Éxodo 39:26 - Bible in Tzotzil de Chenalhó with Deuterocanon

²⁶ li natil c'u'il sventa tspas yabtel li palee: ba'yuc chtal li biq'uit campanae; ja'o xtal jbej sloc'obal caranato; ts'acal chtal yan biq'uit campana; ja'o chtal noxtoc yan sloc'obal caranato jech chac c'u cha'al albil yu'un Muc'ul Dios li Moisese.

Bible in Tzotzil de Chamula

²⁶ Yu'un xi s'elan ti mochibal c'u'il sventa ti jtunele: Capbil ta xich' cholel batel, jun campana, jbej granada, yu'un jelolanbil ta smeltsanic batel jech c'u cha'al albat mantal ti Moisés yu'un ti Diose.

Éxodo 39:26 Iomraidhean Croise

Éxodo 28:33

Ta sti'ti' yoc li natil c'u'il mu'yuc sc'obe, pasbo sloc'obal caranatoetic ta yax'elan no, ta ic'ic'tic sba stsajal, xchi'uc ta bats'i tsoj. Xchi'uc paso bic'tal campanaetic ta c'anal taq'uin noxtoc; te xat'uyanan ta joyob.

Éxodo 28:34

C'alal chat'uyan jbej sloc'obal caranatoe, ja'o xat'uyan jun biq'uit campana. Ja' jech xbat o ta scotol li sti'ti' yoc c'u'ile.

Éxodo 39:25

La spasbeic noxtoc bic'tal campanaetic ta c'anal taq'uin; ja' cacal ta o'lol yu'un biq'uit campana li sloc'obal caranatoe. Ja' jech la spasic ta joyob ta sti'ti' yoc

Éxodo 39:27

Li natil c'u'il pasbil ta lino no ta sventa Aarón xchi'uc xnich'nabe ja' la sjal li boch'o ja' yabtel oe.

Cantares 4:13

Ja' jechot jech chac c'u cha'al ts'unubaltic ti bu chloc' lequil caranatoe; ja' jechot jech chac c'u cha'al lequil alhenya nichimetic,

Cantares 4:3

Li sti' avee lec chac-ch'uban jech chac c'u cha'al tsajal no; li ac'ope toj c'upil sba ta a'yel; li xocon asate xco'laj xchi'uc javbil caranato c'otem ti amacoj ta aveloe.

Cantares 6:7

Li xocon asate ja' jech chac c'u cha'al javbil caranato ti macal ta aveloe.

San Mateo 9:20

Te oy jun ants lajchab (12) xa jabil ip cha'ay tuch'patijel. Te inoch'aj tal ta spat li Jesuse; la spicbe yoc snatil c'u'.

Deuteronomio 22:12

“Ac'beic xnich ta xchanjotal xchiquin li anatil c'u'ic sventa chalapique.