Éxodo 39:1 - Bible in Tzotzil de Chenalhó with Deuterocanon

¹ Li c'u'iletic laj yich' pasel ta sventa abtel te ta ch'ulnae ja' ta yax'elan poc', ic'ic'tic sba stsajal, bats'i tsoj, xchi'uc ta ts'otbil lino no. Ja' jech laj yich' pasbel noxtoc li ch'ul c'u'iletic sventa Aarón jech chac c'u cha'al albil yu'un Muc'ul Dios li Moisese.

Bible in Tzotzil de Chamula

¹ Ti jalbil c'u'il sventa ta xtun ta Axibalnae, meltsano ta ic'-ic' losantic tsajal poc', ta yax'elan yaxal poc', xchi'uc ta tsajal poc'. Ja' jech ta xich' meltsanel xtoc ti tunelal c'u'il ta sventa ti Aarone jech c'u cha'al albat mantal ti Moisés yu'un ti Diose.

Éxodo 39:1 Iomraidhean Croise

Salmos 93:5

Muc'ul Dios, li c'usitic avaloje jech staoj yav chcom o. Li ach'ul lequile ja' st'ujumal c'otem o li ch'ulna avu'une; ja' jech oy o ta sbatel ora, sbatel osil.

Éxodo 25:4

yax'elan poc', ic'ic'tic sba stsajal, bats'i tsoj, lequil lino no, jalbil tsotsil tentsun,

Éxodo 26:1

“Paso jbej ch'ulna ta nucul, ta lajunlic lino poc' ti lec ts'otbile, xchi'uc ta yax'elan poc', ta ic'ic'tic sba stsajal, xchi'uc ta bats'i tsoj. Pasbo lec xluchal; loc'tao chib querubinetic.

Éxodo 28:5

Li boch'otic tspasic c'u'iletique ja' ac'o stunesic c'anal taq'uin, yax'elan poc', ic'ic'tic sba stsajal, bats'i tsoj, xchi'uc ts'otbil lino no.

Éxodo 31:10

xchi'uc li jalbil c'u'ile, ja' li ch'ul c'u'iletic sventa pale Aarone, xchi'uc li c'u'iletic sventa xnich'nabtac c'alal tspas yabtelic ta paleale,

Éxodo 35:19

Xchi'uc ja' tspasic noxtoc li jalbil c'u'il sventa tslap c'alal tspas yabtel te ta ch'ulna li palee, xchi'uc li yan ch'ul c'u'il sventa pale Aarone, xchi'uc li c'u'iletic sventa paleal ta sventa xnich'nabe”, xi li Moisese.

Éxodo 35:23

Scotol li boch'otic oy yu'unic yax'elan poq'uetic, ic'ic'tic sba stsajal, bats'i tsoj, lequil lino no, jalbil tsotsil tentsun, nuculil chij bonbil ta tsoj, xchi'uc lequil nuculetique laj yich'ic tal scotol.

Éxodo 38:31

Xchi'uc ja' la spasic o ta bronce noxtoc li snaclebtac xchi'uc li bic'tal te'etic sventa chich' nituel o li ch'ulnae xchi'uc li scoralil yamaq'uile, xchi'uc li snaclebtac yoyal sti' yamaq'uil ch'ulnae.

Éxodo 39:41

Xchi'uc laj yac'beic noxtoc li jalbil c'u'iletic sventa abtel te ta ch'ulnae, xchi'uc li ch'ul c'u'il sventa pale Aarone, xchi'uc li sc'u'ic xnich'nabtac sventa paleale.

Ezequiel 42:14

C'alal me ja' te ochemic li paleetique, mu xu' chloq'uic batel ta sbac'olal amac' ti c'alal ja' slapojic li ch'ul c'u'iletic sventa tspas yabtelique. C'alal me chloq'uic batele, tsc'an tsloq'uic comel ta cuartoetic li sc'u'ique. Tslapic batel yan sc'u'ic, jech xu' chnopajic batel yo' bu oyic li jch'unolajeletique.

Ezequiel 43:12

Li mantaletic ta sventa ch'ulna cu'une ja' jech chac li'i: Scotol li jolvitse, xchi'uc ti c'u smuc'ul li banamil ti sjoyibtaoj li ch'ulnae, ts'u'iltasbil chcom o. Ja' jech li mantal ta sventa jnae”, xi.

Hebreos 9:12

Muc xa ta sventauc xch'ich'al tot tentsun, xch'ich'al ch'ium tot vacax i'och ta bats'i lequil ch'ul cuarto li Banquilal Pale cu'untique; ta sventa xa xch'ich'al stuc i'och. Jun no'ox velta i'och ta bats'i lequil ch'ul cuarto, yu'un j'ech'el la smanutic o ta xch'ich'al.

Hebreos 9:25

Pero ma'uc sventa yu'un te chaq'uilan smoton Dios ep ta velta jech chac c'u cha'al la spas li banquilal pale ti persa chich' ochel yan ch'ich' c'alal ch-och ta bats'i lequil ch'ul cuarto jun velta ta jujun jabile.