Éxodo 32:12 - Bible in Tzotzil de Chenalhó with Deuterocanon

¹² ¿Me yu'un ja' chac'an ti jech chlic yalic li egiptoetique?: ‘Ti jech la sloq'ues batel li jteclum yu'un Diose, yu'un chopol c'usi snopoj. Yu'un tsc'an tsmil te ta vitsetic, yu'un jech tstu'pbe o sts'unubalic li' ta banamil’, xu' xiic. Ja' lec mu xa xa'ilin. Mu xanop ti chamil li jteclum avu'une.

Bible in Tzotzil de Chamula

¹² ¿C'u cha'al un, mi yu'un tey xa no'ox aq'ueloj aba ti xi ta xalic ti egicioetique: “Ti Diose, ma'uc ta slequilal yo'nton laj sloq'ues batel, ja' no'ox ba yac' chamuc ta vitstic yo' jech ta xch'ay ti sts'unubalic li' ta banomile”? Ja' lec lamajuc xa ti sc'ac'al avo'ntone. Ch'ayo xa ta ajol ta avo'nton ti anopoj ti j'ech'el ta xatubbe sc'oplal ti ateclumale.

Éxodo 32:12 Iomraidhean Croise

Génesis 6:6

Li Muc'ul Diose toj vocol laj ya'ay, yu'un altic no'ox la spas cristianoetic ta sba banamil.

1 Reyes 8:51

Yu'un ja' ateclumal. Vo'ot aventainoj; vo'ot laj aloq'ues tal ta svocolic ta Egipto ti xco'laj xchi'uc horno yunijesbil taq'uinetique.

Esdras 10:14

Ja' lec ja' xa no'ox ac'o comicuc ta jq'uexolcutic li banquilaletic cu'uncutique. Li boch'otic te nacajtic ta lumetic cu'uncutic ti yic'anojic li yanlum antsetique ac'o yich' sa'bel sc'ac'alil li c'usi ora chtalique. Xu' chchi'inic tal li j'abteletic xchi'uc li jchapanvanejetic cu'uncutique, ja' to me ilaj sc'ac'al yo'nton ta jtojoltic li Diose —xiic.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Salmos 74:18

Muc'ul Dios, na'o me ti chasna'leicot li jcontrainvanejetique; ta xchopolc'opojic ta atojol li bol cristianoetique.

Salmos 78:38

Pero li Diose ja' jc'uxubinvanej o, jech ipasbatic perdón li smulique; muc j'ech'eluc x'ulesatic o. Li Diose ep velta la sts'ic li sc'ac'al yo'ntone; muc j'ech'eluc x'ilin o ta stojolic.

Salmos 85:3

Laj ajip loq'uel scotol li sc'ac'al avo'ntone; laj aten batel li soquemal ajole.

Salmos 90:13

Muc'ul Dios, la' me sutan tal ta jtojolcutic, ¿Me chajalij to ep c'ac'al? La' c'uxubino li avajtuneltac li'i.

Éxodo 32:14

Ja' yu'un li Muc'ul Diose te lic yal ti mu'yuc ta smil scotol li jteclum yu'une.

Éxodo 33:13

Ja' yu'un me ta melel lec chavilune, albun ca'ay scotol li c'usitic chapanbil avu'une yu'un jech ta jpat co'nton ta atojol. Jech ta jna' ti lec chavilune. Na'o me ava'ay, li jchi'iltaque ja' ateclumal —xi li Moisese.

Isaías 64:7

Me junuc mu'yuc boch'o tsc'an vocol ta atojol; mu'yuc boch'o chac' persa tsa' li coltael avu'une. Ja' yu'un laj anac' asat ta jtojolcutic; ja' laj avac' yu'uninuncutic o li jchopolilcutique.

Isaías 64:8

Muc'ul Dios, vo'ot no'ox jtototcutic; li vu'uncutique patbiluncutic no'ox ta lum. Ja' vo'ot laj apatuncutic; vo'ot yabteluncutic ac'ob jcotolcutic.

Jeremías 28:16

Ja' yu'un li Muc'ul Diose jech chayalbot: ‘A'yo ava'ay, ta jloq'uesot li' ta sba banamile. Li jabil li'i ta xacham, yu'un li c'usi laj avale ja' no'ox sventa laj acontrainun vu'un li Muc'ul Diosune’, xayutot —xcut.

