Éxodo 32:7 - Bible in Tzotzil de Chenalhó with Deuterocanon

⁷ Li Muc'ul Diose jech laj yalbe li Moisese: —Yalan batel ta ora, yu'un li achi'iltac ta israelal ti laj aloq'ues tal ta Egiptoe ich'ayic xa ta be.

Bible in Tzotzil de Chamula

⁷ Ja' yu'un un, ti Diose xi laj yalbe ti Moisese: —Batan, yalan batel, yu'un ti achi'iltac ti laj aloq'ues talel ta Egiptoe, laj xa soques sbaic.

Éxodo 32:7 Iomraidhean Croise

2 Crónicas 27:2

Li Jotame lec c'usitic la spas ta stojol li Muc'ul Diose; ja' co'ol jech chac c'u cha'al la spas li stote, ja' li Uziase. Ja' no'ox muc x'och ta ch'ulna yu'un Muc'ul Dios jech chac c'u cha'al la spas li stote. Pero li israeletique te to staoj yav o tspasic li c'usitic chopole.

Salmos 78:36

Pero i'epalc'opojic, ilo'lavanic xchi'uc yeic,

Éxodo 19:24

Pero li Muc'ul Diose jech laj yal: —Yalan batel; ts'acal to xamuy tal achi'uc li Aarone. Li paleetic xchi'uc scotol li achi'iltac ta israelale mu xu' chjelovic tal ti bu senyail sventa chmuyic tal li' ta jtojole, yu'un naca me chamicuc cu'un —xi.

Éxodo 32:1

C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Éxodo 32:11

Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Éxodo 32:4

Li Aarone laj yich' li c'anal taq'uine; laj yunijes ta c'oc'. La stunes jun cincel ja' to ti c'alal imeltsaj yu'un jcot ch'ium tot vacaxe. Jech lic yal scotolic: —Li'i ja' dios cu'untic vu'utic li israelutique, ja' ti la sloq'uesutic tal ta Egiptoe —xiic.

Éxodo 33:1

Li Muc'ul Diose jech laj yalbe li Moisese: —Totsanic xa batel achi'uc li achi'iltac ti la jloq'ues tal ta Egiptoe. Batanic te ta banamil yo' bu calojbe ono'ox li Abraham, li Isaac, xchi'uc li Jacob ti chcac'be li smomnich'nabique.

Isaías 1:4

Abul abaic, jpasmulil cristianoetic, pixiloxuc ta achopolilic, sts'unubaloxuc chopol cristiano, xnich'naboxuc jmulavil. Laj acomtsanic li Muc'ul Diose; laj asa'beic sc'ac'al yo'nton li Ch'ul Dios yu'un Israele; laj ava'lupatinic comel.

Daniel 9:24

‘Ja' lajuneb xchanvinic (70) xemuna chapanbil ti jech chc'ot ta pasel ta stojol li achi'iltaque xchi'uc li ach'ul lumale, yu'un jech chich' lajesbel sc'oplal o li c'usi chopole xchi'uc li muliletic chich' pasele. Jech ch'aybil chcom o li c'usitic mu'yuc lec pasbile; ja' chlic yich' pasel o li c'usitic tuc' ti mu'yuc slajebale. Jech chc'ot o ta pasel li c'usi laj avil ta ach'ulele xchi'uc li c'usitic laj ava'ibe sc'oplale; jech ts'u'iltasbil chcom o yan velta li ch'ulnae.

Oseas 9:9

Vo'oxuc ech'em chopol labatic jech chac c'u cha'al ta yorail Gabaae. Pero li Diose mu xch'ay ta yo'nton li amulique; ta ono'ox xayac'boxuc atojic.

Deuteronomio 31:29

Yu'un ti c'alal chamenun xa'oxe, jna'oj ti ta soquic o ta j'ech'ele. Chlic scomtsanic li lequil be ti laj calbeic ac'o stamic batele. Xchi'uc jna'oj noxtoc ti ta ono'ox xtal vocoletic ta stojolic ta yan c'ac'al ta scoj ti chlic sc'ac'al yo'nton Muc'ul Dios yu'unic ta sventa li c'usitic chopol tspasique”, xi li Moisese.

Deuteronomio 32:5

“Chopol cristianoetic, bol cristianoetic, vo'oxuc ti laj avaq'uic ta na'leel li Diose, ‘mu snupin ti ja' xnich'nab Dios’, xi ac'oplalique.

Deuteronomio 4:16

Mu me xasa' amulic ta sventa li c'usi chapasique. Mu me xapasbeic sloc'obal, me vinic, o me ants.

Deuteronomio 9:12

Jech laj yalbun: ‘Yalan batel ta ora, yu'un li achi'iltac ti laj aloq'ues tal ta mozoil ta Egiptoe, ich'ayic xa ta be. Ta ora no'ox la scomtsanic spasel li c'usitic laj calbeic ac'o spasique, yu'un laj xa spasic jun sloc'obal sdiosic ta unijesbil taq'uinetic’, xiyutun.

Deuteronomio 9:8

Laj asa'beic sc'ac'al yo'nton te ta vits Horeb, jech i'ilin ta atojolic. Jutuc xa muc xayulesoxuc o.

Jueces 2:19

Pero c'alal icham li jchapanvanejetic yu'unique, lic soquicuc yan velta noxtoc. Ech'em to no'ox chopol la spasic jech chac c'u cha'al li stot sme'ic ta vo'onee. Ja' lic tunicuc yu'un li yantic diosetique; lic squejan sbaic ta stojol. Me jutuc muc scomtsanic spasel li c'usi chopole xchi'uc li xchopol talelique.