Éxodo 4:1 - Bible in Tzotzil de Chenalhó with Deuterocanon

¹ Li Moisese jech la stac'be li Muc'ul Diose: —Pero mu xiyich'icun ta muc'; mu xch'unic li c'usi chcale. Xu' ja' no'ox jech chiyalbicun: ‘Mu'yuc laj yac' sba ta ilel ta atojol li Muc'ul Diose’, xu' xiyuticun —xi li Moisese.

Bible in Tzotzil de Chamula

¹ Xi laj stac' ti Moisese: —Ti stuquique mu xisch'unbeicun. Mi ja'uc ta xiyaq'uic ta venta xtoc. Xu' nan ti c'ajomal no'ox xi ta xiyalbeique: ‘Mu jch'uncutic ti laj yac' sba iluc ti Dios ta atojolale.’

Éxodo 4:1 Iomraidhean Croise

1 Reyes 13:3

Te lic yac' ta ilel tsots sq'uelubil li j'alc'ope, jech laj yal: “Li'i ja' sq'uelubil li c'usi yaloj Muc'ul Diose: ‘Li scajleb matanal li'i biq'uitic ta xlilij. Li tan te oy ta sbae ta xtanij batel’, xi li Muc'ul Diose”, xi li j'alc'ope.

Éxodo 2:14

Itac'ov li hebreo vinique: —¿Boch'o laj yac'bot avabtel? ¿Me yu'un vo'ot banquilalot, me vo'ot jchapanvanejot cu'uncutic? ¿Me chac amilun ava'ay noxtoc jech chac c'u cha'al laj amil jun egipto vinique? —xi. C'alal jech laj ya'ay li Moisese, ixi'. Yu'un laj ya'ay ti vinajem xa ti la smil jun egipto vinique.

Éxodo 3:15

Li Diose jech laj yalbe noxtoc li Moisese: —Jech xavalbe noxtoc li achi'iltac ta israelale: ‘Li Muc'ul Diose, ja' li Dios yu'un jmoltotactic ta vo'onee, ja' li Dios yu'un Abraham, Isaac, xchi'uc Jacobe, ja' la stacun tal li' ta atojolique’, uto. Ja' Muc'ul Dios li jbie; mu xlaj sc'oplal o sbatel osil.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Éxodo 3:18

Li banquilaletique ta xich'ot ta muc'. Jech te chaxchi'inicot batel c'alal chabat ta stojol li ajvalil ta Egiptoe. Jech xc'ot avalbeic: ‘Li Muc'ul Dios cu'uncutic, vu'uncutic li hebreouncutique, talem snupuncutic ta be. Ja' yu'un coltauncutic to batel yu'un chibatcutic ta xocol banamil, yu'un te chbat cac'becutic smoton li Muc'ul Dios cu'uncutique; ja' oxib c'ac'al li sbelale’, utic c'otel.

Éxodo 4:10

—Ay, Cajval, mu xu' cu'un lec xilo'ilaj; mu xisabaj ta lo'il. Mu ja'uc to volje chabje ti jech chic'opoje. Jech ono'ox jtalel o, vu'un li avajtunelune. Jtalel o ti xquiclajet no'ox coc' c'alal chic'opoje —xi li Moisese.

Éxodo 4:30

Li Aarone c'ot yalbe ya'yic scotol c'usi albil yu'un Muc'ul Dios li Moisese. Xchi'uc la spasic te ta stojol xchi'iltaquic li sq'uelubil stsatsal Dios ti yaloj Muc'ul Dios ac'o spasique.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Éxodo 6:12

Li Moisese jech la stac'be li Muc'ul Diose: —Mu xiyich'bicun ta muc' c'usi laj calbeic li jchi'iltaque. ¿C'u x'elan xu' chiyich'bun ta muc' jc'op faraón ti vocol chloc' ta que c'usi chcale? —xut.

Éxodo 6:30

Li Moisese jech la stac'be: —Muc'ul Dios, toj vocol chloc' xic'opoj, ja' yu'un ¿C'uxi xu' chiyich'un ta muc' li faraone? —xut.

Jeremías 1:6

Jech la jtac'be: “Ay, Cajval, Muc'ul Dios, mu to jna' xilo'ilaj, yu'un queremun to”, xcut.

Ezequiel 3:14

La stotsun liquel stsatsal svu'el li Diose; la xchechun batel. Li vu'une ta vocol, ta at-o'nton libat, pero li Muc'ul Diose stsacojun batel lec ta sc'ob.

Hechos 7:25

Snopoj Moisés ti jech tsna'ic o xchi'iltac ti ja' t'ujbil yu'un Dios sventa tscolta loq'uel ta mozoile, pero muc jechuc la snopic.

Jueces 6:17

Itac'ov li Gedeone: —Ta jc'anbot vocol ta atojol. Me ta melel ti c'uxun ta avo'ntone, ac'bun quil senyail me vo'ot ti chac'opanune.