Éxodo 32:8 - Bible in Tzotzil de Chenalhó with Deuterocanon

⁸ Yu'un ta ora no'ox la scomtsanic li lequil be ti caloj ja' tstamic batele. Laj xa spasic jun sloc'obal ch'ium tot vacax ta unijesbil c'anal taq'uin. Ja' xa chich'ic ta muc', chchic'beic smoton, jech chalic: ‘Israeletic, li'i ja' dios cu'untic ti la sloq'uesutic tal ta Egiptoe’, xiic —xut.

Bible in Tzotzil de Chamula

⁸ Ta ora no'ox laj xch'ac sbaic ta be ti bu laj calbeic ti ta stamic batele. Laj xa smeltsanic ta ulesbil oro jcot sloc'obbail ch'in tot vacax. Avi tana une, yacalic xa ta xich'ic ta muc', ta xac'beic matanaletic xtoc ti xi ta xalique: ‘Israel, ti li'e, ja' dios ti laj sloq'uesot talel ta Egiptoe.’

Éxodo 32:8 Iomraidhean Croise

1 Reyes 12:28

C'alal laj xa'ox snopilan c'usi xu' tspas, te lic spas cha'cot sloc'obal ch'ium tot vacaxetic, jech laj yalbe li israeletique: “Jchi'iltac, toj ep xa ta velta lac'otilanic ta Jerusalén. Li' oy diosetic avu'unic, ja' ti la sloq'uesoxuc tal ta Egiptoe”, xut.

Nehemías 9:18

Jech noxtoc c'alal la spasic sloc'obal ch'ium tot vacax ta unijesbil taq'uine, jech laj yalic: ‘Li'i ja' dios cu'untic ti la sloq'uesutic tal ta Egiptoe’, xiic. Bats'i toj ven chopol ta jyalel li c'usi la spasique.

Salmos 106:19

Te ta vits Horeb la spasbeic sloc'obal jcot biq'uit vacax; te lic squejan sbaic ta stojol li c'usi loc'tabil ta unijesbil taq'uine.

Salmos 78:36

Pero i'epalc'opojic, ilo'lavanic xchi'uc yeic,

Éxodo 20:23

Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Éxodo 22:20

“Li boch'o ta smilbe smoton yan diosetic, ti ja' mu xac'be smoton li Muc'ul Diose, ac'o yich' milel.

Éxodo 32:4

Li Aarone laj yich' li c'anal taq'uine; laj yunijes ta c'oc'. La stunes jun cincel ja' to ti c'alal imeltsaj yu'un jcot ch'ium tot vacaxe. Jech lic yal scotolic: —Li'i ja' dios cu'untic vu'utic li israelutique, ja' ti la sloq'uesutic tal ta Egiptoe —xiic.

Éxodo 34:15

“Ja' yu'un mu me c'usi xachapan achi'uquic li cristianoetic te nacajtic ta banamile, yu'un xu' te xayic'oxuc o batel ta yich'el ta muc' li sdiosique. Jech xu' te chlic avac'beic smoton ec, xchi'uc xu' te chayic'oxuc o ta ve'el, jech te chati'beic o ec li smoton sdiosique.

Isaías 46:6

Ep boch'o tsloq'uesic c'anal taq'uin ta xvorxaic; ep boch'o tsbisic ta kilo c'u yalal li saquil taq'uinique. Ts'acal chbat spasic trato xchi'uc li jpasloc'ometique, yu'un ac'o pasbatuc jun sdiosic sventa chich' ta muc', sventa tsquejan sba ta stojol.

Jeremías 31:32

Mu xa co'oluc jech chac c'u cha'al la jchapan jchi'uc li smoltot syame'ic ta vo'one c'alal la jloq'uesic tal ta Egipto banamile. Yu'un li stuquique muc xich'ic ta muc' li c'usi la jchapan jchi'uque, ac'o me vu'un yajvalicun”, xi li Muc'ul Diose.

Levítico 17:7

Yu'un jech mu xa ja'uc chbat smilbeic smoton li pucujetic ti ja' to'ox yich'ojic ta muc' chac c'u cha'al sdiosique. Li'i ja' jun mantal chcom o ta atojolic c'alal ta avalab anich'nabic.

Deuteronomio 32:17

Ja' la smilbeic smoton li pucujetique, muc ja'uc laj yac'beic li Diose. Ja' laj yac'beic li c'usitic cuybilic ta diosetic ti mu ono'ox xotquinique, ti ach' to sliquele, ti ach' to svulele, ti mu'yuc ono'ox laj yich'ic ta muc' li stot sme'ic ta vo'onee.

Deuteronomio 9:12

Jech laj yalbun: ‘Yalan batel ta ora, yu'un li achi'iltac ti laj aloq'ues tal ta mozoil ta Egiptoe, ich'ayic xa ta be. Ta ora no'ox la scomtsanic spasel li c'usitic laj calbeic ac'o spasique, yu'un laj xa spasic jun sloc'obal sdiosic ta unijesbil taq'uinetic’, xiyutun.

Deuteronomio 9:16

Pero c'alal laj quil ti ataoj xa ep amulic ta stojol li Muc'ul Diose, ti apasojbeic xa sloc'obal jcot unin vacax ta unijesbil taq'uinetique, la jna' ti yu'un xa laj acomtsanic li lequil be yu'un Muc'ul Diose.

Josué 22:15

Jech ibatic ta Galaad yo' bu oyic li jchop liquemic ta Rubén, ta Gad xchi'uc li o'lol jchop liquemic ta Manasese. Jech c'ot yalbeic:

Jueces 2:17

Pero li israeletique muc xich'beic ta muc' sc'opic noxtoc li jchapanvanejetic yu'unique; ja' bat yich'ic o ta muc' li yantic diosetique. Ta ora no'ox la scomtsanic li lequil be bu ixanov smoltotic ta vo'one ti lec la xch'unbeic smantal Muc'ul Diose. Li stuquique muc jechuc la spasic.

Jueces 8:24

Li c'usi no'ox ta jc'anboxuque, ja' no'ox ac'bicun li nats'iletic ti laj apojic tale —xut. Li nats'iletique, pasbilic ta c'anal taq'uin; ja' tstunesic li yajcontraic la smilique, yu'un ja' jech stalelic li boch'otic te nacajtic ta xocol banamile.