Éxodo 32:10 - Bible in Tzotzil de Chenalhó with Deuterocanon

¹⁰ ¡Ja' yu'un li' ta orae tsots chi'ilin ta stojolic! ¡Mu me c'usi xal avo'nton, yu'un ta xcules scotolic! Vo'ot xa no'ox ta aventa xu' ta jliques jun muc'ta lum —x'utat.

Bible in Tzotzil de Chamula

¹⁰ Avi tana un, ts'ijlan xa no'ox me ta jtojol, yu'un mu me xa sts'icbaj ta xca'i yu'un ti sc'ac'al co'ntone. Ta jtsutsesic ya'iic ta j'ech'el. Ja'uc ti vo'ote, ta jliques jun muc' ta lum ta aventa.

Éxodo 32:10 Iomraidhean Croise

Génesis 12:2

Ta sventa amomnich'nabtac ta jliques jun muc'ul lum. Chacac'bot ep bendición; ta xcac' pucuc batel ac'oplal. Xchi'uc vo'ot ta aventa chich'ic bendición li yantique.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Éxodo 22:24

Me jech chapasique, chi'ilin ta atojolic; ta xcac'oxuc ta milel ta espada. Jech chcomic ta me'on ants ec li avajnilique; chcomic ta me'on olol ec li anich'nabique.

Éxodo 32:11

Li Moisese te lic sc'anbe vocol li Diose, jech laj yalbe: —Muc'ul Dios, ¿c'u yu'un cha'ilin ta stojol li jteclum avu'un ti laj aloq'ues tal ta Egipto ta amuc'ul atsatsale?

Éxodo 32:19

C'alal inopaj batel ta carpanaetic li Moisese, ja' to laj yil ti te oy sloc'obal li ch'ium tot vacaxe, xchi'uc laj yil ti ch-ac'otajique. Bats'i tsots i'ilin; la sjip ta banamil li cha'pech tone. Biq'uitic la slilin comel te ta yoc vits.

Éxodo 33:3

Batanic te ta banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Li vu'une mu'yuc chajchi'inoxuc batel yu'un naca me te xculesoxuc ta be, yu'un ven jtoyba cristianooxuc —xut.

Jeremías 11:14

Li vo'ote Jeremías, mu me xac'opanun ta sventa li jun ta lum li'i; mu me xac'anbun vocol ta stojolic, yu'un mu'yuc ta xca'ay ac'opic me chac'anbicun vocol ti c'alal yorail oy svocolique.

Jeremías 14:11

Jech laj yalbun noxtoc li Muc'ul Diose: “Mu me xac'anbun vocol ta sventa slequilalic li jun lum li'i.

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Jeremías 7:16

“Li vo'ote, Jeremías, mu me xac'opanun ta sventa li achi'iltac li'i; mu xac'anbun vocol ta sventaic, yu'un mu'yuc ta xca'ibot ac'op.

Ezequiel 20:13

Pero li smomnich'nab Israele la stoy sbaic ta jtojol te ta xocol banamil. Muc ja'uc la xch'unic li jmantaltaque; la sbajic li chanubtaseletic cu'un ti sc'oplal xu' tsta o xcuxlejalic li boch'o ta xch'unique. Li sc'ac'alil cuxub o'ntonal cu'une la sbolibtasic ta jyalel. Ja' yu'un laj calbeic ti ta jmal ta stojolic li sc'ac'al co'ntone, ti ta xculesic o te ta xocol banamile.

Números 14:12

Ta jtac tal jun tsatsal chamel ta stojolic yu'un ac'o chamicuc o, yu'un jech mu me xich'ic o li osile. Pero li vo'ote ta xcac' licuc jun muc'ta lum ta aventa, lec tsots ta xbatic. Li achi'iltaque mu'yuc c'usi xu' yu'unic o —xi li Muc'ul Diose.

Números 16:21

—Voc'o abaic loq'uel ta stojol li achi'iltaquique yu'un ta xculesic scotolic ta ora no'ox —x'utatic. 6

Números 16:22

Pero li stuquique la squejan spatan sbaic ta banamil. Jech laj yalic: —Dios, vo'ot ti avac'ojbe yorailic li cristianoetique, ¿me cha'ilin ta stojol scotol jchi'iltac ta scoj smul li jun vinique? —xutic li Muc'ul Diose.

Deuteronomio 9:14

Q'uejo aba loq'uel li vo'ote yu'un ta xcules scotolic. J'ech'el ta jch'aybe o sts'unubalic li' ta banamil. Yan li vo'ote ta jboles ep anich'nab. Jun muc'ta lum ta xbat cu'un. Xjelov to jech yepal ta jboles jech chac c'u cha'al li achi'iltac li'i. Ta xcac'be ep stsatsalic noxtoc’, xiyutun.

Deuteronomio 9:19

Li vu'une lixi', yu'un ivinaj ti bats'i tsots ilinem ta atojolic li Muc'ul Diose yu'un jutuc xa mu laj yulesoxuc o acotolic. Pero li Muc'ul Diose laj to ya'ibun yan velta li jc'ope.

Santiago 5:16

Ja' yu'un jamal xavalbe abaic li amulique, talbat xac'opanbe abaic Dios ta atojolic, yu'un jech chacolic. C'alal tsc'opan Dios boch'o tuc' yo'ntone, oy lec stsatsal li sc'ope.