Éxodo 4:13 - Bible in Tzotzil de Chenalhó with Deuterocanon

¹³ Li Moisese te la spojilan sba: —Cajval, avocoluc taco batel yan vinic li boch'o lec xu' yu'une —xi.

Bible in Tzotzil de Chamula

¹³ Xi xvulvun liquel ti Moisese: —¡Cajval! avocoluc, sa'o yan ti buch'u ta xatac batele.

Éxodo 4:13 Iomraidhean Croise

Génesis 24:7

Li Muc'ul Diose, ja' li Dios ta vinajel ti la sloq'uesun tal ta sna li jtote xchi'uc ta yosilal li cuts' calaltaque, xchi'uc ti laj yalbun ta jamal ti chac'be jmomnich'nabtac li banamil li'i, ja' ta stacbot tal yaj'almantal, ja' ba'yucbe ta xbat avu'un ta sa'bel yajnil li jnich'one.

Génesis 41:35

Ac'o stsobic scotol li trigo ta jujun lum ti c'alal lec to sjabilal chtale. Ac'o stsobic li trigoe. Vo'ot chaventain atuc yu'un jech oy sve'elic li cristianoetic ta jujun lume.

Génesis 48:16

xchi'uc ti ja' la scoltaun ta sventa li c'usitic chopole, ac'o yac'be bendición li chib queremetic li'i. Ac'o ja'uc ta sventaic ti te chich' na'ilanel o jbie, xchi'uc sbi li jmoltot Abrahame, xchi'uc sbi li jtot Isaaque. Xchi'uc ac'o boluc ep xnich'nabic; ac'o epajuc sts'unubalic ta banamil”, xi.

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 4:1

Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Éxodo 4:12

Ja' lec batan me. Vu'un chajchi'inot ti c'alal chalo'ilaje; vu'un ta jchanubtasot li c'usi xu' chavale —xi.

Éxodo 4:14

Li Muc'ul Diose i'ilin ta stojol li Moisese, jech laj yalbe: —Te oy li abanquil Aarón ti liquem ta levie. Vu'une jna'oj ti lec xu' yu'un xlo'ilaje. Te ta xtal snupot ta be. C'alal chayilote, toj xcuxet no'ox yo'nton.

Jeremías 1:6

Jech la jtac'be: “Ay, Cajval, Muc'ul Dios, mu to jna' xilo'ilaj, yu'un queremun to”, xcut.

Jeremías 20:9

Me jech chcale: “Mu'yuc xa chic'opoj ta sventa li Muc'ul Diose; ta jip ta co'nton o”, me xichie, li ac'ope chlic tsanuc ta co'nton jech chac c'u cha'al c'oc'; ta xc'ac'ub c'alal ta jbaquiltac. Ta jc'an ta jpajes jba ta yalel li ac'ope, pero mu xu' cu'un.

Jonás 1:3

Pero li Jonase ijatov loq'uel ta stojol li Muc'ul Diose, chbat ox ta lum Tarsis. Jech te iyal batel ta Jope, la stsac batel jun barco ti chbat ta Tarsise. Te la stoj spasaje, i'och batel, co'ol ibatic xchi'uc li boch'otic chbatic ta Tarsise, yu'un tsc'an ti nom xa oy ta stojol li Muc'ul Diose.

Jonás 1:6

Li banquilal yu'un j'abteletic ta barcoe ibat yo' bu oy li Jonase, jech laj yalbe: —¡C'usi chapas tee, me' jvayel! Lican, c'opano li Dios avu'une, naca me ja' chixc'uxubinutic to, yu'un jech mu xijchamutic —xut.

San Mateo 13:41

Vu'un ti Xnich'on cristiano lic'ote ta jtac tal caj'almantaltac. Ja' ta xtal stsobic loq'uel yo' bu jventainoj scotol li boch'otic chaq'uic ta pasel c'usi chopole xchi'uc li boch'otic tspasic c'usitic toj chopolique.

San Juan 6:29

Itac'ov li Jesuse: —Li yabtel Dios tsc'an chapasique, ja' ti ac'o ach'unic li boch'o tacbil tal yu'une —xut.

Jueces 2:1

Li j'almantal yu'un Muc'ul Diose iloc' ta Gilgal; ibat ta Boquim, jech laj yalbe li israeletique: “Vu'un laj loq'uesoxuc tal ta Egipto; laj quic'oxuc tal li' ta banamil yo' bu calojbe ono'ox li amoltotaquic ta vo'onee. Jech laj calbe: ‘Mu'yuc ta jsoques c'usi jchapanoj ta atojolic,