Éxodo 34:7 - Bible in Tzotzil de Chenalhó with Deuterocanon

⁷ C'ux ta co'nton epal mil cristianoetic; ta jch'aybe ta co'nton li smulique, li stoyobbailique, li xchopolilique. Pero mu teuc no'ox jq'ueloj li boch'o ta sa'ilan smule; ta persa chcac'be stoj. Ta xcac'be stoj smul li totiletique, li nich'naletique, li momnich'naletique, xchi'uc c'alal ta xchanc'olal momnich'naletic —xi li Muc'ul Diose.

Bible in Tzotzil de Chamula

⁷ Yu'un sbatel osil staoj yav ta xcac' ta ilel ti syail xc'uxul co'ntone. Ta jch'ay ti toyobbail yu'un ti mulil colo'ile. Ja' no'ox un, mu teyuc no'ox jq'ueloj ti buch'u jech ono'ox ti smule. Yu'un ta ono'ox cac'be stoj xtoc ti c'usi chopol ta spasic ti totil me'iletique, ti c'usi ta spasic ti alab nich'nabiletique, ti momiletique, xnich'nab ti momiletique, xchi'uc smom ti momiletique.

Éxodo 34:7 Iomraidhean Croise

Génesis 19:16

Pero li Lote muc xac'beic yipal smeltsanel sbaic, jech te nitbil iloq'uic batel yu'un j'almantaletic xchi'uc yajnil xchi'uc li chib stsebetique, yu'un c'uxubinbilic yu'un li Muc'ul Diose. Ta ti'lum to ay ac'aticuc, yu'un jech mu me xchamic.

1 Reyes 8:30

A'ibun me jc'op, vu'un li avajtunelune, xchi'uc a'ibo sc'op li anich'nab israeletic ti chajc'opanotcutic tal ta ch'ulnae. A'ibun jc'opcutic c'alal ta vinajel ti bu nacalote, xchi'uc pasbun perdón yu'un li jmulcutique.

1 Reyes 8:32

a'ibo me sc'op c'alal ta vinajel. Paso me li avabtele; chapano me li avajtuneltaque. Ac'bo xcuch smul li boch'o chopol c'usi tspase. Yan li boch'o mu'yuc smule tuc' xachapan, jech mu'yuc smul chcom.

2 Crónicas 30:9

Me chasutic tal ta stojol li Muc'ul Diose, li jchi'iltactic xchi'uc anich'nabic ti chucbilic batel yu'un li avajcontraique ta xlic c'uxubinaticuc, chlic ic'aticuc sutel tal li' ta cosilaltic. Yu'un li Muc'ul Dios cu'untique toj lec yo'nton; ja' jc'uxubinvanej. Mu xasbajoxuc me chasutic tal ta stojol li vo'oxuque”, xi li mantal laj yal batele.

Nehemías 1:5

Jech laj calbe: “Muc'ul Dios te oyot ta vinajel, vo'ot ti ech'em amuc'ul atsatsale, ti xi'bilote, ti mu xch'ay ta avo'nton li c'usi achapanoje, xchi'uc ti c'ux ta avo'nton li boch'o chayich'ot ta muc', ta xch'unic amantaltaque,

Nehemías 9:32

“Ja' yu'un, vo'ot li Diosot cu'uncutic ti ech'em amuc'ule, ti toj tsotsote, ti xi'bilote, ti mu xch'ay ta avo'nton li c'usi chapanbil avu'une xchi'uc li c'uxubinel avu'une, ana'oj ti toj tsots svocol laj yich'ic li ajvaliletic, li banquilaletic, li paleetic, li j'alc'opetic, li jmoltotaccutic, xchi'uc scotol li jchi'iltaccutic c'alal yorail cuxul li ajvaliletic yu'un asiriaetique xchi'uc ti ja' jech o c'alal to tanae.

Job 10:14

Ja' chaq'uel avil me oy jsa'oj li jmule, yu'un jech oy jmul chavilun o.

Salmos 103:3

Ja' chispasbun perdón yu'un scotol li jmule; ja' chiscoltaun ta sventa scotol c'usiuc no'ox c'ux chca'ay.

Salmos 109:14

Ac'o t'abuc ta yo'nton Muc'ul Dios c'usi chopol spasoj li stote, xchi'uc mu me teuc no'ox xch'ay smul li sme'e.

