Éxodo 39:13 - Bible in Tzotzil de Chenalhó with Deuterocanon

¹³ Li xchanjilile ja' yich'oj jbej topacio, jbej ónice xchi'uc jbej jaspe. Li tonetique ac'bil yunin naclebic pasbil ta c'anal taq'uin.

Bible in Tzotzil de Chamula

¹³ Ti xchancholale, ta xich' jbej topacio ton, jbej cornalina, xchi'uc jbej jaspe. Ti tonetic taje, lec nabal ta stsacleb ti ja' oroe.

Éxodo 39:13 Iomraidhean Croise

Génesis 2:12

Li c'anal taq'uin te oy ta yosilal Havilae toj ven lec. Jech noxtoc oy xuch'al te' toj lec mu yic', xchi'uc oy ónice ton te.

1 Crónicas 29:2

Vu'une ta scotol jtsatsal la jchapan c'usitic chtun ta ch'ulna yu'un li Dios cu'untique. La jchapan scotol li c'usitic chtun ta jujuchope, me c'anal taq'uin, me saquil taq'uin, me bronce, me tsatsal taq'uinetic, o me te'etic. Xchi'uc la jchapan ónice tonetic, xchi'uc tonetic ti lec c'upilic sbae, ic'al tonetic, xchi'uc tonetic ti ep ta chop scolorale, chapal cu'un scotol ti jaychop lec c'upilic sbae, xchi'uc epal mármol tonetic.

Éxodo 28:11

Li biiletic chich' pasel ta tone ja' ac'o spas li boch'o ja' yabtel yajanel lequil tonetique. Ja' jech ac'o snabanan jech chac c'u cha'al jun sello. Ac'o yac'be snacleb ta c'anal taq'uin xcha'bejal li tone.

Éxodo 28:9

“Tsaco cha'bejuc ónice ton. Ja' te xats'ibabe sbiic li xnich'nab Israele.

Éxodo 39:12

li yoxjilile ja' yich'oj jbej jacinto, jbej ágata xchi'uc jbej amatista;

Éxodo 39:14

Ja' lajcha'bej li tonetique yu'un ja' jech lajcha'chop li israeletique. Ta jujubej tone te ts'ibabil sbi li jujuchop israeletique. Ja' jech pasbil jech chac c'u cha'al sello.

Cantares 5:14

Li sc'obe ja' jech chac c'u cha'al xoj ste'el c'obil pasbil ta c'anal taq'uin; li sbec'tale ja' jech chac c'u cha'al saquil sts'uts'up tsemen ti yich'oj zafiro tonetique.

Ezequiel 1:16

Li chanib yacan careta yilele co'ol x'elan pasbilic, sts'ayayet jech chac c'u cha'al crisólito ton. Te ta yut li jujune xco'laj xchi'uc oy yan bic'tal yacan careta yilel noxtoc.

Apocalipsis 21:20

Li yo'cojale pasbil ta ónice ton. Li svaccojale pasbil ta cornalina ton. Li svuccojale pasbil ta crisólito ton. Li xvaxaccojale pasbil ta berilo ton. Li sbaluncojale pasbil ta topacio ton. Li slajuncojale pasbil ta crisoprasa ton. Li xbuluchcojale pasbil ta jacinto ton. Li xlajcha'cojale pasbil ta amatista ton.