Éxodo 3:8 - Bible in Tzotzil de Chenalhó with Deuterocanon

⁸ Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Bible in Tzotzil de Chamula

⁸ Jech o xal liyal talel yo' tal jpojic ti oyic ta yoc ta sc'ob ti egipcioetique. Ta jloq'ues batel li' ta jteclume. Ta xquic' batel ta lequil banomil ti bu lec jamale, ti bu co'ol s'elan vo' ta xbein ti chu' vacaxe, ti ajapome. Ti banomil taje, ja' ti osil bu nacalic ti cananeoetique, ti hititaetique, ti amorreoetique, ti ferezeoetique, ti heveoetique, ti jebuseoetique.

Éxodo 3:8 Iomraidhean Croise

Génesis 11:5

Li Muc'ul Diose iyal tal, yu'un tal sq'uel li lume xchi'uc li q'uelub osil tspasic li cristianoetique.

Génesis 11:7

Ja' lec yalcutic; bat jc'atajesbetic li sc'opique yu'un jech mu xa xa'ibe sba sc'opic”, xut sbaic.

Génesis 15:13

Ja' yu'un jech i'albat yu'un li Muc'ul Diose: —Tsc'an chana' ti ta to xbat naquiicuc ta yan banamil li amomnich'nabtaque. Te ch-ochic ta mozoil, xchi'uc te ta xich'ic uts'intael chanib ciento (400) jabil.

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Génesis 18:21

Li' ta orae te chibat, yu'un chbat jq'uel me melel ti toj tsots smulic jech c'u cha'al li'albate. Yu'un jech ta jna' o me melel —xi.

Génesis 43:11

Itac'ov li totile: —Lec oy, iq'uic batel yu'un mu'yuc c'usi yan xu' ta jpastic. Ich'beic batel jutuc smoton li ajvalile. Ja' xavich'beic batel li c'usi toj lequic chloc' li' ta cosilaltique. Ich'beic batel jutuc bálsamo, xchi'uc jutuc pom, xchi'uc muil poxil, xchi'uc mirra, xchi'uc nueces, xchi'uc almendra.

Génesis 46:4

Li' ta orae vu'un ta jchi'inot batel ti c'alal chabat ta Egiptoe, xchi'uc vu'un ta xlic quic' sutel tal li amomnich'nabe. Jech noxtoc c'alal chachame, ja' te chasq'uelot li anich'on Josee —x'utat.

Génesis 50:24

Ta yan c'ac'al li Josee jech laj yalbe li xchi'iltaque: “Li vu'une jutuc xa sc'an sta yorail chicham, pero li Diose ja' chtal scoltaoxuc. Chavilbeic ono'ox svu'el ta ts'acal. Ja' chayic'oxuc loq'uel li' ta banamile. Chbat yac'oxuc te ta banamil ti bu yalojbe ono'ox jmoltotic ta vo'one chac'bee, ja' li Abrahame, li Isaaque, xchi'uc li Jacobe”, xi.

1 Crónicas 1:15

hevetic, aracetic, sinetic,

Nehemías 9:8

laj avil ti lec jun yo'nton ta atojole; laj achapan achi'uc ti chavac'be li banamil te ta yosilal cananetic, hetetic, amorretic, ferezetic, jebusetic, xchi'uc gergesetique yu'un ja' chich' comel li smomnich'nabtaque. Ic'ot ta pasel li c'usi laj avale, yu'un toj tuc' avo'nton.

Salmos 12:5

Li Muc'ul Diose jech chal: “Ta sventa ti toj uts'intabil li me'onetique, ta sventa ti toj c'ux svocol li boch'o mu'yuc stu ch-ilatique, ja' yu'un ta xibat, chbat cac'be li coltael tsc'anique”, xi.

Salmos 12:6

Li c'usi yaloj Muc'ul Diose, bats'i sac ta jyalel, jech chac c'u cha'al saquil taq'uin ti lecubtasbil ta hornoe, ti ts'acal lec vucub velta chic'bil ta horno li yic'ubale.

Salmos 34:8

Q'uelavilic, pasic preva ava'yic, toj lec li Muc'ul Diose. Toj jun no'ox yutsil li boch'o ja' no'ox spatoj yo'ntonic o ta stojole.

Salmos 91:15

C'alal chisc'anbun vocole, ta jtac'be li sc'ope; c'alal oy ep svocole, te ta jchi'in o. Vu'un ta jcolta; ta xcac' ta ich'el ta muc'.

Éxodo 12:41

Li c'usi mero sc'ac'alil its'aqui li chanib ciento xchi'uc lajuneb xcha'vinic (430) jabile, ja'o iloq'uic tal ta Egipto scotol li jaychop yu'untac Muc'ul Diose.

Éxodo 12:51

Ja' jech sc'ac'alil la sloq'ues batel ta Egipto li jaychop yu'untac Muc'ul Diose, ja' li israeletique.