Salmos 130:4

Pero li vo'ote chach'ay ta avo'nton li jmulcutique, yu'un jech ac'o ich'atan ta muc'.

Salmos 136:10

Ja' la smilbe sba yol xnich'onic noxtoc li egiptoetique, yu'un sbatel osil mu xlaj o li c'uxubinel yu'une.

Salmos 136:15

Ja' la smes batel ta nab li Faraón xchi'uc scotol yajsoldadotaque, yu'un sbatel osil mu xlaj o li c'uxubinel yu'une.

Salmos 25:11

Muc'ul Dios, vo'ot ti ich'bil ta muc' abie, pasbun perdón yu'un li yepal jmule.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 99:8

Muc'ul Dios, vo'ot li Diosot cu'uncutique, laj atac'be li sc'opique; vo'ot Diosot yu'unic ti toj ep ts'icumal avu'une, xchi'uc vo'ot laj avac'be stoj smulic noxtoc.

Éxodo 23:21

Mu me xavoc' abaic ta stojol; a'ibeic me li sc'ope. Mu me xabajbeic smantal, mu'yuc me xaspasboxuc perdón me laj ata amulique, yu'un ja' ta jventa ti ch-abteje.

Éxodo 23:7

“Mu me xach'unic li tic'bil muliletique, xchi'uc mu me xavaq'uic ta milel li boch'o mu'yuc smule. Yu'un li vu'une mu'yuc ta jmucbe smul li boch'o oy smule.

Éxodo 33:19

Itac'ov li Muc'ul Diose: —Xu' ta xcac'bot avil scotol c'u x'elan slequil co'nton, xchi'uc xu' ta xcalbot ava'ay li jch'ulbie. Ta jcolta li boch'o ta jc'an ta jcoltae, ta jc'uxubin li boch'o ta jc'an ta jc'uxubine.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Isaías 45:21

Ac'o tal yalic, ac'o tal spojic li sdiosique; ac'o sa'ic lec c'u x'elan chc'opoj scotolic. ¿Boch'o laj yal ta sliquebal ti jech chc'ot ta pasel jech chac c'u cha'al laj cale? ¿Me oy boch'o laj ono'ox yal ta vo'one? ¿Me muc vu'cun no'ox jtuc laj cal?, vu'un li Muc'ul Diosune. Mu'yuc yan Dios jech chac c'u cha'al vu'un; jtuc no'ox Diosun ti tuc' co'ntone, ti xu' cu'un chicoltavane; mu'yuc boch'o yan jech chac c'u cha'al vu'un.

Jeremías 30:11

Yu'un te oyun ta atojolic sventa chajcoltaoxuc. Ta xcules scotol li yantic lumetic ti bu la jpucoxuc batele, pero li vo'oxuque mu'yuc chaculesoxuc. Ja' no'ox ta xcac'boxuc atoj amulic, pero lec tuc' ta jpas. Yu'un ta ono'ox xcac'boxuc atojic”, xi li Muc'ul Diose.

Jeremías 32:18

Jech noxtoc toj c'ux ta avo'nton ep ta mil cristianoetic, xchi'uc chavac'be svocol alab nich'nabetic ta scoj smul stot sme'ic noxtoc. ¡Vo'ot muc'ul Diosot, toj ech'em avu'el atsatsal! Ja' Muc'ul Dios, ja' tspas ta mantal scotol te ta vinajel, xi li abie.

Jeremías 9:24

Li boch'o tsc'an lec muc' sc'oplale ja' ac'o muc'uc sc'oplal chc'ot ta sventa ti xiyotquinune, ti sna' ti vu'un jtuc Muc'ul Diosun, ti jc'uxubinvanejune, ti tuc', ti lec scotol c'usi ta jpas li' ta banamile, yu'un ja' toj lec chquil li boch'o jech tspase”, xi li Muc'ul Diose.

Daniel 9:4

La jc'opan li Muc'ul Diose, ja' li Dios cu'une. Laj calbe ta jamal li jmulcutique, jech laj calbe: ‘Cajval, Muc'ul Dios, vo'ot ti atalel ich'bilot ta muq'ue, ti c'ux ta avo'nton, ti chavac' c'otuc ta pasel ta stojol c'usi achapanoj li boch'otic chasc'anot, xchi'uc ti ta xch'unic amantaltaque,

Daniel 9:9

Pero ta atojol vo'ote Cajval, Dios cu'un, oy c'uxubinel, oy perdón avu'un, ac'o me ep jtoyoj jbacutic ta atojol.

