Éxodo 34:9 - Bible in Tzotzil de Chenalhó with Deuterocanon

⁹ Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Bible in Tzotzil de Chamula

⁹ Va'i un, xi laj yale: —Cajval, Cajval, mi ta melel laj jta ti lec xavilune, la' chi'inuncutic. Ta melel ti israeletic li'e, toj toyobba xa'i sbaic. Ja' no'ox un, ch'aybun ti jmul jcolo'cutique xchi'uc ti jchopolalcutique. Bisuncutic ta avalab anich'nab.

Éxodo 34:9 Iomraidhean Croise

Salmos 135:4

Yu'un li Muc'ul Diose st'ujoj xa li Jacobe, ja' li Israele, yu'un tsc'an chu'unin o.

Salmos 25:11

Muc'ul Dios, vo'ot ti ich'bil ta muc' abie, pasbun perdón yu'un li yepal jmule.

Salmos 28:9

Muc'ul Dios, coltao me li ateclumale; ac'bo bendición li boch'otic ochem ta ac'obe. Chabio jech chac c'u cha'al jchabichij; petpunuc avu'un o scotol c'ac'al.

Salmos 33:12

Toj xcuxet no'ox yo'nton li jun lum ti ja' Dios yu'unic li Muc'ul Diose, xchi'uc ti ja' la st'uj stuc Muc'ul Dios, yu'un tsc'an chu'unin oe.

Salmos 78:62

Laj yac' ta milel ta espada noxtoc li steclumale, yu'un ilic sc'ac'al yo'nton ta scojic.

Salmos 94:14

Yu'un li vo'ote Muc'ul Dios, mu'yuc chacomtsan li ateclumale; mu'yuc chavicta li boch'otic t'ujbilic avu'une.

Éxodo 19:5

Ja' yu'un me chach'unic scotol li c'usi caloje, xchi'uc me chavich'ic ta muc' li c'usi chapanbil cu'une, vo'oxuc no'ox atuquic lec chaquiloxuc ta scotol li yantic lumetique yu'un ja' cu'un scotol li banamile.

Éxodo 32:9

Li Muc'ul Diose jech to laj yalbe li Moisese: —Li achi'iltaque, laj xa quil ti stalelic toj tsots yo'ntonique.

Éxodo 33:12

Li Moisese jech laj yalbe li Muc'ul Diose: —Q'uelavil, laj avalbun ti vu'un ta xquic' batel li jchi'iltaque, pero mu'yuc xavalbun ca'ay boch'o chavac' jchi'in batel. Jech noxtoc avaloj ti apatoj avo'nton cu'une, xchi'uc ti lec chavilune.

Éxodo 34:7

C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Isaías 48:4

Jna'oj ono'ox ti toj toybaoxuque, ti xco'laj xchi'uc tsatsal taq'uin li avo'ntonique, ti xco'laj xchi'uc bronce taq'uin li ajolique.

Jeremías 10:16

Mu jechuc li Dios yu'un Jacobe, yu'un li stuque ja' spasoj scotol li c'usitic oye. Li Israele st'ujoj sventa chu'unin o. Ja' Muc'ul Dios tspas ta mantal scotol te ta vinajel, xi sbi.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Zacarías 2:12

Li Muc'ul Diose ta xac' nacluc yan velta ta ch'ul banamil li Judae; ja' yu'un chc'ot o. Jech noxtoc li lum Jerusalene ja' t'ujbil lum chc'ot o.

Números 14:19

Pero ta sventa ti toj ep slequil avo'ntone, pasbo perdón yu'un smulic li jchi'iltac li'i, yu'un lic ono'ox ats'icbe tal c'u x'elan stalelic te ta Egipto xchi'uc c'alal to li' yo' bu oyuncutique —xi li Moisese.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

Deuteronomio 32:9

Yu'un li c'usi ja' yu'un Muc'ul Dios ja' li boch'o t'ujbilic yu'une, ja' li smomnich'nabtac Jacobe.

Deuteronomio 4:20

Li Muc'ul Diose ja' la sloq'uesoxuc tal ti c'alal te to'ox tiq'uiloxuc ta yut li horno sventa yunijesbil stsatsal taq'uine, ja' li Egiptoe. Ja' li' laj yac'oxuc yo' bu oyoxuc li' ta orae, yu'un jech yu'unoxuc lac'otic o.

Deuteronomio 9:18

Ts'acal lic jquejan jba ta stojol Muc'ul Dios jech chac c'u cha'al ta jpas ono'oxe. Cha'vinic (40) c'ac'al xchi'uc cha'vinic (40) ac'ubal te oyun. Mu'yuc c'usi la jve'; mu'yuc c'usi laj cuch'. Pero vo'oxuc ta scoj amulic ti jech la jpase, yu'un laj apasic c'usi chopol ta sat li Muc'ul Diose; laj asa'beic sc'ac'al yo'nton.

Deuteronomio 9:26

Ep la jc'anbe vocol li Muc'ul Diose. Jech laj calbe: ‘Cajval, Muc'ul Dios, mu me xavules li jchi'iltaque yu'un vo'ot laj aloq'ues tal ta mozoil te ta Egipto ta avu'el ta atsatsal.

Deuteronomio 9:29

Yu'un li stuquique ja' lum avu'un. Ja' ateclumal yu'un vo'ot laj aloq'ues tal ta Egipto ta avu'el ta atsatsal’, xichi ta stojol li Muc'ul Diose.