Éxodo 4:15 - Bible in Tzotzil de Chenalhó with Deuterocanon

¹⁵ Chi'ino ta lo'il; albo lec ya'ay scotol li c'usi tsc'an chale. Li vu'une te jchi'ucoxuc ti c'alal chalo'ilajique, xchi'uc vu'un chajchanubtasoxuc lec li c'usi tsc'an chapasique.

Bible in Tzotzil de Chamula

¹⁵ Lo'ilajanic lec xchi'uc. Chapbo ya'i lec scotol ti c'usi xu' ta xale. Jech ti vu'un eque ta jva'an jba ti oyun ta stojol c'alal ta xac'opojique. Ta xajbijubtasoxuc lec ti c'usi sc'an ta xapasique.

Éxodo 4:15 Iomraidhean Croise

2 Samuel 14:3

Ja'o xabat ta stojol li ajvalile, jech xc'ot avalbe jech chac c'u cha'al chacalbote”, xut. Te la xcha'albe lec batel li c'usi chc'ot yale.

Salmos 25:12

Li boch'o chich' ta muc' Muc'ul Diose, ja' tstojobtasat c'usi lec beal ac'o st'uj.

Salmos 51:15

Cajval, jambun li quee; ac'o jpuc batel li alequilale,

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 4:12

Ja' lec batan me. Vu'un chajchi'inot ti c'alal chalo'ilaje; vu'un ta jchanubtasot li c'usi xu' chavale —xi.

Éxodo 4:28

Li Moisese te lic xcholbe ya'ay Aarón scotol li c'usitic i'albat yu'un Muc'ul Dios ac'o yale, xchi'uc laj yalbe noxtoc c'u x'elan li muc'tic sq'uelubil stsatsal Muc'ul Dios ch-ac'bat spase.

Éxodo 4:30

Li Aarone c'ot yalbe ya'yic scotol c'usi albil yu'un Muc'ul Dios li Moisese. Xchi'uc la spasic te ta stojol xchi'iltaquic li sq'uelubil stsatsal Dios ti yaloj Muc'ul Dios ac'o spasique.

Isaías 51:16

Vu'un la jlich'an batel li vinajele; vu'un la jnacan lec li banamile. Vu'un laj cac'bot ta ave noxtoc li jc'ope; vu'un la jchabiot, la jventainot lec. Vu'un noxtoc ti jech laj calbe li Sione: ‘Vo'ot jlumalot’, xcut”, xi li Muc'ul Diose.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Jeremías 1:9

Li Muc'ul Diose la xbech sc'ob, la spicbun que, jech laj yalbun: “A'yo ava'ay, li' ta xcac' ta ave li jc'ope.

Jeremías 36:32

Li Jeremiase la stsac yan balbil vun, laj yac'be li Baruque, ja' li jts'ibajom xnich'on Neriase. Ja' te la sts'iba scotol c'usi laj yal li Jeremiase, ja' ti c'usi ts'ibabil ono'ox ta yan balbil vun ti la xchic' ta c'oc' li Joacim ajvalil ta Judae. Li Jeremiase laj to yac'be ep xchi'il ti co'oltic smelole.

Números 16:28

Li Moisese jech laj yal noxtoc: —Li c'usi chc'ot ta pasel li'i, ja' sventa chana'ic o ti ta melel ja' Muc'ul Dios la stacun tal sventa ta jpas scotol li c'usi ta jpase, ti muc ta co'ntonuc jtuc ta jpase.

Números 22:38

Itac'ov li Balaame: —Li' xa oyune, lital xa. Pero ja' no'ox chacalbot ti mu xu' cu'un c'usi chcal jtuque; ja' no'ox xu' chcal c'usi chiyalbun li Diose —xi.

Números 23:12

Itac'ov li Balaame: —Laj caltic ti ja' no'ox xu' chcal c'usi chiyalbun li Muc'ul Diose —xut.

Números 23:16

Li Muc'ul Diose ital sc'opan li Balaame. Ja' laj yac' loc'uc ta ye c'usi tsc'an stuc li Muc'ul Diose. Jech laj yalbe: —Sutan batel yo' bu oy li Balaque; ja' xc'ot avalbe li c'usi chacalbote —xut.

Números 23:5

Li Muc'ul Diose laj yac' ti ja' ac'o loc'uc ta ye Balaam li c'usi oy ta yo'nton Muc'ul Diose. Jech laj yalbe: —Sutan batel yo' bu oy li Balaque. Ja' no'ox xc'ot avalbe li c'usi laj calbote —xut.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Lucas 21:15

Yu'un vu'un chcac' ana'ic c'usi chavalic, xchi'uc vu'un ta xcac'boxuc abijilic. Jech mu xastsaloxuc ta lo'il, jech mu xu' yu'unic staq'uel li boch'o ta scontrainoxuque.

1 Corintios 11:23

Yu'un ti c'u x'elan la jchanubtasoxuque, ja' jech la xchanubtasun ec li Cajvaltique. C'alal yorail xa ch-ac'at ta c'abal ta ac'ubaltic li Cajvaltic Jesuse, la stsac jun pan;

1 Corintios 15:1

Quermanotac, ta jvulesboxuc ta ajolic li Lequil A'yej la jcholboxuc ava'yique, ja' ti laj avich'ic ta muq'ue, ti staoj yav jun avo'nton ach'unojic oe.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.

Deuteronomio 5:31

Pero li vo'ote coman li'i, yu'un chacalbot scotol li mantaletique xchi'uc li c'usi chapanbil cu'une. Yu'un vo'ot chavalbe ya'yic ti jech ac'o spasic scotol c'ac'al te ta avosilic bu chacac'boxuque’, xiyutun.

1 Samuel 16:3

C'alal chamilbun jmotone, ic'o li Isaie; te chacalbot c'usi tsc'an chapas. Li boch'o chacalbot ti ja' t'ujbil cu'une, malbo aceite ta sjol sventa ch-och ta ajvalilal —xut.