Éxodo 38:9 - Bible in Tzotzil de Chenalhó with Deuterocanon

⁹ Li Bezaleele la spasbe yamaq'uil noxtoc li ch'ulnae. Ta stuq'uil sure ja' vo'ob yoxvinic metro sjamalil li spoc'ale; ja' pasbil ta ts'otbil lino no.

Bible in Tzotzil de Chamula

⁹ Ti amac' ti lic smeltsan ti Bezaleel ti oy ta yolon ti yac'ol xocon smaleb c'ac'ale, yich'oj vo'ob yoxvinic (45) metro saquil muc' ta poc' ti polajtic stsotbenale.

Éxodo 38:9 Iomraidhean Croise

1 Reyes 6:36

Li stentenail ch'ulnae la set ta ton. Ja' oxcoj laj yac' anbil tonetic, xchi'uc jcoj laj yac' natiquil ch'ut te'.

Salmos 100:4

Ochanic ta ti'na sventa yamaq'uil ch'ulna, tojbeic ta vocol; ochanic te ta yamaq'uil, q'uejinanic yu'un; ich'ic ta muc', albeic slequilal.

Salmos 84:10

Ac'o me jun no'ox c'ac'al te chinaqui ta xch'ulna li Diose, ja' toj ech'em yutsil; ac'o me jmil (1,000) c'ac'al chinaqui ta buyuc no'ox, mu sta jech yutsil. Ac'o me ja' no'ox ta jchabi ti'na te ta ch'ulna yu'une, ja' bal to; ja' altic me ja' chinaqui ti bu toj chopole.

Salmos 84:2

Toj juteb co'nton chac te oyucun ca'ay ta ch'ulna avu'un; li co'nton xchi'uc jbec'tale chq'uejin no'ox ta atojol, cuxul Dios.

Salmos 89:7

Vo'ot Muc'ul Diosot, atuc no'ox xi'bilot; te joyibtabilot yu'un scotol li j'almantaletic te ta vinajele.

Salmos 92:13

Yu'un xco'laj xchi'uc ts'unbilic ta xch'ulna Muc'ul Dios; te chac' lec xnichic ta yamaq'uil sna li Dios cu'untique.

Éxodo 26:1

“Paso jbej ch'ulna ta nucul, ta lajunlic lino poc' ti lec ts'otbile, xchi'uc ta yax'elan poc', ta ic'ic'tic sba stsajal, xchi'uc ta bats'i tsoj. Pasbo lec xluchal; loc'tao chib querubinetic.

Éxodo 38:10

Xchi'uc jtob (20) yoyal xchi'uc jtob (20) snacleb pasbil ta bronce, xchi'uc slucajtic taq'uinal, xotajtic taq'uinal pasbil ta saquil taq'uin.

Éxodo 40:33

Ja' slajeb xa la smeltsanbe li scoralil yamaq'uil ch'ulnae xchi'uc li scajleb smoton Diose, xchi'uc la sjoc'an li poc' sventa smac sti' scoralile. C'alal itsuts yabtel li Moisese,

Éxodo 40:8

Ta slajeb to xapas li scoralil yamaq'uil ch'ulnae; te xajoc'an noxtoc li poc' sventa smac sti' scoralile.

Números 3:26

xchi'uc li poq'uetic sventa smac sti' scoralil ch'ulnae, xchi'uc li poq'uetic ti macbil o li coral yo' bu comen li scajleb smoton Diose, xchi'uc li ch'ojonetique.

Números 4:26

Xchi'uc ja' chich'ic batel li poq'uetic ti macbil o li scoralil ch'ulnae, xchi'uc li poc' smac sti' coral yo' bu comen li ch'ulnae, xchi'uc li scajleb jmotone. Xchi'uc ja' te capal chich'ic o batel li yaq'uiltaque, xchi'uc scotol li c'usitic chtun sventa yabtelic te ta ch'ulnae.