. Gersón laj yac'be sbi li Moisese, yu'un jech laj yal: “Vu'un yanlum vinicun ti li' oyun tal ta yan banamile”, xi.

Éxodo 4:17

Ich'o batel li anamte'e yu'un ja' chapas o li sq'uelubiltac jtsatsale —xut.

Éxodo 4:2

—¿C'usi te atsacoj ta ac'obe? —xi la sjac' li Muc'ul Diose. —Jnamte' —xi li Moisese.

Números 20:11

C'alal laj yal jeche, lic stoy sc'ob. La smaj ta snamte' chib velta li ch'ene, jech te iloc' tal ep vo'. Jech lic yuch'ic scotol li israeletique xchi'uc scotol li sca' xvacaxique.

Hechos 7:29

C'alal laj ya'ay jech i'albat li Moisese, ijatov batel. Te c'ot nacluc ta yan banamil Madián sbi. Te la sa' yajnil; te ivoc' chib xnich'on.