Éxodo 4:14 - Bible in Tzotzil de Chenalhó with Deuterocanon

¹⁴ Li Muc'ul Diose i'ilin ta stojol li Moisese, jech laj yalbe: —Te oy li abanquil Aarón ti liquem ta levie. Vu'une jna'oj ti lec xu' yu'un xlo'ilaje. Te ta xtal snupot ta be. C'alal chayilote, toj xcuxet no'ox yo'nton.

Bible in Tzotzil de Chamula

¹⁴ Jech ti Diose soc yo'nton ta stojol ti Moisese, ti xi laj yalbee: —¡Lec oy, tey oy ti achi'il ta voq'uel Aarón ti ja' jun levitae! Jna' le'e ti lec sna' xc'opoje. Ta xtal snupot ta be ti xmuyubaj xa ti c'alal ta xil ti asate.

Éxodo 4:14 Iomraidhean Croise

2 Samuel 6:7

Pero li Muc'ul Diose i'ilin ta stojol Uza ta sventa ti jech la spase, jech te no'ox la smil ta ora ta sts'el li xcaxail smantal Diose.

1 Reyes 11:9

Li Muc'ul Dios yu'un Israele i'ilin ta stojol li Salomone yu'un la svoc' sba loq'uel stuc, ac'o me laj yac' sba ta ilel ta stojol chib velta.

1 Crónicas 21:7

Li Diose chopol laj yil ti jech la spasique, jech la stac tal tsots vocol ta stojol li israeletique.

Salmos 105:26

Ja' yu'un li Diose lic stac batel li yajtunele, ja' li Moisese, xchi'uc li Aarón ti t'ujbil yu'une.

Éxodo 4:13

Li Moisese te la spojilan sba: —Cajval, avocoluc taco batel yan vinic li boch'o lec xu' yu'une —xi.

Éxodo 4:17

Ich'o batel li anamte'e yu'un ja' chapas o li sq'uelubiltac jtsatsale —xut.

Éxodo 4:27

Pero li Muc'ul Diose jech xa'ox yalojbe li Aarone: “Bat nupo tal ta be te ta xocol banamil li Moisese”, xut. Jech ibat li Aarone; te la snup ta be ta vits yu'un Dios. Te c'ot sc'opan; te la sts'uts'.

Números 12:2

Jech laj yalic: “Li Moisese ma'uc no'ox stuc chc'opanat yu'un li Muc'ul Diose, jech chisc'opanutic ec li vu'utique”, xiic. Li Muc'ul Diose laj ya'ay li c'usi laj yalique.

Hechos 15:28

Yu'un jech la sc'an Ch'ul Espíritu xchi'uc vu'uncutic ti mu'yuc ta xcac'cutic ol avicatsique. Ja' no'ox chacalbotcutic tal jech chac li'i:

2 Corintios 2:13

Pero solel muc xpaj ta lo'il co'nton laj ca'ay, yu'un mu'yuc to te oy c'ot jta li Titoe. Jech la jc'opan comel li jch'unolajeletic te oyique; lital ta ora li' ta Macedonia banamil.

Filipenses 2:21

Yu'un scotolic ja' no'ox tsa'ic c'usi tsc'an stuquic. Mu ja'uc tsa'ic c'usi tsc'an li Cristo Jesuse.

Josué 24:5

Vu'un la jtac batel li Moisés xchi'uc Aarone, xchi'uc laj cac'be tsots svocolic li egiptoetique, jech iloq'uic o tal cu'un te ta Egipto.

1 Samuel 12:8

C'alal ibatic ta Egipto li Jacob xchi'uc smomnich'nabtaque, te laj yich'ic mozoinel yu'un li egiptoetique. Jech li jmoltot jyame'tic ta vo'onee lic sc'anbeic vocol li Muc'ul Diose. Ja' yu'un li Muc'ul Diose ja' la stac batel li Moisés xchi'uc Aarone; ja' bat sloq'uesic tal ta mozoil ta Egipto banamil li jmoltot jyame'tic ta vo'onee, jech li' ivul naquiicuc ta banamile.

1 Samuel 2:27

Ts'acal te ic'ot jun j'alc'op yu'un Dios yu'un bat sq'uel li Elie, jech c'ot yalbe: “Li Muc'ul Diose jech chayalbot: ‘C'alal te to'ox oy ta mozoil ta sc'ob faraón ta Egipto li amoltote, lec laj cac' jba ta otquinel ta stojol.