Éxodo 34:13 - Bible in Tzotzil de Chenalhó with Deuterocanon

¹³ Vuq'uesbeic li scajlebtac smoton sdiosique; voc'beic li sloc'obaltac sdiosique, ts'etic li sloc'obal Asera te pajajtic yu'unique.

Bible in Tzotzil de Chamula

¹³ C'ajomaluc no'ox me, jinesbeic ti altaretic yu'unique. Lilinic ta j'ech'el ti loc'tabil tonetique, xchi'uc ti loc'tabil te'etic cajal ti sc'oplal yu'unique.

Éxodo 34:13 Iomraidhean Croise

1 Reyes 14:15

Li Muc'ul Diose ta to slilin li israeletic jech chac c'u cha'al ajtic ti chich' niquilanel yu'un yip uc'ume. Ta to sloq'ues batel li' ta lequil banamil ti ac'bilic ono'ox li smoltotique. Ta spuc batel ta jelovel to uc'um Éufrates ta scoj ti la spasbeic sloc'obaltac Aserae, jech laj yaq'uic ilinuc ta stojolic li Muc'ul Diose.

2 Reyes 10:27

Xchi'uc la slilinic li Baale; la sjinesbeic noxtoc li scajleb smotone xchi'uc li xch'ulnae. Icom ta tsanubaltic yu'unic; ja' jech o c'alal to tana.

2 Reyes 18:4

La sjines scotol li toyol c'opojebaletique, xchi'uc la slilin scotol li tonetic scuyoj ta sdiosique, xchi'uc la sts'etan li sloc'obaltac Asera bu pajajtic yu'unique, xchi'uc la slilin li sloc'obal chon pasbil ta bronce yu'un Moisés ta vo'onee, yu'un li israeletique te la xchiq'uic pom ta stojol. Neustán laj yac'beic sbi li sloc'obal chone.

2 Reyes 23:14

Xchi'uc la slilin noxtoc li c'usitic pasbil ta tone xchi'uc li sjalalme'ic, Asera sbie. Li yavil bu to'ox yac'ojique la snojesic ta baquil animaetic.

2 Crónicas 14:3

Yu'un la sloq'ues scotol li scajleb matanaletic sventa yantic diosetique xchi'uc li c'opojebaletic ta toyol vitsetique. La slilin li tonetic ti scuyoj ta sdiosique xchi'uc li sloc'obaltac Aserae.

2 Crónicas 15:16

Li Asae la sloq'ues ta pasmantal noxtoc li syame'e, ja' li Maacae, yu'un ja' laj yal mantal ti ac'o yich' pasbel sloc'obal li sjalalme'ic Aserae. Li Asae la sloq'ues batel noxtoc li sloc'obal Aserae. La slilin o ta j'ech'el; te bat xchic' ta nopol bevo' Cedrón.

2 Crónicas 17:6

Bats'i sjunul yo'nton la snaban sba o ta stojol li Muc'ul Diose. La sloq'ues li c'opojebaletic ta toyol vitsetique xchi'uc li sloc'obaltac Asera te ta stojol judaetique.

2 Crónicas 24:18

Jech lic scomtsanbeic o li ch'ulna yu'un Muc'ul Diose, ja' li Dios yu'un stot sme'ic ta vo'onee. Ja' lic yich'ic ta muc' li sloc'obaltac Aserae, xchi'uc li yantic sloc'obal diosetique. Ta scoj li mulil la spasic le'e ja' yu'un li Diose i'ilin ta stojol li Judá xchi'uc ta Jerusalene.

2 Crónicas 31:1

C'alal ilaj yo'ntonique, scotol li israeletic te oyique ibatic ta lumetic ta yosilal Judá, bat slilinic scotol li tonetic scuyoj ta sdiosique xchi'uc li sloc'obaltac Aserae. La sjinesic scotol li c'opojebaletique xchi'uc li scajleb matanaletic ta Judá, ta Benjamín, ta Efraín, xchi'uc ta Manasese. J'ech'el laj yulesic o scotol. Ts'acal isutic batel ta slumalic xchi'uc ta snaic jujunic.

