Éxodo 3:9 - Bible in Tzotzil de Chenalhó with Deuterocanon

⁹ A'yo ava'ay, li vu'une c'otem xa ta jtojol c'u x'elan xvocoletic ta sventa svocolic li israeletique, xchi'uc quiloj noxtoc c'u x'elan li uts'intael ch-ac'batic yu'un li egipto cristianoetique.

Bible in Tzotzil de Chamula

⁹ A'yio ava'i lec, yu'un laj xa ca'i ti x'ijetic ta vocol ti israeletique. Yu'un laj xa quil ti ep ta x'ac'batic svocolic yu'un ti egipcioetique.

Éxodo 3:9 Iomraidhean Croise

Génesis 16:11

A'yo ava'ay oy xa ach'ut; ta xavoq'ues jun querem. Ismael chavac'be sbi, yu'un li Muc'ul Diose laj ya'ay ti oy ep avocole.

Génesis 31:12

Jech laj yalbun: ‘Q'uelo lec avil, scotol li tot tentsunetic ti chcuchumajic xchi'uc li me' tentsunetique, puru basastic sba, oy spintoal xchi'uc oy biq'uitic no'ox butumtic sba li spintoale, yu'un laj xa quil scotol c'usitic la spasbot li Labane.

2 Reyes 13:4

Li ajvalil Joacaze lic sc'anbe vocol li Muc'ul Diose. I'aybat li sc'ope, yu'un li Muc'ul Diose laj yil c'u x'elan svocolic ta uts'intael yu'un li ajvalil ta Siriae.

2 Reyes 20:5

“Sutan batel, jech xavalbe li Ezequiase, ja' li banquilal yu'un jteclumale: ‘Jech chayalbot li Muc'ul Diose, ja' li Dios yu'un amoltot Davide: Laj ca'ay li ac'ope, xchi'uc laj quil ti iloc' ya'lel asate, ja' yu'un ta jcoltaot. Le' ta oxib c'ac'ale xu' xa chabat ta jch'ulna.

Nehemías 9:9

Laj avil ti toj ep svocolic te ta Egipto li jmoltot jyame'cutic ta vo'one, xchi'uc laj ava'ibe li yoq'uel yavanelic c'alal te oyic ta Tsajal Nabe.

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 9:14

yu'un jech xu' chcal te ta sti' scoralil Jerusalén ti toj ech'em alequilale, xchi'uc ac'o yilic ti xcuxet no'ox co'nton ta sventa ti laj acoltaune.

Éxodo 1:11

Ja' yu'un li egiptoetique lic sva'anic jayibuc jpasmantaletic sventa ac'o yac'beic spas tsatsal abtel li israeletique. Jech lic yac'beic spasic chib lum; ja' Pitón xchi'uc Ramsés. Li faraone ja' laj yac' tunuc ta snail c'usitic chloc' yu'unic li egiptoetique.

Éxodo 1:22

Li faraone jech laj yalbe mantal scotol li egiptoetique: “Bat jipic ta uc'um scotol li bic'tal queremetic yu'un israeletique; yan li bic'tal tsebetique te cuxul comtsanic”, xut.

Éxodo 1:8

Ts'acal i'och yan ajvalil ta Egipto; muc xa xotquin li Josee. Jech laj yalbe li egiptoetique:

Éxodo 2:23

C'alal i'ech' xa'ox jayibuc c'ac'ale, icham li ajvalil ta Egiptoe. Li israeletique te ono'ox x'oc' x'avanic o ta scoj li tsots mozoinele, xchi'uc te tsc'anilanbeic o vocol li Diose. Ja' yu'un i'aybatic yoq'uel yavanelic yu'un li Diose.

Éxodo 2:25

I'ilatic yu'un Dios ti c'u x'elan svocolique, jech ituc'ulanatic.

Éxodo 3:7

pero li Muc'ul Diose te to chlo'ilaj o: —Quiloj scotol c'u x'elan xc'uxul svocolic li jteclum cu'un te ta Egiptoe. Ca'yoj ti xvocoletic ta jtojol ta scoj li boch'otic tsujvanic ta abtele, xchi'uc jna'oj lec scotol ti c'u x'elan chich'ic vocole.

Eclesiastés 4:1

Ts'acal lic cac' lec venta noxtoc c'u x'elan li tsatsal uts'intael li' ta banamile. Te laj quil ti ep ch-oq'uic li boch'otic uts'intabilique, pero mu'yuc boch'o chtal patbatuc yo'ntonic; mu'yuc boch'o chtal coltavanuc, yu'un li j'uts'intavanejetique yich'oj lec stsatsalic.

Eclesiastés 5:8

Mu me xch'ay avo'nton c'alal me oy chavil ta junuc banamil ti uts'intabilic li me'onetique ti me soquesbil xa li tuq'uil chapanele. Yu'un li jchapanvanejetique oy to yan banquilal yu'unic ti ja' chmucbat smulic yu'une. Xchi'uc oy to yan banquilal jpasmantal ti ja' cajal yabtele; ja' chmucbat smulic noxtoc.

Amós 4:1

A'yo ava'yic antsetic, vo'oxuc ti te nacaloxuc ta Samariae, ti ja' jechoxuc jech chac c'u cha'al juben me' vacaxetic ta Basane, ti chavuts'intaic li me'onetique, ti chavac'beic svocol li boch'otic abul sbaique, ti jech chavalbeic mantal li amalalique: “Ich'o tal pasem ya'lel ts'usub cuch'tic”, ti xavutique.

Deuteronomio 26:7

Ja' yu'un lic jc'anbotcutic vocol, vo'ot li Muc'ul Diosot yu'un jmoltot jyame'cutic ta vo'onee. Laj ava'ibun li jc'opcutique, xchi'uc laj avil ti toj ep jvocolcutique, ti toj abul jbacutic ta uts'intael ta tsatsal abtele.

1 Samuel 9:16

“Oc'om jech ora chac li'i ta jtac tal jun vinic chlic tal ta yosilal Benjamín; ja' xamalbe aceite ta sjol yu'un ja' chlic spas mantal ta stojol li jteclumale, ja' li achi'iltac ta israelale. Ja' tscolta loq'uel ta sc'ob li filistaetique yu'un laj ca'ay ti ep chc'opojic ta jtojol li jteclum cu'une”, x'utat.