Ezequiel 20:14

Pero ja' la jpas li c'usi sventa chi'ich'at ta muq'ue, yu'un jech mu me soc jc'oplal ta stojol li yantic banamil ti laj yilic c'u x'elan la jloq'uesic tale.

Ezequiel 20:22

Pero la jpajes jba ta sventa ac'o ich'atcun ta muc', yu'un jech mu me soc batel jc'oplal ta stojol li yantic banamil ti laj yilic ti vu'un la jloq'uesic tale.

Ezequiel 20:9

Pero ja' la jpas li c'usi sventa chi'ich'at ta muq'ue, yu'un jech mu me soc batel jc'oplal ta yantic banamil ti bu nacalique, yu'un ya'yojic scotolic ti caloj ta jloq'uesic tal ta Egiptoe.

Joel 2:17

Ac'o oq'uicuc te ta yochebal ch'ulna li paleetique; ac'o oq'uicuc te ta sts'el scajleb matanal li yajtuneltac Diose. Jech ac'o yalic: “Muc'ul Dios, pasbo perdón li ateclumale, mu me xavac' lajicuc ta labanel li ateclumale; mu me xavac' lajicuc ta tsalel yu'un li yantic banamile. Mu me xavac' jech chalic li yanlum cristianoetique: ‘¿Bu oy li Dios yu'unique?’, mu me xiuc jc'oplalcutic yu'unic”, ac'o xiicuc.

Amós 7:3

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel jech —xi.

Amós 7:6

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel —xi li Cajvaltic Diose.

Jonás 3:9

Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.

Zacarías 8:14

Jech chal noxtoc li Muc'ul Dios ti tspas ta mantal scotol te ta vinajele: “Jech chac c'u cha'al la jnop ti chopol c'usi la jpasbe li amoltot ayame'ic ti c'alal la sa'bicun sc'ac'al co'ntone, laj ono'ox jpas.

Números 14:19

Pero ta sventa ti toj ep slequil avo'ntone, pasbo perdón yu'un smulic li jchi'iltac li'i, yu'un lic ono'ox ats'icbe tal c'u x'elan stalelic te ta Egipto xchi'uc c'alal to li' yo' bu oyuncutique —xi li Moisese.

Números 16:21

—Voc'o abaic loq'uel ta stojol li achi'iltaquique yu'un ta xculesic scotolic ta ora no'ox —x'utatic. 6

Deuteronomio 13:17

“Me jutuc mu me xavich'ic comel li c'usi albil sc'oplal chich' ulesel oe, yu'un jech mu x'ilin ta atojolic li Muc'ul Diose. Jech c'uxoxuc o ta yo'nton, xchi'uc jech chac' bolanic jech chac c'u cha'al yalojbe ono'ox li jmoltot jyame'tic ta vo'onee.

Deuteronomio 32:36

“Li Muc'ul Diose ta xlic spoj li steclumal c'alal chil mu xa xu' yu'unique. Li Muc'ul Diose ta xc'uxubaj ta yo'nton li yajtuneltac c'alal chil ti chlaj xa li boch'o mu'yuc stsatsalique xchi'uc li boch'o oy stsatsalique.

Deuteronomio 9:28

Yu'un jech mu xliquic ta lo'il li egiptoetic ti bu laj aloq'uesic tale: Li Muc'ul Dios yu'unique muc xu' yu'un laj yac' ochuc ta banamil ti bu sc'oplal chac'bee. Yu'un chopol yo'nton ta stojolic, jech yu'un la sloq'ues batel li' ta Egipto sventa bat yac' chamicuc te ta xocol banamil, mu xiicuc.

Josué 7:26

Ja'o te lic slatsic ep ton; te to oy o c'alal to tana. Ja' yu'un li banamil tee stenlejaltic yu'un Acor xi sbi c'alal to tana. Ja' to jech ilecub o yo'nton Muc'ul Dios ta stojol li israeletique.

Josué 7:9

Me laj ya'yic scotol li canaanetic li'i xchi'uc li yan jnaclumetic li' ta banamile, xu' ta xtal yulesuncutic o jcotolcutic. J'ech'el chtu'p o jc'oplalcutic li' ta banamil. ¿C'usi chc'ot ta pasel ta sventa ti vinajem ac'oplal ech'em amuc'ule? —xut.

1 Samuel 12:22

Yu'un li Muc'ul Diose mu'yuc chascomtsanoxuc o sventa ac'o ich'atuc ta muc'. Yu'un tsc'an ti vo'oxuc steclumaloxuc chac'otic oe.