Éxodo 32:4 - Bible in Tzotzil de Chenalhó with Deuterocanon

⁴ Li Aarone laj yich' li c'anal taq'uine; laj yunijes ta c'oc'. La stunes jun cincel ja' to ti c'alal imeltsaj yu'un jcot ch'ium tot vacaxe. Jech lic yal scotolic: —Li'i ja' dios cu'untic vu'utic li israelutique, ja' ti la sloq'uesutic tal ta Egiptoe —xiic.

Bible in Tzotzil de Chamula

⁴ Va'i un, och ta yoc ta sc'ob, jech tey laj yac' ta ulesel ti oroe. Lic abtejuc ta yanel ta jun yanobil ja' to ti c'uxi joybij lec yu'un ta sloc'obbail jcot ch'in tot vacaxe. Jech o xal un, scotolic xi lic yalique: —Israel, ti li'e, ja' ti dios ti laj sloq'uesot talel ta Egiptoe.

Éxodo 32:4 Iomraidhean Croise

1 Reyes 12:28

C'alal laj xa'ox snopilan c'usi xu' tspas, te lic spas cha'cot sloc'obal ch'ium tot vacaxetic, jech laj yalbe li israeletique: “Jchi'iltac, toj ep xa ta velta lac'otilanic ta Jerusalén. Li' oy diosetic avu'unic, ja' ti la sloq'uesoxuc tal ta Egiptoe”, xut.

1 Reyes 12:32

Jech lic spas jun muc'ta q'uin ta yo'lajunebal c'ac'al yochel li xvaxquibal u jech chac c'u cha'al yorail muc'ta q'uin yu'unic te ta Judae. Li Jeroboame ja' stuc laj yac' milbil matanal te ta scajleb li matanale. Ja' jech la spas noxtoc te ta Betel. La smilbe smoton li sloc'obal ch'ium tot vacaxetic la spase, xchi'uc la st'uj paleetic yu'unic sventa te ch-abtej ta snail li diosetic yu'unique.

2 Reyes 10:20

Jech te lic yal mantal ti ac'o spasic junuc muc'ta q'uin ta sventa li Baale, jech la spasic.

2 Reyes 10:29

Ac'o me jech la spas li Jehue, pero co'ol ono'ox la spas jech chac c'u cha'al la spas li Jeroboam, xnich'on Nabat ti laj yac'be sa' smul li israeletique, yu'un laj ono'ox yich' ta muc' li sloc'obal ch'ium tot vacaxetic pasbilic ta c'anal taq'uin te oy ta Betel xchi'uc ta Dane.

2 Crónicas 11:15

Yu'un sa'oj xa'ox paleetic yu'un stuc ta sventa li c'opojebaletic ta toyol vitsetique, ta sventa chich'ic ta muc' li pucujetique, xchi'uc ta sventa li sloc'obal tot vacaxetic smeltsanoje.

2 Crónicas 13:8

Ja' yu'un li' ta orae chac'an chacontrainic li abtel sventa ajvalilal ti ja' ac'bil comel ta sc'ob yu'un Muc'ul Dios li David xchi'uc yalab xnich'nabe. Ja' apatoj avo'ntonic ti epoxuque, xchi'uc ti te achi'uquic li sloc'obal tot vacaxetic pasbil ta c'anal taq'uin yu'un Jeroboam ti ja' laj yac'boxuc adiosinique.

Nehemías 9:18

Jech noxtoc c'alal la spasic sloc'obal ch'ium tot vacax ta unijesbil taq'uine, jech laj yalic: ‘Li'i ja' dios cu'untic ti la sloq'uesutic tal ta Egiptoe’, xiic. Bats'i toj ven chopol ta jyalel li c'usi la spasique.

Éxodo 20:2

“Vu'un Muc'ul Diosun avu'unic. Vu'un la jloq'uesoxuc tal ta Egipto ti bu to'ox tiq'uiloxuc ta mozoile.

Éxodo 20:23

Mu me xapas adiosic ta c'anal taq'uin, o me ta saquil taq'uin yu'un chavich'ic ta muc' jech chac c'u cha'al vu'un.

Éxodo 20:4

“Mu me xapas yan adiosic. Mu me xapas ta adiosic li c'usitic oy ta vinajel, ta banamile, xchi'uc ta nabetique.

Éxodo 28:11

Li biiletic chich' pasel ta tone ja' ac'o spas li boch'o ja' yabtel yajanel lequil tonetique. Ja' jech ac'o snabanan jech chac c'u cha'al jun sello. Ac'o yac'be snacleb ta c'anal taq'uin xcha'bejal li tone.

Éxodo 28:9

“Tsaco cha'bejuc ónice ton. Ja' te xats'ibabe sbiic li xnich'nab Israele.

Éxodo 32:1

C'alal laj yil israeletic ti ijalij ta vits li Moisese, la stsob sbaic tal ta stojol li Aarone, jech laj yalbeic: —Pasbun jdioscutic yu'un ja' ba'yucbe chbat cu'uncutic. Yu'un li Moisés ti la sloq'uesuncutic tal ta Egiptoe, mu jna'tic c'usi la spas ti yoquel to mu'yuc ta sut tale —xutic.

