Éxodo 34:11 - Bible in Tzotzil de Chenalhó with Deuterocanon

¹¹ “Ch'unic me li c'usi chacalboxuc ava'yic li' ta orae. Vu'un ta jnuts loq'uel ta atojolic li amorretic, li canaanetic, li hetetic, li ferezetic, li hevetic, xchi'uc li jebusetique.

Bible in Tzotzil de Chamula

¹¹ “C'otuc me ta pasel avu'unic ti va'i s'elan laj calboxuc ava'iic li'e. Ja' yu'un un, ta aba ta asatic ta jten loq'uel ti amorreoetique, ti cananeoetique, ti hititaetique, ti ferezeoetique, xchi'uc ti jebuseoetique.

Éxodo 34:11 Iomraidhean Croise

1 Crónicas 1:14

Li Canaane ja' smomnich'on li jebusetic, amorretic, gergesetic,

Nehemías 13:23

Laj quil noxtoc ti oy judaetic yic'anojic antsetic liquemic ta Asdod, ta Amón, xchi'uc ta Moabe,

Éxodo 23:28

Ta jtac tal muc'ta xi'el xchi'uc ep chanul mumetic ti bu chajelovic batele, yu'un jech ta xjatovic batel avu'unic li hevetic, li hetetic, xchi'uc li canaanetique.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Éxodo 33:2

Ta jtacbot tal j'almantal cu'un yu'un ja' chastojobtasot batel. Vu'un ta jnuts loq'uel te ta banamil li canaanetique, li amorretique, li hetetique, li ferezetique, li hevetique, xchi'uc li jebusetique.

Éxodo 8:27

Ja' lec te chibatcutic ta xocol banamil ti oxib c'ac'al sbelale. Ja' te chbat jchic'becutic smoton li Muc'ul Dios cu'uncutic jech chac c'u cha'al laj yalbuncutique —xi.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Juan 14:21

Li boch'o te oy ta yo'nton li jmantaltaque, me ta xch'une, le'e ja' li boch'o sc'anojicune. Li boch'o sc'anojicune ta xc'anatic yu'un ec li Jtote. Jech jc'anojic ec; ta xcac' jba ta ilel ta stojolic —xi li Jesuse.

Deuteronomio 12:28

“A'yo me ava'yic. Ch'unic me scotol li c'usitic laj calboxuque, yu'un jech lec chabatic achi'uc avalab anich'nabic me ja' chapasic c'usitic tuc' xchi'uc c'usi lec chil li Muc'ul Diose.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 28:1

“Me ta melel chach'unbeic scotol c'usitic chayalboxuc li Muc'ul Dios cu'untique, xchi'uc me chach'unic scotol li mantaletic li' chacalboxuc ava'yic ta orae, vo'oxuc muc' chac'otic yu'un scotol li yantic lum li' ta banamile.

Deuteronomio 33:27

Li Dios ti cuxul o sbatel osile ja' anac'ubbail c'otem. Li svu'el ti mu sna' xlaj oe ja' chascoltaot. Ja' chac' jatovuc loq'uel ta atojol scotol li avajcontrae, xchi'uc ja' laj yalbot noxtoc ti ac'o avules o ta j'ech'ele.

Deuteronomio 4:40

Ch'unbeic me scotol li c'usitic chayalboxuque xchi'uc li smantaltaque, ja' ti chacalboxuc ava'yic li' ta orae. Me jech chapasique, xcuxet no'ox avo'ntonic li vo'oxuque xchi'uc li amomnich'nabique. Xchi'uc jal chacuxiic te ta avosilic yo' bu chayac'boxuc avich'ic li Muc'ul Dios cu'untique”, xi li Moisese.

Deuteronomio 5:32

Ja' yu'un ch'unic me scotol c'usi chayalboxuc li Muc'ul Dios cu'untique. Me jutuc mu me xacomtsanic spasel.

Deuteronomio 6:25

Ja' yu'un li vu'utique toj lec ti me bijutic scotol c'ac'ale, yu'un jech ac'o c'otuc ta pasel cu'untic ta stojol Dios li mantaletic li'i, jech chac c'u cha'al yalojbutic ono'ox Muc'ul Dios ti ac'o jpastique’, utic li anich'nabique.

Deuteronomio 6:3

Ja' yu'un jchi'iltac, israeletic, pasilanic me batel scotol. Jech lec chabatic, xchi'uc jech xu' chac'otic ta jun muc'ul lum te ta banamil ti bu chloc' ya'lel xchu' vacax, xchi'uc pom jech chac c'u cha'al chloc' vo'e. Yu'un jech ono'ox albilic yu'un Muc'ul Dios li jmoltot jyame'tic ta vo'onee.

Deuteronomio 7:19

Na'ic me c'u x'elan li muc'tic sq'uelubiltac stsatsal laj yac' ta ilele. Vo'oxuc testigooxuc, yu'un laj avil ta asatic ti ta svu'el ta stsatsal la sloq'uesoxuc tal ta Egiptoe. Ja' no'ox jech xu' ta spas ta atojolic noxtoc te ta lumetic ti chaxi'ic yu'une.

Josué 23:5

Li Muc'ul Dios cu'untique ja' ta snutsboxuc loq'uel scotol li yajvaltaque, jech vo'oxuc chavich'ic o comel jech chac c'u cha'al yaloj ono'oxe.