2 Crónicas 33:19

Ti c'u x'elan la sc'opan Dios xchi'uc c'u x'elan itac'bat sc'op, xchi'uc c'u x'elan smul xchi'uc ti mu junuc yo'ntone, xchi'uc ti butic la spasbe toyol sc'opanbil yan diosetique, xchi'uc ti butic la sva'ananbe sloc'obal li Asera xchi'uc li sloc'obal sdiosic ti c'alal mu'yuc to'ox tsbic'tajes sbae, te ts'ibabil ta svun li j'alc'opetic ti icoltaat yu'une.

Éxodo 23:24

Mu me xachanic c'usitic chopol tspasic li yantic lum le'e. Mu me xavich'beic ta muc' li diosetic yu'unique; mu me xaquejan abaic ta stojol. Lilinic scotol li tonetic scuyoj ta sdiosique.

Isaías 17:8

Mu xa ja'uc te chac' batel satic ta scajleb li matanaletique, xchi'uc li c'usitic yan pasbil ta sc'obique. Mu xa ja'uc te chac' satic ta stojol li anbil te'etic ti ich'bil ta muc' yu'unique, xchi'uc ta scajleb li xchic'ubil pom yu'unique.

Isaías 27:9

Pero ta spasbe perdón yu'un smul; ja' xch'ayubil smul chc'ot me tspasic jech chac c'u cha'al li'i: Me tslilin scotol li scajleb smoton c'usi mu ja'uc diose, me tan chcom yu'un scotol li tonetique, xchi'uc me mu'yuc xa tsva'anic o li anbil chumante' ti yich'ojic ta muq'ue xchi'uc li scajlebtac xchic'ubil pome.

Jeremías 17:2

Jech te tsna'ilanic o avu'unic ec li anich'nabtaquic c'u x'elan li scajleb matanaletic apasojic ta sventa li dios Asera, te ta yolon te'etic, xchi'uc ta vitsetic,

Miqueas 5:14

Ta jpits loq'uel ta atojol noxtoc li adios Asera te va'al avu'une, xchi'uc ta xcules o scotol li lumetic avu'une.

Números 33:52

nutsic loq'uel scotol li boch'otic te nacajtic ta banamile, xchi'uc jinesbeic scotol li c'usitic sloc'taojic ti pasbilic ta ton xchi'uc ta unijesbil taq'uine. Lajesbeic sc'oplal scotol li yav bu chich'ic ta muc' sdiosic ta toyol vitsetique.

Deuteronomio 16:21

“Mu me xapajic jbejuc te' sventa chavich'ic ta muc'. Mu me xbat apajic ta sts'el scajleb smoton li Muc'ul Dios cu'untique.

Deuteronomio 16:22

Mu me xava'anic tonetic sventa chavich'ic ta muc' jech chac c'u cha'al tspasic li boch'otic mu'yuc yich'ojic ta muc' Diose. Yu'un li boch'o jech tspas chac le'e, toj chopol chil li Muc'ul Dios cu'untique.

Deuteronomio 7:5

Li c'usi tsc'an chapasique, ja' tsc'an chajinesic scotol li scajleb smoton sdiosique. Lilinic scotol li tonetic xchi'uc li te'etic yich'ojic ta muq'ue. Chic'beic scotol li sloc'obal c'usitic yich'ojic ta muq'ue.

Jueces 2:2

me mu'yuc c'usi chachapan achi'uquic li cristianoetic li' nacajtic ta avosilalique. Ja' tsc'an vo'oxuc chajinesbeic li scajleb smoton sdiosique’, xcutic ono'ox. Pero li vo'oxuque muc xach'unbicun li c'usi calojboxuque. Q'uelavilic li c'usi laj xa apasique.

Jueces 6:25

Te no'ox ta yac'ubalil li Muc'ul Diose jech laj yalbe li Gedeone: —Tsacbo jcotuc xvacax atot, ja' li xchibal ti vucub jabil yich'oje. Bat jinesbo li scajleb smoton Baal smeltsanoj atote. Ts'eto noxtoc li te' te spajoj ti spasojbe ta sloc'obal Aserae.

Jueces 6:26

Te xapasbun scajleb jmoton ta sjol li ch'ene, vu'un li Muc'ul Diosun avu'une. Milbun jmotonin li xchibal vacaxe; te xachic'bun. Ja' xavac'be si'ilin li te' chats'et te spajoj atote —xut.