Éxodo 4:12 - Bible in Tzotzil de Chenalhó with Deuterocanon

¹² Ja' lec batan me. Vu'un chajchi'inot ti c'alal chalo'ilaje; vu'un ta jchanubtasot li c'usi xu' chavale —xi.

Bible in Tzotzil de Chamula

¹² Jech o xal un, batan. Ta jchi'inot ti c'alal ta xac'opoje. Ta jchanubtasot ti c'usi ta xavale.

Éxodo 4:12 Iomraidhean Croise

Salmos 105:26

Ja' yu'un li Diose lic stac batel li yajtunele, ja' li Moisese, xchi'uc li Aarón ti t'ujbil yu'une.

Salmos 143:10

Chanubtasun ta spasel li c'usi tsc'an avo'ntone, yu'un vo'ot Diosot cu'un; ja' ac'o yic'un batel ta tuq'uil be li lequil jtojobtasel avu'une.

Salmos 32:9

Mu jechuc chacom jech chac c'u cha'al ca', o mula, ti mu xich'be smelole, ti ja' to te chch'un mantal c'alal oy lec sfreno xchi'uc yaq'uiltaque. Me mu'yuque, mu xch'un o li mantale”, xi li Muc'ul Diose.

Éxodo 3:12

Itac'ov li Diose: —Vu'un chajchi'inot. Li' chacalbot c'usi senyail ti vu'un chajtacot batele: c'alal loq'uem xa tal avu'un li jteclumale, acotolic li' chvul avich'icun ta muc' li' ta vitse —xi.

Éxodo 4:13

Li Moisese te la spojilan sba: —Cajval, avocoluc taco batel yan vinic li boch'o lec xu' yu'une —xi.

Éxodo 4:15

Chi'ino ta lo'il; albo lec ya'ay scotol li c'usi tsc'an chale. Li vu'une te jchi'ucoxuc ti c'alal chalo'ilajique, xchi'uc vu'un chajchanubtasoxuc lec li c'usi tsc'an chapasique.

Éxodo 4:16

C'alal chc'ot ac'opan li abanquile, xco'laj xchi'uc vu'un chc'ot c'opojcun. Li Aarone ja' xa chalbe ya'yic achi'iltaquic li c'usi chavalbee.

Isaías 49:2

Li quee la sc'atajesbun jech chac c'u cha'al espada ti lec juxbil yee; la smacun lec ta xyaxinal sc'ob; la sc'atajesun jech chac c'u cha'al flecha ti lec ts'ubts'ub sni'e; la snac'un lec ta scajonal yabtejeb.

Isaías 50:4

Li Muc'ul Diose la sbijubtasun lec, yu'un jech ta jna' c'u x'elan ta jc'opan li boch'otic lubenique. Ta jujun sob chilic, ta xca'ay lec li bijubtasele; ch'anxichi ta jtuc'ulan lec.

Jeremías 1:9

Li Muc'ul Diose la xbech sc'ob, la spicbun que, jech laj yalbun: “A'yo ava'ay, li' ta xcac' ta ave li jc'ope.

Números 16:28

Li Moisese jech laj yal noxtoc: —Li c'usi chc'ot ta pasel li'i, ja' sventa chana'ic o ti ta melel ja' Muc'ul Dios la stacun tal sventa ta jpas scotol li c'usi ta jpase, ti muc ta co'ntonuc jtuc ta jpase.

Marcos 13:11

C'alal cha'ic'atic batel yu'un cha'ac'atic ta c'abale, mu me xlo'ilaj avo'ntonic ta sventa li c'usi chc'ot avalique xchi'uc ti c'uxi chatac'ovique. Muc xa vo'ocoxuc chac'opojic; ja' Ch'ul Espíritu chac' ana'ic li c'usi chavalique.

San Lucas 11:1

Ta yan c'ac'al ibat sc'opan Dios stuc li Jesuse. C'alal ilaj yo'nton ta sc'opanel Diose, jech i'albat yu'un jun yajchanc'op: —Cajval, chanubtasuncutic ta sc'opanel Dios ec jech chac c'u cha'al la xchanubtas ta sc'opanel Dios yajchanc'optac li Juane —xi.

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

Efesios 6:19

Xchi'uc c'anbicun vocol ta jtojol ec li vu'une, yu'un ac'o sjambun que, jech jamal ac'o cal c'usi toj lec ta jtatic yu'un li Lequil A'yej ti mu'yuc to'ox vinajeme.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.