Éxodo 32:21 - Bible in Tzotzil de Chenalhó with Deuterocanon

²¹ Li Moisese jech laj yalbe li Aarone: —¿C'usi la spasbot li jchi'iltactic li'i ti laj avac'be spasic tsatsal mulile? —xut.

Bible in Tzotzil de Chamula

²¹ Xi laj yalbe xtoc ti Aarone: —¿C'usi laj yutot ti laj ata tsalel yu'un ti jteclum li'e, ti c'ot xa ta pasel avu'un ti tsots mulile?

Éxodo 32:21 Iomraidhean Croise

Génesis 20:9

Li Abimeleque la stac ta iq'uel li Abrahame, jech laj yalbe: —Q'uelavil li c'usi laj apasbuncutique. ¿C'usi chopol la jpasbot ti tal avac'bun tsatsal mulil ta jtojol jchi'uc li boch'otic oy cu'une? Solel mu stac' pasel li c'usi laj apasbune.

Génesis 26:10

Li Abimeleque jech laj yalbe: —¿C'u yu'un ti jech laj apasbuncutique? Yu'un oy viniquetic li' ta lum ti c'an xa yiq'uic li avajnile. Laj xa jta jmulcutic avu'un ti jechuque —xut.

1 Reyes 14:16

Li Muc'ul Diose ta to xac' ta c'abal israeletic ta scoj smul li Jeroboame yu'un ep la sa' smul, xchi'uc laj yac'be sa' smulic ec li israeletique —xut.

1 Reyes 21:22

Ja' jech ta jpas ta stojol avalab anich'nab jech chac c'u cha'al la jpasbe li Jeroboam, xnich'on Nabate, xchi'uc li Baasa, xnich'on Ahías, ta sventa ti la sa'bicun sc'ac'al co'ntone yu'un laj yac'be sa' smulic li israeletique’, xayutot li Muc'ul Diose.

Éxodo 32:20

Lic stsac noxtoc li sloc'obal ch'ium tot vacaxe; la stic' ta c'oc'. Biq'uitic la slilin; ipas ta pucuc yu'un. La stani ochel ta vo'; ja' laj yac'be slup yuch'ic li israeletique.

Éxodo 32:22

Itac'ov li Aarone: —Quits'in, mu xa'ilin ta jtojol. Li jchi'iltactique xana' ono'ox ti ja' tsc'an tspasic li c'usitic chopole.

1 Samuel 15:14

Itac'ov li Samuele: —Pero ¿c'u yu'un laj ca'ay ti oy chijetic, vacaxetic xme'te-me'teique? —xut.

1 Samuel 26:19

Avocoluc a'ibun jc'op vu'un ti chitun avu'une: Me ja' Muc'ul Dios jech tsc'an ti chacontrainune, ac'o stsacboxuc li smoton chavac'beique. Pero me ja' no'ox jech tsc'an yo'nton cristianoe, ac'o ac'batuc stoj yu'un Muc'ul Dios. Yu'un laj xa anutsicun loq'uel, yu'un jech mu me xquich' li osil yac'oj Muc'ul Diose. Laj anet'icun loq'uel, yu'un chac'anic ti ac'o bat quich' ta muc' li c'usi mu ja'uc Diose.