Éxodo 32:14 - Bible in Tzotzil de Chenalhó with Deuterocanon

¹⁴ Ja' yu'un li Muc'ul Diose te lic yal ti mu'yuc ta smil scotol li jteclum yu'une.

Bible in Tzotzil de Chamula

¹⁴ Jech ti Diose laj xch'ay ta yo'nton ti jech snopoj xa ox ti ta xch'aybe sts'unubal ti yalab xnich'nabe.

Éxodo 32:14 Iomraidhean Croise

Génesis 6:6

Li Muc'ul Diose toj vocol laj ya'ay, yu'un altic no'ox la spas cristianoetic ta sba banamil.

2 Samuel 24:16

C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Arauna jebuseo vinique.

1 Crónicas 21:15

Li Muc'ul Diose la stac batel yaj'almantal yu'un ac'o yules li Jerusalene. C'alal ja'o yochel yulesele, li Muc'ul Diose toj abul sba laj yil, jech lic c'uxubajuc ta yo'nton. Jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Ornán jebuseo vinique.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Éxodo 33:13

Ja' yu'un me ta melel lec chavilune, albun ca'ay scotol li c'usitic chapanbil avu'une yu'un jech ta jpat co'nton ta atojol. Jech ta jna' ti lec chavilune. Na'o me ava'ay, li jchi'iltaque ja' ateclumal —xi li Moisese.

Jeremías 18:8

Pero me ta sutes yo'nton yu'un smulique, mu'yuc ta xcac'be tal li c'usi chopol jnopoj chcac'bee.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 26:19

“Li ajvalil Ezequías xchi'uc scotol li jchi'iltactic ta Judae ¿me yu'un la smilic ec li Miquease? ¿Me muc ja'uc no'ox lic xi'icuc yu'un li Muc'ul Diose? ¿Me muc ja'uc no'ox lic sc'anbeic vocol ti ac'o c'uxubinaticuque, jech muc x'ac'batic o li svocolic ti sc'oplal ox chich'ique? ¿Li vu'utique me xu' ta jpastic li c'usi toj chopol ti xu' chc'ot ta cac'oltique?

Joel 2:13

Ja' li'o li avo'ntonique; mu ja'uc xali' li ac'u'ique. Suteso avo'ntonic ta stojol li Muc'ul Dios avu'unique, yu'un li stuque toj lec yo'nton, ja' jc'uxubinvanej. Toj vocol chlic sc'ac'al yo'nton, ja' toj muc' li c'uxubinel yu'une; toj vocol cha'ay ti chac' stojol mulile.

Amós 7:3

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel jech —xi.

Amós 7:6

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel —xi li Cajvaltic Diose.

Jonás 3:10

C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Números 14:20

Li Muc'ul Diose jech la stac': —Lec oy, ta jch'aybe ta co'nton smulic jech chac c'u cha'al chac'ane.

Deuteronomio 10:10

“Li vu'une cha'vinic (40) c'ac'al, cha'vinic (40) ac'ubal te oyun ta jot vits jech chac c'u cha'al ta sba veltae. Li Muc'ul Diose laj ya'ibun yan velta li jc'ope, jech muc xayulesoxuc li vo'oxuque.

Deuteronomio 32:26

La jnop ox ti ta jpuquic batel ta buyuc no'oxe, xchi'uc ta jtu'pbe ox sc'oplalic ta banamil.

Deuteronomio 32:36

“Li Muc'ul Diose ta xlic spoj li steclumal c'alal chil mu xa xu' yu'unique. Li Muc'ul Diose ta xc'uxubaj ta yo'nton li yajtuneltac c'alal chil ti chlaj xa li boch'o mu'yuc stsatsalique xchi'uc li boch'o oy stsatsalique.

Jueces 2:18

C'alal la sva'an jchapanvanej jujun velta li Muc'ul Diose, lec ibat li yabtelique yu'un la scolta. Ti jayib c'ac'al cuxul li jchapanvanejetique, icolic loq'uel ta sc'ob yajcontraic li israeletique. Yu'un li Muc'ul Diose laj ya'ay ti ep x'ayetic ta scoj li tsots vocol xchi'uc uts'intaele, jech ic'uxubaj ta yo'nton.

1 Samuel 15:11

—Manchuc cani ja' la jtic' ta ajvalil li Saule yu'un la svoc' sba ta jtojol; muc xch'un li c'usitic laj calbee —xut. Li Samuele toj tsots laj ya'ay, jech sbejel ac'ubal la sc'anbe vocol li Muc'ul Diose.