Éxodo 32:24

Jech la jtac'beic: ‘Li boch'o oy c'anal taq'uin yu'une ich'bicun tal’, xcutic. Jech laj yich'bicun tal. La jtic' ta c'oc', ta jech no'ox ipas ta sloc'obal li ch'ium tot vacax li'i —xut.

Éxodo 32:3

Ja' yu'un scotol israeletic la sloq'uesic tal li taq'uinal chiquiniletic pasbilic ta c'anal taq'uin ti xojajtic ta xchiquinique; laj yac'beic li Aarone.

Éxodo 32:35

Li Muc'ul Diose la stac tal tsatsal chamel ta stojol li israeletic ta sventa ti ja' laj yich'ic ta muc' li sloc'obal ch'ium tot vacax la spas Aarone.

Éxodo 32:5

C'alal laj yil jech li Aarone, lic spasbe jun scajleb smoton li sloc'obal ch'ium tot vacaxe. Tsots i'avan, jech laj yal: —Oc'ome ta jpastic jun q'uin ta sventa li Muc'ul Diose —xi.

Éxodo 32:7

Li Muc'ul Diose jech laj yalbe li Moisese: —Yalan batel ta ora, yu'un li achi'iltac ta israelal ti laj aloq'ues tal ta Egiptoe ich'ayic xa ta be.

Éxodo 32:8

Yu'un ta ora no'ox la scomtsanic li lequil be ti caloj ja' tstamic batele. Laj xa spasic jun sloc'obal ch'ium tot vacax ta unijesbil c'anal taq'uin. Ja' xa chich'ic ta muc', chchic'beic smoton, jech chalic: ‘Israeletic, li'i ja' dios cu'untic ti la sloq'uesutic tal ta Egiptoe’, xiic —xut.

Isaías 30:22

Jech chlic abajic o li sloc'obal adiosic apasojic ta saquil taq'uine xchi'uc li bic'tal loc'ometic apasojic ta c'anal taq'uine; chajipic o batel jech chac c'u cha'al li c'usi toj i'lal sbae.

Isaías 46:6

Ep boch'o tsloq'uesic c'anal taq'uin ta xvorxaic; ep boch'o tsbisic ta kilo c'u yalal li saquil taq'uinique. Ts'acal chbat spasic trato xchi'uc li jpasloc'ometique, yu'un ac'o pasbatuc jun sdiosic sventa chich' ta muc', sventa tsquejan sba ta stojol.

Ezequiel 23:8

Muc scomtsan li mulivajel ti laj ono'ox spas te ta Egiptoe, yu'un ta stsebal ono'ox laj yac' sba. Lec laj yac' ta c'upinel li xchu'e; solel laj yac' sbec'tal o ta mulivajel.

Oseas 10:5

Li jnaclumetic ta Samariae ta xniquic ta xi'el ta scoj c'usi chc'ot ta pasel ta stojol li sloc'obal ch'ium tot vacax ta Bet-avene. Scotol jteclum xchi'uc paleetic ta xoc'taic, yu'un ich'ay xa o batel li slequilal yutsilale.

Oseas 13:2

¡Ja' jech yoquel tsa' smul o c'alal to tana! Chunijesic li saquil taq'uin yu'unique; tspasic o loc'ometic sventa tscuy ta sdiosic. Li boch'o lec sna' spasele ja' jech ta spas ti c'u x'elan tsc'an yo'ntone. Ts'acal chlic yalbe xchi'iltac ti ac'o smilbeic smotone, ti ac'o sts'uts'ic li sloc'obal vacax spasojique.

Hechos 17:29

Ta melel xnich'nabutic li Diose, jech mu xu' ta jnoptic ti ja' Jch'ultotic li c'usitic pasbil ta c'anal taq'uin, ta saquil taq'uin, xchi'uc li c'usitic pasbil ta tone. Yu'un le'e yabtel no'ox cristiano; la snop no'ox stuquic ti jech la spasique.

Hechos 7:41

Jech lic spasic sloc'obal jcot ch'ium tot vacax. Lic smilbeic smoton li sloc'obal sdiosique. La spasbeic lec sq'uinal li c'usi pasbil ta sc'obique.

1 Corintios 10:7

Mu me xavich'ic ta muc' c'usitic cuybilic ta dios jech chac c'u cha'al oy jech la spasique. Yu'un jech ts'ibabil sc'oplalic ta sc'op Dios: “Scotolic ichotiic, te ive'ic, i'uch'bajic; te lic spasic c'usi tsc'an yo'ntonic”, xi ts'ibabil.

Deuteronomio 9:16

Pero c'alal laj quil ti ataoj xa ep amulic ta stojol li Muc'ul Diose, ti apasojbeic xa sloc'obal jcot unin vacax ta unijesbil taq'uinetique, la jna' ti yu'un xa laj acomtsanic li lequil be yu'un Muc'ul Diose.

Jueces 8:24

Li c'usi no'ox ta jc'anboxuque, ja' no'ox ac'bicun li nats'iletic ti laj apojic tale —xut. Li nats'iletique, pasbilic ta c'anal taq'uin; ja' tstunesic li yajcontraic la smilique, yu'un ja' jech stalelic li boch'otic te nacajtic ta xocol banamile.

Jueces 8:27

Li Gedeone ja' lic spas o jun efod. Te la snac' ta Ofra, ta slumal. Li israeletique ja' lic yich'ic ta muc' li efode, jech ic'ataj ta svocolic te ta sjunul sna li Gedeone.