Éxodo 32:11 - Bible in Tzotzil de Chenalhó with Deuterocanon

¹¹ Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Bible in Tzotzil de Chamula

¹¹ Manchuc mi jech albat un, ti Moisese xi lic vulvunuc ta slamajesbel yo'nton ti Ajvalil ti ja' Dios yu'une: —Cajval, ¿c'u cha'al ta xlic sc'ac'al avo'nton yu'un ti anich'nabe, ti c'alal vo'ot atuc laj alaman c'otel amuc'ul atsatsal ti c'alal laj aloq'ues talel ta Egiptoe?

Éxodo 32:11 Iomraidhean Croise

Génesis 18:27

Li Abrahame jech laj yal yan velta: —Cajval cu'un, mu me chopoluc xava'ay ti li' no'ox xivulvun ta atojole. Li vu'une cristianoun no'ox. Pasbilun no'ox ta ts'u'ilum.

1 Reyes 8:51

Yu'un ja' ateclumal. Vo'ot aventainoj; vo'ot laj aloq'ues tal ta svocolic ta Egipto ti xco'laj xchi'uc horno yunijesbil taq'uinetique.

Nehemías 1:10

“Le'e ja' li anich'nabtaque, ja' li ateclumal ti laj apoj loq'uel tal ta amuc'ul atsatsale.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Éxodo 32:7

Li Muc'ul Diose jech laj yalbe li Moisese: —Yalan batel ta ora, yu'un li achi'iltac ta israelal ti laj aloq'ues tal ta Egiptoe ich'ayic xa ta be.

Éxodo 6:6

Ja' yu'un bat albeic achi'iltaquic ti vu'un Muc'ul Diosun ta jpoj loq'uel ta mozoil xchi'uc ta sventa li tsatsal abtel ac'bilic yu'un egiptoetique. Ta xcac' ta ilel c'u x'elan li jvu'ele; ta jcoltaic o loq'uel ta sventa li jtsatsal jvu'el ta jpas ta stojolique.

Éxodo 8:8

Li faraone la stac ta iq'uel li Moisés xchi'uc Aarone, jech laj yalbe: —C'anbeic vocol li Muc'ul Diose, yu'un ac'o sloq'ues batel li xch'uch'etic li' ta jtojolcutic xchi'uc li jchi'iltaque. Xu' ta xcac' ti ac'o bat yac'beic smoton Muc'ul Dios li achi'iltaque —xut.

Isaías 63:17

Muc'ul Dios, ¿c'u yu'un ti laj avac' ch'aycuncutic ta be avu'une? ¿C'u yu'un ti laj atsatsubtasbun co'ntoncutic ta avich'el ta muq'ue? Sutan tal ta jtojolcutic ta sventa ti lec ac'anoj li avajtuneltaque, xchi'uc ta sventa li jaychop avu'untac avic'oj o ta atojole.

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Lamentaciones 2:20

Muc'ul Dios, q'uelavil, ¿me oy boch'o jech apasojbe? ¿Me yu'un xu' ti ja' li' chlic sti' yolic li antsetique? ¿Me xu' te chchamic ta ch'ulna avu'un li paleetic xchi'uc j'alc'opetique?

Ezequiel 20:9

Pero ja' la jpas li c'usi sventa chi'ich'at ta muq'ue, yu'un jech mu me soc batel jc'oplal ta yantic banamil ti bu nacalique, yu'un ya'yojic scotolic ti caloj ta jloq'uesic tal ta Egiptoe.

Daniel 9:15

‘Li vo'ote Cajval, Dios cu'un, laj avac' ta ilel atsatsal; laj aloq'ues tal ta Egipto li ateclumale. Ja' yorail te lic avac' pucuc ac'oplal; ja' jech o c'alal to tana. Pero li vu'uncutique ja' no'ox ta jsa' jmulcutic ta atojol; bats'i chopol li c'usi la jpascutique.

Joel 2:17

Ac'o oq'uicuc te ta yochebal ch'ulna li paleetique; ac'o oq'uicuc te ta sts'el scajleb matanal li yajtuneltac Diose. Jech ac'o yalic: “Muc'ul Dios, pasbo perdón li ateclumale, mu me xavac' lajicuc ta labanel li ateclumale; mu me xavac' lajicuc ta tsalel yu'un li yantic banamile. Mu me xavac' jech chalic li yanlum cristianoetique: ‘¿Bu oy li Dios yu'unique?’, mu me xiuc jc'oplalcutic yu'unic”, ac'o xiicuc.

Números 11:11

Jech laj yalbe li Muc'ul Diose: —¿C'u yu'un ti mu'yuc lec avo'nton ta jtojol ec, vu'un li avajtunelune? ¿C'u yu'un ti mu'yuc lec chavilune, yu'un vu'un laj avac' jventain scotol li jchi'iltac li'i?

Números 14:13

Pero li Moisese jech la stac'be li Muc'ul Diose: —Li vo'ote ta atsatsal ta avu'el laj aloq'ues tal ta Egipto li jchi'iltaque. C'alal me cha'yic egiptoetic li c'usi chlic apase,

Números 16:22

Pero li stuquique la squejan spatan sbaic ta banamil. Jech laj yalic: —Dios, vo'ot ti avac'ojbe yorailic li cristianoetique, ¿me cha'ilin ta stojol scotol jchi'iltac ta scoj smul li jun vinique? —xutic li Muc'ul Diose.

Números 21:7

Ts'acal te italic ta stojol li Moisese, jech laj yalbeic: —Laj xa jta jmulcutic ta sventa ti lichopolc'opojcutic ta stojol li Muc'ul Diose xchi'uc ta atojol ec li vo'ote. C'anbo vocol Muc'ul Dios ti ac'o jatovuc batel ta jtojolcutic li jti'val chonetique —xutic. Ja' yu'un li Moisese lic sc'anbe vocol Muc'ul Dios ti ac'o xch'aybe ta yo'nton smul li xchi'iltaque.

Números 27:4

Mu smeloluc ti chch'ay o sbi ta stojol li jchop yuts' yalal jtotcutic ta sventa ti mu'yuc queremetic xnich'nab icome. Ja' lec ac'bun jpuculal osilcutic ec te ta yosil li yuts' yalaltac jtotcutique”, xutic.

1 Samuel 15:11

—Manchuc cani ja' la jtic' ta ajvalil li Saule yu'un la svoc' sba ta jtojol; muc xch'un li c'usitic laj calbee —xut. Li Samuele toj tsots laj ya'ay, jech sbejel ac'ubal la sc'anbe vocol li Muc'ul Diose.