Éxodo 30:1 - Bible in Tzotzil de Chenalhó with Deuterocanon

¹ “Paso junuc scajleb xchic'ubil pom ta acacia te'.

Bible in Tzotzil de Chamula

¹ “Meltsano xtoc junuc altar ta acacia te' sventa xchic'obil pom.

Éxodo 30:1 Iomraidhean Croise

1 Reyes 6:20

Li bats'i lequil ch'ul cuarto te ta yut ch'ulnae ja' baluneb metro snatil, baluneb metro sjamalil xchi'uc baluneb metro stayalil. La xpix lec ta bats'i c'anal taq'uin li yute. Jech noxtoc la xpix ta c'anal taq'uin li scajleb smoton Dios pasbil ta ch'ut te'e.

1 Reyes 6:22

Ja' jech la xpix ta c'anal taq'uin scotol li yut ch'ulnae xchi'uc li scajleb smoton Dios te oy ta yeloval bats'i lequil ch'ul cuartoe.

1 Reyes 7:48

Jech noxtoc laj yac' ta pasel scotol li c'usitic yan chtun te ta ch'ulna yu'un Muc'ul Diose: ja' li scajleb smoton Dios pasbil ta c'anal taq'uine, li mexa pasbil ta c'anal taq'uin sventa te chich' aq'uel li pan ta stojol Muc'ul Diose,

1 Crónicas 28:18

Jech noxtoc laj yac'be epal lequil c'anal taq'uin sventa tspas o li scajleb xchic'ubil pome, xchi'uc sventa tspasbe o sloc'obal li querubinetic ti smacoj ta xiq'uic li smac xcaxail smantal Muc'ul Diose.

1 Crónicas 6:49

Yan li Aarón xchi'uc xnich'nabe ja' yabtelic o chchic'beic smoton Dios te ta scajleb, xchi'uc chchiq'uic pom te ta scajleb. Xchi'uc ja' tspasic o li abtel te ta bats'i lequil ch'ul cuartoe. Xchi'uc ja' chac'beic ta ch'aybel smul xchi'iltaquic ta israelal jech chac c'u cha'al yaloj li Moisese, ja' li yajtunel Diose.

2 Crónicas 26:16

C'alal ivinaj ti lec xu' yu'une, lic stoy sba, pero ja' no'ox sventa isoc o. Lic spas c'usi mu sc'an li Muc'ul Dios yu'une, yu'un i'och ta ch'ulna; la xchic' pom te ta scajleb.

Éxodo 30:10

Li scajleb matanal le'e ja' voc'bil o ta jventa. Li Aarone jun no'ox velta ta jujun jabil ac'o smalta o xulub scajleb jmoton ta xch'ich'al li milbil matanal sventa xch'ayubil amulique. Jech noxtoc li matanal sventa xch'ayubil amulique, jun velta ta jujun jabil ac'o yac' te ta sba li scajleb jmotone”, xi.

Éxodo 30:2

Co'ol sjamalil xapas ta jujujot xocon. Ja' cha'ch'ix xchi'uc oxc'ob sjamalil xapas li jujujote. Yan li stayalile ja' o'lol yo'ch'ix xapas. Li xulubtaque jmoj snitoj sba xapas ta scotol.

Éxodo 31:8

Ja' li mexae xchi'uc scotol li c'usitic te chtune, xchi'uc li candelero ti sc'an pasel ta bats'i c'anal taq'uine, xchi'uc li c'usitic chtun yu'une, xchi'uc li scajleb xchic'ubil pome,

Éxodo 35:15

li scajleb xchic'ubil pom xchi'uc xq'uechubiltaque, li aceite sventa ich'ub abtelale, li pome, xchi'uc li poc' sventa smac sti' ch'ulnae,

Éxodo 39:38

xchi'uc li scajleb pom pasbil ta c'anal taq'uine, xchi'uc li aceite sventa ich'ub abtelale, xchi'uc li pome, xchi'uc li poc' sventa smac sti' li ch'ulna pasbil ta nucule,

Éxodo 40:5

Li scajleb xchic'ubil pom pasbil ta c'anal taq'uine te xavac' ta yeloval li xcaxail jmantale, xchi'uc te xajoc'an noxtoc li poc' ta sti' ch'ulnae.

Ezequiel 41:22

Li scajleb smoton Dios pasbil ta te'e ja' o'lol xchibal metro stayalil. Ja' jun metro li snatile. Li xchanjotal xchiquin, li sba yac'ol, xchi'uc li xocon-xocone pasbil ta puru te'. Jech laj yalbun: “Li'i, ja' li mexa ti te ono'ox oy o ta stojol Muc'ul Diose”, xiyutun.

Levítico 4:18

Ac'o sbon ta ch'ich' noxtoc li xulub scajleb jmoton ti te oy ta jtojol ta ch'ulna pasbil ta nucule. Li scomelal ch'ich'e, ac'o smal te ta yoc li scajleb xchic'ubil jmoton te ta stuq'uil ti'ch'ulna pasbil ta nucule.

Levítico 4:7

Ac'o sbon ta ch'ich' noxtoc li xulub scajleb xchic'ubil pom ti te oy ta yut ch'ulna ta jtojol, vu'un li Muc'ul Diosune. Li scomelale ac'o smal te ta yoc li scajleb xchic'ubil jmoton ti te oy ta stuq'uil ti'ch'ulna pasbil ta nucule.

Números 3:31

Ja' chchabiic li xcaxail smantal Diose xchi'uc li mexae, li candeleroe, li scajleb smoton Diose, xchi'uc li c'usitic voc'bil yu'un Dios ti ja' no'ox chtun sventa c'alal tstsob sbaic chich'ic ta muc' li Diose, xchi'uc li veloe, xchi'uc scotol li c'usitic yantic te chtune.

Números 4:11

“Jech noxtoc ac'o smaquic ta yax'elan poc' li scajleb jmoton pasbil ta c'anal taq'uine. Ac'o xpixic ta lequil nuculetic, xchi'uc te ac'o yaq'uic li ste'eltac sventa xq'uechubile.

Hebreos 9:4

Ja' te oy li scajleb xchic'ubil pom pixbil ta c'anal taq'uine, xchi'uc li xcaxail smantal Dios pixbil ta c'anal taq'uin ta yut xchi'uc ta spate. Ja' te tiq'uil li jun bin pasbil ta c'anal taq'uin sventa yavil manavaje. Xchi'uc ja' te tiq'uil noxtoc li snamte' Aarón ti inichine, xchi'uc li cha'pech ton yo' bu ts'ibabil smantaltac Diose.

Apocalipsis 8:3

Laj quil iloc' tal yan j'almantal te bat sva'an sba ta stuq'uil scajleb smoton Dios, yich'oj jun xchic'ubil pom pasbil ta c'anal taq'uin. I'ac'bat ep pom sventa tscapbe ta sc'opic c'alal tsc'opanic Dios li boch'otic tuc' yo'ntonic li' ta banamile. Te bat yac' ta scajleb smoton Dios ti pasbil ta c'anal taq'uin te oy ta stuq'uil chotlebale.