Éxodo 34:5 - Bible in Tzotzil de Chenalhó with Deuterocanon

⁵ Li Muc'ul Diose iyal tal ta toc; te la xchi'in sbaic xchi'uc li Moisese. Te lic yal li sbie.

Bible in Tzotzil de Chamula

⁵ Va'i un, ti Diose vul ta toc ti c'alal yal talele. Laj snup sbaic ta be xchi'uc ti Moisese. Laj svinajes ta jamal sbi ti stuc ta stojole.

Éxodo 34:5 Iomraidhean Croise

Salmos 102:21

Yu'un jech ac'o pucuc te ta lum Sión slequilal li Muc'ul Diose, xchi'uc ac'o albatuc slequilal te ta Jerusalén.

Éxodo 19:18

Li vitse iloc' ep xch'ayilal yu'un iyal tal ta c'oc' li Muc'ul Diose. Li xch'ayilale xco'laj xchi'uc xch'ayilal tocalte'. Li vitse tsots inic.

Éxodo 19:9

Li Muc'ul Diose jech laj yal: —A'yo ava'ay, te chibat ta atojol ta jun pimil toc, yu'un ac'o ya'yic scotol achi'iltac ti ta jchi'inot ta lo'ile, jech xu' chayich'icot ta muc' —x'utat. Li Moisese te lic yalbe ya'ay c'u x'elan itac'ovic li israeletique.

Éxodo 23:21

Mu me xavoc' abaic ta stojol; a'ibeic me li sc'ope. Mu me xabajbeic smantal, mu'yuc me xaspasboxuc perdón me laj ata amulique, yu'un ja' ta jventa ti ch-abteje.

Éxodo 33:19

Itac'ov li Muc'ul Diose: —Xu' ta xcac'bot avil scotol c'u x'elan slequil co'nton, xchi'uc xu' ta xcalbot ava'ay li jch'ulbie. Ta jcolta li boch'o ta jc'an ta jcoltae, ta jc'uxubin li boch'o ta jc'an ta jc'uxubine.

Éxodo 33:9

C'alal ch-och ta yut ch'ulna pasbil ta nucul li Moisese, chyal tal li toque; te chtal yac' sba ta sti' li ch'ulna pasbil ta nucule. Te chc'opanat yu'un Muc'ul Dios li Moisese.

Proverbios 18:10

Li Muc'ul Diose ja' jech chac c'u cha'al jun muc'ta ton va'al ti lec tsotse; ja' te chbat sa'ic coltael li boch'o tuc' yo'ntonique.

Isaías 1:10

Banquilaletic ta Sodoma, a'yic c'usi chal li Muc'ul Diose; jnaclumetic ta Gomorra, tuc'ulanic lec li mantaletic yu'un Dios cu'untique.

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 11:25

Jech li Muc'ul Diose iyal tal ta toc, tal sc'opan li Moisese. Xchi'uc laj yich'be jutuc li stsatsal yac'ojbee, ja' laj yac'be li lajuneb xchanvinic (70) banquilaletique. C'alal laj yich'ic li stsatsalique, lic c'opojicuc jech chac c'u cha'al j'alc'opetic. Pero li c'usi laj yalique, muc xa xcha'alic yan velta.

Números 12:5

Te iyal tal ta jun ic'al toc li Muc'ul Diose, te laj yac' sba ta sti' li ch'ulna pasbil ta nucule. Te lic yic' li Aarón xchi'uc Mariae. C'alal te xa oyic ta stojole,

Números 14:17

Ja' yu'un, Cajval cu'un, li' ta orae ac'o ta ilel li avu'el jech chac c'u cha'al avaloj ono'oxe. Yu'un avaloj

Deuteronomio 32:3

“Ta xcalbe slequilal sbi li Muc'ul Diose: Otquinbeic me smuc'ul li Dios cu'untique.

1 Samuel 3:18

Li Samuele lic yalbe Elí li c'usi i'albate, me jbeluc mu'yuc la snac'. C'alal laj ya'ay li Elie, jech laj yal: —Ac'o spas li c'usi tsc'ane yu'un ja' Muc'ul Dios stuc —xi.