Éxodo 4:16 - Bible in Tzotzil de Chenalhó with Deuterocanon

¹⁶ C'alal chc'ot ac'opan li abanquile, xco'laj xchi'uc vu'un chc'ot c'opojcun. Li Aarone ja' xa chalbe ya'yic achi'iltaquic li c'usi chavalbee.

Bible in Tzotzil de Chamula

¹⁶ Co'oluc s'elan ti vu'un jtuc ta xic'opoj c'alal ta xac'opon ti Aarone. Jech ti Aarone ja' ta xalbe ya'i ti jteclum ti c'usi ta xavale.

Éxodo 4:16 Iomraidhean Croise

Salmos 82:6

Jech chacalboxuc: “Li vo'oxuque apasoj abaic ta diosetic; acuyoj abaic ta xnich'on li Boch'o te oy ta vinajele.

Éxodo 18:19

A'yo ava'ay, li' chacalbot c'usi lec ta pasel; Dios chascoltaot ta spasel. Li vo'ote ja' no'ox te xava'i ta stojol Dios yu'un li achi'iltaque; vo'ot xavalbe Dios li c'usi sc'opique.

Éxodo 4:12

Ja' lec batan me. Vu'un chajchi'inot ti c'alal chalo'ilaje; vu'un ta jchanubtasot li c'usi xu' chavale —xi.

Éxodo 4:30

Li Aarone c'ot yalbe ya'yic scotol c'usi albil yu'un Muc'ul Dios li Moisese. Xchi'uc la spasic te ta stojol xchi'iltaquic li sq'uelubil stsatsal Dios ti yaloj Muc'ul Dios ac'o spasique.

Jeremías 36:32

Li Jeremiase la stsac yan balbil vun, laj yac'be li Baruque, ja' li jts'ibajom xnich'on Neriase. Ja' te la sts'iba scotol c'usi laj yal li Jeremiase, ja' ti c'usi ts'ibabil ono'ox ta yan balbil vun ti la xchic' ta c'oc' li Joacim ajvalil ta Judae. Li Jeremiase laj to yac'be ep xchi'il ti co'oltic smelole.