Éxodo 39:2 - Bible in Tzotzil de Chenalhó with Deuterocanon

² Li mocan c'u'ile ta c'anal taq'uin laj yich' pasel xchi'uc ta yax'elan poc', ta ic'ic'tic sba stsajal, ta bats'i tsoj, xchi'uc ta ts'otbil lino no.

Bible in Tzotzil de Chamula

² Yo' ta xich' meltsanel xtoc ti jayal saquil c'u'ile, ta stunesic ti oroe, ti ic'-ic' losantic sba tsajal poq'ue, ti yax'elan yaxal poq'ue, ti tsajal poq'ue, ti sat saquil poc' ti polajtic sts'otbenale.

Éxodo 39:2 Iomraidhean Croise

Salmos 45:13

Li tsebe ta xa x'och batel xchi'uc st'ujumal; li sc'u' spoq'ue capbil ta jalel ta puru c'anal taq'uin.

Éxodo 25:4

yax'elan poc', ic'ic'tic sba stsajal, bats'i tsoj, lequil lino no, jalbil tsotsil tentsun,

Éxodo 25:7

Ac'o yich'ic tal noxtoc cornalina ton xchi'uc yantic lequil tonetic sventa chich' aq'uel ta mocan c'u'il sventa banquilal pale.

Éxodo 39:3

Li c'anal taq'uine la stenic lec ta martillo; lec joy ibat yu'unic. Jich'ilic la silic jech chac c'u cha'al no; ja' la scapic o ta jalel xchi'uc li yax'elan poq'ue, li ic'ic'tic sba stsajale, li bats'i tsoje, xchi'uc li ts'otbil lino noe.

Levítico 8:7

Laj yac'be slap li natil c'u'il ti oy sc'obe; la xchucbe lec xchuquilal. Ja'o la slapbe noxtoc li yan natil c'u'ile. Ja'o laj yac'be slap noxtoc li mocan c'u'ile; la xchucbe lec ta xchuquilal stuc.