Éxodo 32:6 - Bible in Tzotzil de Chenalhó with Deuterocanon

⁶ Ta yoc'omal sob iliquic; la xchic'beic smoton, xchi'uc laj yaq'uic yantic matanaletic sventa co'ol yo'ntonic. Scotolic ichotiic; te ive'ic, i'uch'bajic, te lic spasic c'usi tsc'an sbec'talic.

Bible in Tzotzil de Chamula

⁶ Sob ta yoc'omal un, lic xchapan sbaic, lic yaq'uic chic'bil matanaletic, xchi'uc milbil matanaletic sventa ti lajesobil o'ntonale. Ts'acal to un, ti israeletique chotiic ta ve'el ta uch'ubajel. C'alal laj yo'ntonique, tey lic spasic ti c'usi xmuyubaj ta xa'iic xchi'uquique.

Éxodo 32:6 Iomraidhean Croise

Éxodo 32:5

C'alal laj yil jech li Aarone, lic spasbe jun scajleb smoton li sloc'obal ch'ium tot vacaxe. Tsots i'avan, jech laj yal: —Oc'ome ta jpastic jun q'uin ta sventa li Muc'ul Diose —xi.

Amós 2:8

Ja' la sq'ui svayabinic ta sts'el scajleb smoton sdiosic ta buyuc no'ox li c'u'il la spojic ta sventa prentaile. Li multa la sc'anic ta jech no'oxe ja' la smanic o pasem ya'lel ts'usub; te laj yuch'ic ta snail diosetic yu'unic.

Amós 8:10

Li q'uinetic avu'unique ta jc'atajes ta at-o'nton; li q'ueojetic avu'unique ta jc'atajes ta oq'uel. Ta xcac' alapic c'u'il sventa at-o'nton, xchi'uc chlic ajux ajolic ta sventa at-o'nton. Ta xcac' oc'anic jech chac c'u cha'al ch-oc' boch'o chcham xnich'on ti c'ajumal jun oy yu'une; chalajic ta ven tsatsal vocol”, xi.

Números 25:2

Ja' yu'un li tsebetique te lic yiq'uic ta sti'el smoton diosetic yu'unic. Jech li israeletique te lic sti'ic, te lic yich'ic ta muc' ec li diosetic yu'un moabetique.

1 Corintios 10:7

Mu me xavich'ic ta muc' c'usitic cuybilic ta dios jech chac c'u cha'al oy jech la spasique. Yu'un jech ts'ibabil sc'oplalic ta sc'op Dios: “Scotolic ichotiic, te ive'ic, i'uch'bajic; te lic spasic c'usi tsc'an yo'ntonic”, xi ts'ibabil.

Apocalipsis 11:10

Li jnaclumetic ta banamile xcuxet no'ox yo'ntonic, stse'inic no'ox ti c'alal chilic ichamic xae. Jech ta xac'anbe sba smoton jujunic. Yu'un c'alal cuxulic to'oxe, ja' laj yac'beic ep svocol li jnaclumetic ta banamile.