Éxodo 39:21 - Bible in Tzotzil de Chenalhó with Deuterocanon

²¹ Li xotajtic taq'uinal vorxapoc' xchi'uc li xotajtic taq'uinal mocan c'u'ile la xchuquic ta jlic yax'elan no yu'un jech mu stots, xchi'uc jech te chcom o ta yac'ol jutuc li xchuquilal mocan c'u'il jech chac c'u cha'al albil yu'un Muc'ul Dios li Moisese.

Bible in Tzotzil de Chamula

²¹ Ts'acal to un, ta slot ta jmoj ti xot-xot oro yu'un ti uile xchi'uc ti xot-xot oro yu'un ti jayal saquil c'u'ile, ti ta slotic xchi'uc ti ic'-ic'-losantic sba tsajal no ti ta xac'beic yaq'uiline, yo' jech ti uile joc'ol ta xc'ot ta yac'ol chuquil yu'un ti jayal saquil c'u'ile, yo' jech jmoj tsacal. Jech ta spas jech c'u cha'al albat mantal ti Moisés yu'un ti Diose.

Éxodo 39:21 Iomraidhean Croise

Éxodo 25:7

Ac'o yich'ic tal noxtoc cornalina ton xchi'uc yantic lequil tonetic sventa chich' aq'uel ta mocan c'u'il sventa banquilal pale.

Éxodo 28:8

Li xchuquilal mocan c'u'ile tsc'an jmoj stsacoj sba chich' pasel, ja' ta c'anal taq'uin, ta yax'elan poc', ta ic'ic'tic sba stsajal, ta bats'i tsoj, xchi'uc ta ts'otbil lino no.

Éxodo 39:20

La spasic yan chib xotxot c'anal taq'uin; ja' te la snabanic ta bic'tal poq'uetic ti nabanbil ta xocon mocan c'u'il ti bu sts'isbenal ta yac'ol jutuc li xchuquilal mocan c'u'ile.

Éxodo 39:22

Li snatil c'u'ilal mocan c'u'ile jalbil ta yax'elan poc'.

San Mateo 16:24

Li Jesuse jech laj yalbe: —Li boch'o tsc'an chists'aclinune tsc'an mu tsotsuc sc'oplal cha'ay sba stuc. Ac'o xq'uech scruz, ac'o sts'aclinun batel.

1 Corintios 1:25

Yu'un li c'usi ja' yu'un Dios ti bol lo'il no'ox chich' a'yele, ja' ech'em sbijil chc'ot yu'un li cristianoetique. Li c'usi ja' yu'un Dios ti mu'yuc stsatsal tscuyic li cristianoetique, ja' jeloven stsatsal chc'ot yu'unic.

1 Corintios 1:27

Yu'un li boch'o bol ch-ilat li' ta banamile, ja' cht'ujat yu'un Dios, yu'un jech ac'o q'uexovuc li boch'otic bij yalojique. Li boch'o mu'yuc stsatsal ch-ilat li' ta banamile, ja' cht'ujat yu'un Dios, yu'un jech ac'o q'uexovuc li boch'otic ech'em stsatsal yalojique.