Miqueas 6:11

¿Me xu' mu'yuc smul chquil li boch'o mu'yuc ts'acal skilo xchi'uc ti mu'yuc ts'acal chac' li c'usi tsbise?

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Nahúm 1:6

¿Me oy boch'o xcuch yu'un c'alal me i'iline? ¿Me oy boch'o lec va'al chcom c'alal me itsan sc'ac'al yo'ntone? Li sc'ac'al yo'ntone ta spuc sba batel jech chac c'u cha'al c'oc', jech ta x'unijan scotol li ch'entique.

San Mateo 12:31

“Ja' yu'un chacalboxuc ava'yic, scotol li c'usi chopole, xchi'uc li boch'o chopol chc'opoj ta stojol Diose, oy to perdón. Yan li boch'o chopol chc'opoj ta stojol Ch'ul Espiritue mu'yuc xa perdón o.

San Mateo 6:12

Pasbuncutic perdón yu'un jmulcutic jech chac c'u cha'al jpasojbecutic perdón li boch'otic oy smul cu'uncutique.

San Lucas 7:42

Pero li chib j'iluviletique mu sut yu'unic li yilique, jech te ich'aybatic o. Alo ca'tic boch'o junucal ep c'uxubinbil ic'ot —xut.

San Lucas 7:48

Li Jesuse jech laj yalbe li antse: —Pasbilot xa perdón scotol li amule —xut.

Hechos 13:38

Ja' yu'un jchi'iltac, tsc'an chana'ic ti ja' ta sventa Jesús xu' chijpasbat perdón yu'un jmultique.

Hechos 5:31

Pero li Diose laj xa yac' ta ich'el ta muc' te ta sbats'ic'ob. Laj yac' c'otuc ta Jpasmantal, ta Jcoltavanej, yu'un jech ac'o sutes yo'ntonic ta stojol li israeletique, jech xu' tspasbatic perdón yu'un smulic.

Efesios 1:7

Ja' li Xnich'on ti la smanutic ta xch'ich'al, yu'un jech la jtatic o perdón yu'un li jmultique, yu'un bats'i ep c'uxutic ta yo'nton.

Efesios 4:32

Lec xavil abaic, c'ux xava'ay abaic ta jujuntal. Talbat xapasbeic abaic perdón jech chac c'u cha'al la spasboxuc perdón Dios ta sventa li Cristoe.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

Deuteronomio 7:10

Yan li boch'otic tscontrainic Diose, ta xules scotol. Chac'be stojol li c'usi tspasique. Ta ora no'ox chac'be stoj c'usi tspasic li boch'otic mu xich'ic ta muq'ue.

Deuteronomio 7:9

Ja' yu'un na'ic me ti ja' mero Dios stuc li Muc'ul Dios cu'untique. Jayc'oluc cristianoetic chjelov, me tsc'anic li Diose, me chch'unbeic smantaltaque; li Muc'ul Diose mu sjel yo'nton o. Persa chac' c'otuc ta pasel ta stojolic li c'usi xchapanoj ono'oxe.

Hebreos 12:29

Yu'un li Dios cu'untique ja' jech chac c'u cha'al c'oc' ti xu' yu'un chchic'vane.

Josué 24:19

Li Josuee jech laj yalbe: —Mu xu' avu'un chatunic yu'un li Muc'ul Diose. Yu'un li Diose bats'i tuc' yo'nton; it'ix yo'nton me yan boch'o chquich'tic ta muq'ue. Mu sts'ic yu'un li atoyobbailic ta stojole, xchi'uc li amulique.

1 Juan 1:9

Yan me jamal chcalbetic Dios li jmultique, chispasbutic perdón, chispocbutic loq'uel scotol sbolil co'ntontic. Yu'un li stuque tuc' yo'nton, melel c'usi chal.

Apocalipsis 20:15

Li boch'otic muc xtabat sbiic ta vun sventa cuxlejale, ijipatic ochel ta muc' ta c'oc'.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.