Éxodo 39:7 - Bible in Tzotzil de Chenalhó with Deuterocanon

⁷ Te la xchucanic ta sba li cha'jis bic'tal poq'uetic nabanbil ta snecub mocan c'u'ile. Ja' sventa sna'ubilic yu'un Dios li israeletic jech chac c'u cha'al albil yu'un Muc'ul Dios li Moisese.

Bible in Tzotzil de Chamula

⁷ Ts'acal to un, ti Bezaleele ta xnoch'anan ta stimtac ti saquil c'u'ile yo' jech vulesbil ta o'ntonal xnich'nabtac ti Israele. Yu'un jech ta xich' pasel jech c'u cha'al albat mantal yu'un Dios ti Moisese.

Éxodo 39:7 Iomraidhean Croise

Nehemías 2:20

Jech la jtac'beic: —Li Dios te oy ta vinajele ja' chac' c'otuc ta pasel cu'uncutic scotol. Vu'uncutic li yajtuneluncutique ta jcha'liquescutic spasel li lum Jerusalene. Yan li vo'oxuque mu xatic' abaic, mu aventaicuc yu'un ma'uc alumalic li Jerusalene —xcut.

Éxodo 28:12

Ja' te ac'o snaban ti bu pac'bil li cha'jis bic'tal poc' ta snecub mocan c'u'ile. Li tone ja' sna'ubil chc'ot yu'unic li avalab anich'nabique. Jech li Aarone te x'ich'-un o yu'un ta snecub sbiic achi'iltac ti c'alal ch-och ta jtojole, yu'un jech ta jna'ic o.

Éxodo 28:29

Jech c'alal ch-och ta yut ch'ulna pasbil ta nucul li Aarone, te pac'al ochel o li vorxapoq'ue. Jech te x'ich'un o ochel yu'un ta jtojol sbiic li jaychop achi'iltaque, jech mu xch'ayic o ta co'nton.

Éxodo 28:7

xchi'uc ac'o yac'be cha'jis bic'tal poc' ta snecub-necub.

Marcos 14:9

Melel li c'usi chacalboxuque, buyuc no'ox ta xich' cholel ta sbejel banamil li Lequil A'yeje, te ta xvinaj batel sc'oplal noxtoc c'usi la spasbun li antse, yu'un jech ac'o sna'ic scotol cristianoetic —xi li Jesuse.

Josué 4:7

jech xavalbeic: ‘Li'i, ja' senyail ti la svoc' sba li uc'um ta sventa li xcaxail smantal Muc'ul Diose. Yu'un c'alal ijelov tal ta uc'um li xcaxail smantal Diose, la svoc' sba li uc'ume. Ja' yu'un li tonetic li'i ja' sna'ubil chcom o cu'untic c'alal ta calab jnich'nabtic ti oy c'usi lec ic'ot ta pasel ta jtojoltic, vu'utic li israelutique’, utic”, xi li Josuee.