Éxodo 32:34 - Bible in Tzotzil de Chenalhó with Deuterocanon

³⁴ Ja' lec batan xa; ic'o batel li achi'iltac yo' bu calojbote. Ja' ta stojobtasot batel li j'almantal cu'une. C'alal tsta yoraile, vu'un chcac'be stojol li smulique —xi.

Bible in Tzotzil de Chamula

³⁴ Ja' yu'un un, batan, ic'o batel ti jteclum ti bu calojbote. Yu'un ti caj'ánjele, ja' j'ic'vanej ta xbat avu'un. C'alal ta sta sc'ac'alil ti castigoe, ta xcac'be stoj ti smulique.

Éxodo 32:34 Iomraidhean Croise

Salmos 99:8

Muc'ul Dios, vo'ot li Diosot cu'uncutique, laj atac'be li sc'opique; vo'ot Diosot yu'unic ti toj ep ts'icumal avu'une, xchi'uc vo'ot laj avac'be stoj smulic noxtoc.

Éxodo 15:17

Muc'ul Dios, Ic'uncutic batel ta naclej te ta ch'ul vitsetic avu'un, ja' ti bu t'ujbil avu'un sventa te chinaquicutique, ja' li lequil na ti pasbil ono'ox avu'une.

Éxodo 20:5

Mu me xaquejan abaic ta stojol; mu me xavich'ic ta muc'. Yu'un vu'un jtuc Muc'ul Diosun avu'unic, vu'un Diosun ti toj it'ix co'nton me yan c'usi chavich'ic ta muq'ue. Li boch'o mu xiyich'un ta muq'ue ta xcac'be xcuch smulic c'alal to xchanc'olal smomnich'nabic.

Éxodo 23:20

“A'yo ava'yic, ta jtac tal ta atojolic caj'almantal, yu'un ja' chaxchi'inoxuc batel ta be; ja' chayic'oxuc batel ti bu chapanbil avavilic cu'une.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 33:12

Li Moisese jech laj yalbe li Muc'ul Diose: —Q'uelavil, laj avalbun ti vu'un ta xquic' batel li jchi'iltaque, pero mu'yuc xavalbun ca'ay boch'o chavac' jchi'in batel. Jech noxtoc avaloj ti apatoj avo'nton cu'une, xchi'uc ti lec chavilune.

Éxodo 33:2

Ta jtacbot tal j'almantal cu'un yu'un ja' chastojobtasot batel. Vu'un ta jnuts loq'uel te ta banamil li canaanetique, li amorretique, li hetetique, li ferezetique, li hevetique, xchi'uc li jebusetique.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Jeremías 14:10

Li Muc'ul Diose jech chal ta sventa li israeletique: “Li jun lum li'i ja' no'ox lec cha'yic ti buyuc no'ox xloc' x'ech'ique; me jutuc mu'yuc bu chcuxic o, Jech mu'yuc lec chquilic ti jech tspasique. Li' ta orae ta jvules ta co'nton li c'usi chopol spasojique; ta xcac'be stoj smulic”, xi li Muc'ul Diose.

Jeremías 23:2

Ja' yu'un li Muc'ul Diose, ja' li Dios yu'un Israele, jech chal ta sventa li jchabichijetic ti ja' chchabibeic steclumale: “Vo'oxuc laj apuquic batel li jchijtaque; vo'oxuc laj asibtasic batel, yu'un muc xachabiic lec. Ja' yu'un ta xcac'boxuc atoj amulic ta scoj ti chopol avabtelique. Jech chcal vu'un li Muc'ul Diosune.

Jeremías 5:29

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stojic ti jech tspasic li cristianoetic le'e?, xichi vu'un li Muc'ul Diosune.

Jeremías 5:9

¿Me mu'yuc ta xcac'be stoj smulic ti jech tspasique? ¿Me mu'yuc ta xcac'be stoj li jun banamil ti jech tspase?

Oseas 8:13

Lec xa'yic yaq'uel li milbil matanale xchi'uc sti'bel li sbec'tale, pero mu'yuc lec chquil li c'usi tspasique. Mu xch'ay ta co'nton li c'usi chopol tspasique. Ta xcac'be stoj li smulique, jech ta sutic batel ta Egipto banamil.

Amós 3:14

C'alal tsta sc'ac'alil ta xcac'be stoj li stoyobbail Israele, ta jines noxtoc li scajleb matanal te ta Betele; ta jc'asbe yalel ta banamil li xulubtac scajleb matanale.

Amós 3:2

“Vo'oxuc no'ox atuquic la jt'ujoxuc ta scotol li yantic lum ta banamile. Ja' yu'un persa ta jchapanoxuc ta sventa li c'usitic chopol apasojique”, xi.

Números 20:16

Jech te lic jc'anbecutic vocol li Muc'ul Diose. Laj ya'ibun li jc'opcutique. Jech la stac tal yaj'almantal; tal sloq'uesuncutic ta Egipto. Li' ta orae li' xa oyuncutic ta nopol sts'aquil avosilal ta lum Cades.

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.