Éxodo 33:11 - Bible in Tzotzil de Chenalhó with Deuterocanon

¹¹ Li Muc'ul Diose lec laj ya'ibe sba sc'opic xchi'uc li Moisese, ja' jech la sc'opan sbaic jech chac c'u cha'al tsc'opan sbaic li boch'o lec xotquin sbaique. Ts'acal tsut batel ta scarpanaic li Moisese. Yan li querem Josué, xnich'on Nune, ja' li yajcoltaubbail Moisese, te chcom ta ch'ulna pasbil ta nucul.

Bible in Tzotzil de Chamula

¹¹ Ti Diose sq'uelojbe sba satic xchi'uc ti Moisés ti c'alal ta xc'opojique, co'ol s'elan ta xchi'in ta lo'il ti lec xil sbaic xchi'uque. Ts'acal to un, ti Moisese ta sut batel ti bu lamalic ta nacleje. Yan ti yajcoltaobbae, ja' ti querem vinic Josuee, xnich'on ti Nune, tiq'uil ta xcom ta yut ti Axibalnae.

Éxodo 33:11 Iomraidhean Croise

Génesis 32:30

Li Jacobe Peniel laj yac'be sbi li banamile, yu'un jech la snop: “Laj quilbe jba lec jsatcutic jchi'uc li Diose, pero muc xicham; cuxulun to”, xi.

2 Crónicas 20:7

Dios cu'un, vo'ot laj anuts loq'uel ta stojol ateclumal li yajvaltac banamil li'i; ja' laj avac'be o yu'uninic li smomnich'nabtac Abrahame, ja' ti lec ono'ox laj ac'opan aba achi'uque.

Job 16:21

Toj lec ti oyuc boch'o sva'an sba ta jcoltael ta stojol li Diose jech chac c'u cha'al li boch'o tscolta xchi'ile.

Éxodo 17:9

Li Moisese jech laj yalbe li Josuee: —T'ujo jayibuc viniquetic bat pasic pleito achi'uquic li amalequetique. Yan li vu'une oc'om te chibat ta toyol vits, chquich'be batel li ste' Diose —xut.

Éxodo 24:13

Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Éxodo 32:17

C'alal laj ya'ay Josué ti toj tsots ch-avanic li xchi'iltaquique, jech laj yalbe li Moisese: —Toj tsots ch-avanic; liquem pleito yu'unic te ta carpanaetic ya'yel —xut.

Éxodo 33:10

C'alal chilic israeletic ti te chvul yac' sba ta sti' ch'ulna pasbil ta nucul li toque, ta jujuntal te chlic squejan sbaic ta sti' scarpanaic sventa chich'ic ta muc' li Muc'ul Diose.

Éxodo 33:9

C'alal ch-och ta yut ch'ulna pasbil ta nucul li Moisese, chyal tal li toque; te chtal yac' sba ta sti' li ch'ulna pasbil ta nucule. Te chc'opanat yu'un Muc'ul Dios li Moisese.

Isaías 42:8

Vu'un li Muc'ul Dios jbie, mu xcac' boch'o yan chich' li jlequilal cutsilale; mu xcac' ja' chc'ot ta stojolic quich'el ta muc' li c'usitic loc'tabilic no'oxe.

Números 11:28

Ja' yu'un li Josué, xnich'on Num, ti ta sbic'tal ono'ox lic scolta tal ta abtel li Moisese. Jech laj yal: —Cajval Moisés, pajeso yu'un mu me spasic jech —xi.

Números 12:7

Pero li cajtunel Moisese, mu'yuc jech ta jpasbe, yu'un li stuque ja' toj lec tuc' yo'nton ta scotol li cajtuneltaque.

Números 12:8

Lec ta jchi'in ta lo'il stuc, xchi'uc lec xvinaj ta a'yel li jc'ope. Li stuque sq'uelojbun jsat. Pero li vo'oxuque, ¿c'u yu'un ti chachopolc'opojic ta stojole?”, x'utatic yu'un li Muc'ul Diose.

San Juan 11:11

Jech laj yal noxtoc li Jesuse: —Li Lázaro ti lec chquil jba jchi'uctique vayem xa. Pero ta xibat, chbat jtij liquel —xut.

San Juan 3:29

Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

Deuteronomio 31:14

Li Muc'ul Diose jech laj yalbe li Moisese: “Q'uelavil, li vo'ote po'ot xa tsta yorail chacham. Ja' yu'un ic'o batel achi'in li Josué te ta ch'ulna pasbil ta nucule yu'un te ta xcac'be yabtel”, xut. Li Moisés xchi'uc Josuee ibatic ta ch'ulna pasbil ta nucul.

Deuteronomio 34:10

Pero mu'yuc bu ilic yan j'alc'op te ta Israel jech chac c'u cha'al li Moisés ti la xchi'in sbaic lec ta lo'il xchi'uc li Muc'ul Diose.

Deuteronomio 5:4

Li Muc'ul Diose la sc'opanoxuc ta vits Horeb ta ye stuc ti c'alal ic'opoj tal ta o'lol yat c'oq'ue.

Santiago 2:23

Ja' ic'ot o ti jech ts'ibabil ta sc'op Diose: “Li Abrahame lec i'ilat yu'un Dios ta sventa xch'unojel yo'nton”, xi. Ja' yu'un li Abrahame lec laj yil sbaic xchi'uc Dios, xi sc'oplal.