Éxodo 30:16 - Bible in Tzotzil de Chenalhó with Deuterocanon

¹⁶ Ich'o scotol li taq'uin chaq'uic ta sventa mu xchamic li achi'iltac ta israelale. Te xavac' tunuc ta sventa abtel ta ch'ulna pasbil ta nucul. Ja' sna'ubilic cu'un li achi'iltac ta israelal ti yac'ojic taq'uin sventa mu xchamique”, xi.

Bible in Tzotzil de Chamula

¹⁶ Ja' yu'un un, ta xatsob ti plata ti ta xaq'uic ti israeletic ta sventa ti xch'iel sc'opojelique. Ja' yu'un un, ba ac'o yo' jech ta xich' pasel ti quich'obil ta muc' ti bu nupel ta be ti ta Axibalnae. Ti jech taje, mu xch'ayat ta o'ntonal ti israeletic yu'un ti Diose, ja' ti laj yaq'uic ta sventa ti xch'iel sc'opojelique.”

Éxodo 30:16 Iomraidhean Croise

2 Crónicas 24:6

Ja' yu'un li ajvalile lic yic' li banquilal pale Joiadae jech laj yalbe: —¿C'u yu'un mu xavac' persa ti ac'o bat stsobic tal taq'uin ta yosilal Judá xchi'uc ta lum Jerusalén li levietique? Yu'un li Moisés, ja' li yajtunel Muc'ul Diose, xchi'uc li jchi'iltactic ta israelale jech ono'ox laj yalic mantal ec ti ac'o yich' tsobel taq'uin sventa chich' pasel li ch'ulna pasbil ta nucule —xut.

Éxodo 12:14

Li jun c'ac'al le'e ja' tsc'an ti mu xch'ay ta avo'ntonique. Tsc'an chapasilanic jun muc'ta q'uin sventa chavich'icun ta muc'; vu'un li Muc'ul Diosune. Ja' jun mantal chcom o ta atojolic c'alal to ta jayc'ol avalab anich'nabic.

Éxodo 30:15

C'alal chaq'uic li taq'uine, mu me ja'uc jeloven xac' li jc'ulejetique, mu me ja'uc mu sta chac' li me'onetique. Co'ol yepal ac'o yaq'uic.

Éxodo 30:17

Li Muc'ul Diose la sc'opan yan velta li Moisese, jech laj yalbe:

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 31:54

Jech li Moisés xchi'uc Eleazare laj yich'ic li c'anal taq'uin ti laj yich'ic batel li banquilaletic yu'un jujutsob soldadoetique; bat yaq'uic ta ch'ulna pasbil ta nucul sventa yu'un jech mu me xch'ay ta yo'nton israeletic li Muc'ul Diose.

San Lucas 22:19

La stsac noxtoc jun pan; la stojbe ta vocol Dios. La svoc' li pane; laj yac'be li yajchanc'optaque. Jech laj yalbe: —Li'i ja' jbec'tal, yu'un ta xcac' jba ta milel ta acojic. Jech me xapasilanic, yu'un jech chana'ilanicun o —xut.