Éxodo 32:5 - Bible in Tzotzil de Chenalhó with Deuterocanon

⁵ C'alal laj yil jech li Aarone, lic spasbe jun scajleb smoton li sloc'obal ch'ium tot vacaxe. Tsots i'avan, jech laj yal: —Oc'ome ta jpastic jun q'uin ta sventa li Muc'ul Diose —xi.

Bible in Tzotzil de Chamula

⁵ C'alal jech laj yil ti Aarón taje, tey laj smeltsan jun altar ta yeloval ti loc'tabil ch'in tot vacaxe. Va'i un, xi lic avanuque: —Oc'om ta jpastic q'uin sventa yich'el ta muc' ti Diose.

Éxodo 32:5 Iomraidhean Croise

1 Reyes 21:9

Jech laj yal batel ta carta: “Alic mantal ti ac'o yich' ictael ixime. Va'anic ta stojol scotol achi'iltaquic li Nabote.

2 Reyes 10:20

Jech te lic yal mantal ti ac'o spasic junuc muc'ta q'uin ta sventa li Baale, jech la spasic.

2 Reyes 16:11

Li pale Uriase lic spas li scajleb smoton Dios jech chac c'u cha'al i'albat batel yu'un li ajvalil te ta Damascoe. Meltsajem xa'ox yu'un ti c'alal mu'yuc to'ox tsut tal ta Damasco li ajvalil Acaze.

2 Crónicas 30:5

jech la xchapanic ti ac'o batuc mantal ta scotol li israeletique. Te la sliquesic ta Beerseba c'alal to ta Dan, yu'un ac'o tal spasic q'uin Coltael yu'un Muc'ul Dios scotolic te ta lum Jerusalén. Yu'un ep xa jabil mu'yuc bu spasojic o jech chac c'u cha'al ts'ibabil ono'ox ti tsc'an ac'o spasilanique.

Éxodo 10:9

Itac'ov li Moisese: —Chibat jcotolcutic c'alal ta ololetic cu'uncutic, c'alal ta mol me'eletic, c'alal ta queremetic tsebetic, xchi'uc c'alal ta jchijcutic, ta jvacaxcutic, yu'un ja' jun muc'ta q'uin ta sventa Muc'ul Dios chbat jpascutic —xut.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 17:15

Li Moisese la spas jun scajleb smoton Dios. “Li Muc'ul Diose ja' bandera cu'un”, xi sbi laj yac'be.

Éxodo 32:4

Li Aarone laj yich' li c'anal taq'uine; laj yunijes ta c'oc'. La stunes jun cincel ja' to ti c'alal imeltsaj yu'un jcot ch'ium tot vacaxe. Jech lic yal scotolic: —Li'i ja' dios cu'untic vu'utic li israelutique, ja' ti la sloq'uesutic tal ta Egiptoe —xiic.

Éxodo 32:6

Ta yoc'omal sob iliquic; la xchic'beic smoton, xchi'uc laj yaq'uic yantic matanaletic sventa co'ol yo'ntonic. Scotolic ichotiic; te ive'ic, i'uch'bajic, te lic spasic c'usi tsc'an sbec'talic.

Oseas 8:11

“Li Efraine la spas ep scajleb matanaletic sventa chch'ay smul, pero ja' no'ox itun ta sventa la sta smul o.

Oseas 8:14

Li Israele la spas muc'tic pasubmantaletic; ich'ay ta yo'nton li Jpasvanej yu'une. Li Judae la spas ep lumetic setbilic lec ta coralton, pero vu'un ta xcac'be sc'ac'al li lumetic yu'une, jech ta xc'ac' o li spasubmantal ajvaliletique”, xi li Diose.

Levítico 23:2

“Jech xavalbe scotol li achi'iltac ta israelale: Li otoletic xchi'uc li c'ac'aletic ti voc'bil chcom o ta jventa, ja' li ch'ul tsobajeletic sbi chcom avu'unique, ja' li'i:

Levítico 23:21

“Li jun c'ac'al le'e tsc'an chapasic jun ch'ul tsobajel sventa chavich'icun ta muc'. Mu me boch'o spas jchopuc tsatsal abtel. Li'i ja' jun mantal chcom o ta atojolic c'alal ta avalab anich'nabic ti buyuc no'ox nacaloxuque.

Levítico 23:37

“Ja' jech li sc'ac'alil q'uinetic ti tsots sc'oplal tsc'an chapasic ta jventae, xchi'uc ti tsc'an ja'o te chapasic jun ch'ul tsobajel sventa chavich'icun ta muq'ue, xchi'uc ti tsc'an te chachic'bicun, chamilbicun jmotone. Xchi'uc ja'o tsc'an te chavich'bicun tal jmotonin li ya'lel ats'usubique, ja' ti c'u x'elan tsc'an aq'uel jujun c'ac'al ta jujuchope.

Levítico 23:4

“Li c'usitic ora tsc'an chapasic jun ch'ul tsobajel, o jun q'uin sventa chavich'icun ta muc, ti persa tsc'an chatsob abaic c'alal me la sta sc'ac'alile, ja' li'i:

1 Corintios 5:8

Ja' yu'un ja' ac'o jpastic li q'uin Coltael ti ma'uc ta jtunestic li pan ti yich'oj li poco' svolesubil xch'ute, ja' li mulile, li c'usitic chopole. Ja' ac'o jtunestic li pan ti ta melel mu'yuc xa yich'oj svolesubil xch'ute, ja' li c'usitic leque, li c'usitic melele.

1 Samuel 14:35

Li Saule te lic slats jun scajleb smoton Muc'ul Dios. Ja' sba scajleb smoton Muc'ul Dios la spas li Saule.