Éxodo 33:16 - Bible in Tzotzil de Chenalhó with Deuterocanon

¹⁶ Yu'un me mu'yuc chbat achi'inuncutique, ¿c'u x'elan xu' chich' na'el ti lec ac'anojuncutic xchi'uc li jchi'iltaque? Pero me chachi'inuncutic batele, ja' svinajeb ti voc'biluncutic avu'un ta stojol li yantic lumetic li' ta sba banamile —xut.

Bible in Tzotzil de Chamula

¹⁶ Va'i un, mi yu'un mu xachi'inuncutic batele, ¿c'usi xa xut ta xa'iic ti yan jteclum ti ta jchapbecutic ya'i ti lec xaviluncutic xchi'uc ti avalab anich'nabe? Yu'un ja' to jech ta xvinaj ti mu co'olucuncutic xchi'uc scotol ti jteclumetic ti oyic ta scotol banomile.

Éxodo 33:16 Iomraidhean Croise

2 Samuel 7:23

Li israeletic, ja' li jteclum avu'une, ja' no'ox stuc jech jun muc'ta lum li' ta banamil. Vo'ot laj acolta, jech ja' ateclumal ic'otic o. Vo'ot laj avac' pucuc batel sc'oplalic, yu'un ep laj avac' ta ilel amuc'ul atsatsal ta stojolic. Ta sventa ti lec ac'anoj li jteclum avu'une, jech laj acolta loq'uel tal ta Egipto, xchi'uc ta stojol yantic lumetic, xchi'uc ta stojol diosetic yu'unic li yantic lumetique.

1 Reyes 8:53

Muc'ul Dios, vo'ot laj avoc' loq'uel ta stojol scotol yantic lumetic li' ta banamil li jmoltot jyame'cutic ta vo'onee yu'un jech chic'otcutic ta ateclumal, yu'un jech laj avalbe li avajtunel Moisés ti c'alal laj aloq'ues tal ta Egipto li jmoltot jyame'cutique”, xut li Muc'ul Diose.

Salmos 147:20

Mu'yuc bu jech spasoj ta yan banamiletic; mu'yuc bu laj ya'yic c'u x'elan li chanubtasel tojobtaseletic yu'une. Coliyal Dios.

Éxodo 34:10

Li Muc'ul Diose jech laj yal: “A'yo ava'ay: oy c'usi ta jchapan ta stojol scotol li achi'iltaque. Ta xcac' ta ilel xch'ayubil o'ntonal ti mu'yuc ono'ox boch'o jech spas ta yantic lumetic ta sbejel li banamile. Scotol li cristianoetic yo' bu chabatique ta xilic ec li cabtel ta jpas, vu'un li Muc'ul Diosune, yu'un toj tsots li c'usi ta jpase.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Éxodo 8:22

C'alal me ic'ot ta pasel le'e, ta jvoc' comel li yosilal Gosene, yu'un ja' te nacalic li jteclum cu'une. Me jcotuc xcoch mu'yuc chvinaj te, jech chana' o ti vu'un Muc'ul Diosun; li' oyun ta avosilalique.

Levítico 20:24

Ja' yu'un laj calboxuc ti vo'oxuc chavich'beic li yosilalique. Vu'un jtuc chacac'boxuc ta ac'obic li banamil le'e; ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. “Vu'un Muc'ul Diosun avu'unic ti la jt'ujoxuc loq'uel ta stojol yantic lumetique.

Levítico 20:26

Ja' yu'un tuc' me xapas abaic ta jtojol, yu'un vu'un li Muc'ul Diosune tuc' co'nton. Vu'un la jt'ujoxuc loq'uel ta stojol li yantic lumetique, yu'un jech jteclumal chac'otic.

Números 14:14

xu' chlic yalbe ya'yic li jnaclumetic te ta Canaán banamile. Yu'un li stuquique ya'yojic ti li' oyot ta o'lol yu'unic li jchi'iltac, vo'ot li Muc'ul Diosote. Xchi'uc ya'yojic ti chavac' aba lec ta ilel ta stojolique, xchi'uc ti li' oy ta stojolic li toc avu'une. Xchi'uc ya'yojic ti ba'yucbe chabat ta toc yu'unic ta c'ac'altique xchi'uc ti chc'ataj ta c'oc' ta ac'ubaltic sventa tsna' bu chbatique.

Números 23:9

Li' ta toyol ch'entic lec xquil batel; li' ta toyol vitsetic ta jq'uel batel. Ja' jun lum ti voc'bilique; mu xco'laj xchi'uc yantic lumetic.

San Mateo 1:23

“A'yo ava'yic, ta xlic xchi'in yol jun tojol tseb, ta svoq'ues jun querem; Emanuel ta xac'be sbi”, xi ono'ox. “Dios li' jchi'uctic”, xi smelol li sbie.

2 Corintios 6:17

Jech yaloj noxtoc: “Loc'anic me ta stojolic, voc'o abaic loq'uel; mu me xapiquic li c'usi toj chopole, jech chaquic'oxuc ta jtojol.

Deuteronomio 4:34

¿Me oy jech yan Dios la st'uj jun lum ta scotol yantic lumetic, xchi'uc ti la spas tsots senyailtac, xchi'uc sq'uelubiltac, xchi'uc muc'tic pleitoetique? Jac'o ava'yic me oy bu ivinaj tsots svu'el, xchi'uc me oy c'usi tsots la spas ti xi'balic sba jech chac c'u cha'al la spas ta atojolic te ta Egipto li Muc'ul Dios cu'untique.

Deuteronomio 4:7

Yu'un mu'yuc yan lum toj muc', xchi'uc ti nopol oy diosetic ta stojolic jech chac c'u cha'al li' oy ta jtojoltic li Muc'ul Dios cu'untique, ti chijya'ibutic jc'optic jujun velta c'alal ta jc'opantique.