Éxodo 30:10 - Bible in Tzotzil de Chenalhó with Deuterocanon

¹⁰ Li scajleb matanal le'e ja' voc'bil o ta jventa. Li Aarone jun no'ox velta ta jujun jabil ac'o smalta o xulub scajleb jmoton ta xch'ich'al li milbil matanal sventa xch'ayubil amulique. Jech noxtoc li matanal sventa xch'ayubil amulique, jun velta ta jujun jabil ac'o yac' te ta sba li scajleb jmotone”, xi.

Bible in Tzotzil de Chamula

¹⁰ Ti altar taje, j'ech'el c'otem ta yu'un ti Diose. Ti Aarone, jten ta jujun jabil, ta xjaxbe ch'ich' ta xulub ti altare yo' jech mesbil tusbil ta xc'ot ta sventa xch'ich'el ti chon bolom ti laj yich' svocol ta sventa stael ti ch'aybil ta xc'ot ti mulile. Scotol jabil ta sc'an ta xich' pasel ma' ti va'i s'elan taj une.”

Éxodo 30:10 Iomraidhean Croise

1 Reyes 1:50

Li Adoniase ta xa xi' yu'un li Salomone, jech te ibat snac' sba ta ch'ulna; te xjoq'uet ta xulub scajleb smoton Dios.

1 Crónicas 6:49

Yan li Aarón xchi'uc xnich'nabe ja' yabtelic o chchic'beic smoton Dios te ta scajleb, xchi'uc chchiq'uic pom te ta scajleb. Xchi'uc ja' tspasic o li abtel te ta bats'i lequil ch'ul cuartoe. Xchi'uc ja' chac'beic ta ch'aybel smul xchi'iltaquic ta israelal jech chac c'u cha'al yaloj li Moisese, ja' li yajtunel Diose.

Éxodo 30:11

Li Muc'ul Diose la sc'opan yan velta li Moisese, jech laj yalbe:

Éxodo 30:9

Mu me c'usi yan xachiq'uic te ta scajleb li xchic'ubil pome. Mu me xachiq'uic yan pom, me chic'bil matanal, o me yantic matanal, xchi'uc mu me xamaltaic ta ya'lel ts'usub.

Levítico 16:16

Ja' jech lecubtasbil chcom ta sventa c'usitic chopol li yut ch'ulnae, xchi'uc ta sventa smulic li achi'iltaque. Ja' jech tsc'an pasel noxtoc ta sventa scotol li ch'ulna pasbil ta nucul ti te oy ta stojolic xchi'uc xchopolilique.

Levítico 16:18

ac'o loc'uc tal; ac'o bat slecubtas ta ora noxtoc li scajleb jmoton te oy ta jtojole. Ac'o stsac jutebuc li xch'ich'al ch'ium tot vacaxe xchi'uc li xch'ich'al tentsune; ac'o xjaxbe ta xulub xchi'uc ta spat xocon li scajleb jmotone.

Levítico 16:2

Jech i'albat: “Albo abanquil Aarón ti mu me c'usiuc no'ox ora ch-och ta yut ch'ulna pasbil ta nucul te ta xcha'c'olal ta spat yo' bu joc'ol li poc' te ta yeloval smac caxae yu'un jech mu xcham. Yu'un li vu'une te chtal cac' jba ta ilel ta jun toc ta sba smac li caxae.

Levítico 23:27

“Ta slajunebal c'ac'al yochel li svucubal ue ja' xa Sc'ac'alil Xch'ayubil Mulil. Tsc'an chapasic jun ch'ul tsobajel sventa chavich'icun ta muc'; tsc'an chavictaic ixim, xchi'uc tsc'an chachic'bicun jmoton sventa chavich'icun ta muc'.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:7

Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

Hebreos 1:3

Ja' ta sventa ivinaj c'u x'elan slequil yutsil li Diose xchi'uc c'u x'elan stalel. Jech noxtoc ja' ta sventa sc'op, ta sventa svu'el lec oy scotol li c'usitic oye. C'alal ilaj yabtel sventa la xch'aybutic jmultique, ibat chotluc ta sbats'ic'ob Dios ta toyol.

Hebreos 9:25

Pero ma'uc sventa yu'un te chaq'uilan smoton Dios ep ta velta jech chac c'u cha'al la spas li banquilal pale ti persa chich' ochel yan ch'ich' c'alal ch-och ta bats'i lequil ch'ul cuarto jun velta ta jujun jabile.

Hebreos 9:7

Yan ta xchibal cuartoe ja' no'ox jun velta ta jabil i'och stuc li banquilal palee. C'alal ch-oche, persa chich' ochel ch'ich' ta stojol Dios sventa tspasbat perdón yu'un smul stuc xchi'uc smul xchi'iltac.

Apocalipsis 9:13

Li svaquibal j'almantale la sjupan ec li yoq'uese. C'alal la sjupane, laj ca'ay oy boch'o chc'opoj te ta o'lol li chanib xulub scajleb smoton Dios pasbil ta c'anal taq'uin te oy ta stojol Diose.