Éxodo 30:8 - Bible in Tzotzil de Chenalhó with Deuterocanon

⁸ Xchi'uc ac'o xchic' noxtoc ta jujun bat c'ac'al ti c'alal chich' tsanel li candiletique. Le'e ja' jech tsc'an chapasic o scotol c'ac'al ta jtojol, vu'un li Muc'ul Diosune. Ja' jech chcom o c'alal ta avalab anich'nabic.

Bible in Tzotzil de Chamula

⁸ Ta xchic' xtoc ti ta mal c'ac'ale, ti c'alal ja' o yorail ti ta xich' tsanel ti lamparaetique. Taje, ja' jech ta xich' pasel o sbatel osil ta stojol ti Diose.

Éxodo 30:8 Iomraidhean Croise

2 Crónicas 26:18

Te la stsac sbaic xchi'uc li ajvalile, jech laj yalbeic: “Ajvalil Uzías, muc vo'ocot oy ta aventa xchiq'uel li pome; ja' oy ta sventaic li paleetic smomnich'nab Aarone, yu'un ja' voc'bilic o ta spasel. Loc'an li' ta ch'ulnae, yu'un laj xa apas c'usi mu sc'an li Muc'ul Diose; mu ja'uc sventa lec ac'oplal ta stojol Dios ti jech chapase”, xutic.

Salmos 141:2

Ac'o muyuc c'alal ta atojol li jc'ope, muetuc no'ox jech chac c'u cha'al c'alal chich' chiq'uel pom. Li jc'ob jtoyoj ta atojole jech ac'o c'otuc jech chac c'u cha'al amoton chich' milel ta jujun mal c'ac'ale.

Éxodo 12:6

Mu to xamilic, te to xanaq'uic c'alal ta xchanlajunebal c'ac'al yochel li u li'i. Ta smalel c'ac'al ta xchanlajunebal li u li'i, acotolic li israeloxuque ja'o xamilic li chij, o li tentsune.

Éxodo 25:37

Pasbo vucub scandilaltac, yu'un jech ac'o yac' batel xojobal ti c'alal chatsane.

Éxodo 27:21

Li Aarón xchi'uc xnich'nabtaque ja' tsventainic o sq'uelel lec li candiletique, yu'un jech xu' te tsanal o ta jtojol scotol ac'ubal ta ch'ulna cu'un ti bu chac'opanicun ta spat li poc' yo' bu oy xcaxail jmantale. Li'i ja' jun mantal chcom o ta atojolic c'alal ta avalab anich'nabic.

Éxodo 30:7

Scotol c'ac'al ta jujun sob ti c'alal chich' chapanel li candiletique, li Aarone ac'o xchic' pom te ta scajleb.

Éxodo 30:9

Mu me c'usi yan xachiq'uic te ta scajleb li xchic'ubil pome. Mu me xachiq'uic yan pom, me chic'bil matanal, o me yantic matanal, xchi'uc mu me xamaltaic ta ya'lel ts'usub.

Romanos 8:34

¿Boch'o yan xu' chac' jtoj jmultic, yu'un ja' icham ta scoj jmultic stuc li Cristoe? Ma'uc no'ox, icha'cuxi loq'uel ta smuquinal. Te xa oy ta sbats'ic'ob Dios; te chc'opoj cu'untic ta stojol li Diose.

1 Tesalonicenses 5:17

C'opanic Dios scotol c'ac'al.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.

Hebreos 9:24

Yu'un li Cristoe mu ja'uc i'och ta bats'i lequil ch'ul cuarto li' ta banamil ti senyail no'oxe, ti pasbil no'ox ta sc'ob cristianoetique. Ja' te i'och ta vinajel ti bu mero ja' xa o stuque. Ja' te chc'opoj cu'untic ta stojol Dios sventa chiscoltautic.

1 Samuel 2:28

Vu'un la jt'uj loq'uel ta stojol li jaychop achi'iltac ta israelale, yu'un la jtic' ta paleal, yu'un ja' chchic'bicun jmoton te ta scajleb, xchi'uc chchiq'uic pom, xchi'uc tslapic tal ta jtojol li mocan c'u'ile. Xchi'uc ja' laj cac'beic ta sc'ob amoltotac li jmoton chaq'uic achi'iltaquic ta israelale.