Éxodo 13:5

Ja' tsc'an ja' jech u chapasic jujun q'uin c'alal me laj xa'ox yic'oxuc ochel te ta banamil li Muc'ul Diose, ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. Ja' li yosilal canaanetic, hetetic, amorretic, hevetic, xchi'uc jebusetic, ti albil ono'ox jmoltotic ta vo'one cha'ac'batique.

Éxodo 3:17

Xchi'uc laj yalbun ti chascoltaoxuc loq'uel ta sventa li xc'uxul avocolic li' ta Egiptoe, yu'un chayic'oxuc batel ta banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique. Ja' li jun banamil ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e’, uto.

Éxodo 34:11

“Ch'unic me li c'usi chacalboxuc ava'yic li' ta orae. Vu'un ta jnuts loq'uel ta atojolic li amorretic, li canaanetic, li hetetic, li ferezetic, li hevetic, xchi'uc li jebusetique.

Éxodo 5:23

Ti c'usi ora ay jc'opan ta aventa li faraone, yo'to te lic yich'ic ep uts'intael o li ateclumale. Li vo'ote mu'yuc c'usi xapas jutuc ta sventa chacolta —xut.

Isaías 36:17

Ts'acal chaquic'oxuc batel ta jun banamil ti xco'laj xchi'uc avosilalique, ti lec xac' trigo xchi'uc ts'usube, jech xu' chata lec pan ave'ic, xchi'uc chata lec ya'lel ts'usub avuch'ic.

Isaías 64:1

Oyuc c'uxi xjat li vinajele, xu' chayal tal ti jechuque; xu' chnic avu'un vitsetic

Jeremías 11:5

Yu'un jech j'ech'el chc'ot o ta pasel c'usi laj cal ta jamal ta stojol li amoltot ayame'ique; ja' ti j'ech'el chcac'beic o li banamil ti bu ta xloc' ep ya'lel xchu' vacax xchi'uc pome, ja' li banamil ti li' xa avich'ojic ta orae’, uto”, xiyutun li Muc'ul Diose. Jech la jtac'be: “Jechuc, Muc'ul Dios”, xcut.

Jeremías 2:7

Vu'un laj quic'oxuc tal li' ta yaxal banamil, yu'un ac'o ave'ic li c'usitic chloq'ue, li c'usitic toj lequic chac' sate; pero vo'oxuc tal asoquesic li cosile, laj abolibtasic o li jbanamile.

Jeremías 32:22

Ja' laj avac'beic li banamil li'i, ja' ti avalojbe ono'ox ta jamal jmoltot jyame'cutic ta vo'one ti ja' chavac'be oe, ja' li banamil ti lec xloc' ya'lel xchu' vacax xchi'uc spom muc'ta pome.

Ezequiel 20:6

Ja'o yorail te laj calbeic ta jamal ti ta jloq'uesic tal ta Egipto banamile, ti ta xquiq'uic batel ta banamil ti bu jt'ujojbeique, ja' li jun banamil ti bu chloc' ep ya'lel chu' vacax xchi'uc pome, ti stuc no'ox toj c'upil sba ta scotole.

Levítico 20:24

Ja' yu'un laj calboxuc ti vo'oxuc chavich'beic li yosilalique. Vu'un jtuc chacac'boxuc ta ac'obic li banamil le'e; ja' ti bu ta xloc' ep ya'lel xchu' vacax xchi'uc pom jech chac c'u cha'al chloc' vo'e. “Vu'un Muc'ul Diosun avu'unic ti la jt'ujoxuc loq'uel ta stojol yantic lumetique.

Amós 2:10

Vu'un la jloq'uesoxuc tal ta Egipto banamil noxtoc. Vu'un la jbeiltasoxuc tal ta xocol banamil cha'vinic (40) jabil, yu'un jech ac'o avich'beic li yosil amorretique.

Números 13:18

Q'uelic lec c'u x'elan li banamile, xchi'uc q'uelic c'u x'elan li viniquetic tee, me tsots slomoic, o me c'unic no'ox, xchi'uc me epic, o me jutuc no'ox.

Números 13:19

Q'uelic lec noxtoc c'u x'elan li lumetic yu'unique, me pasbilic no'ox ta carpanaetic, o me setbilic lec ta coraltonetic. Xchi'uc q'uelic lec c'u x'elan li osile, me lec, o me mu lecuc,

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

San Juan 3:13

“Mu'yuc boch'o ayem sq'uel tal ta vinajel ti xu' ta xalboxuque. Vu'un no'ox te liquemun tal; vu'un ti Xnich'on cristiano lic'ote.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

Deuteronomio 1:25

Laj yich'butic tal jq'ueltic sat li c'usitic ch'iemic te ta osile. Jech vul yalbutic: ‘Toj lec li osil chijyac'butic Muc'ul Dios cu'untique’, xiic vulel.

Deuteronomio 1:7

Ich'ic xa batel scotol li c'usitic oy avu'unique. Batanic ta yosilal li amorretique xchi'uc ta lumetic ti te nopolique: Ja' te xabatic ta Arabá, ta vitsetic, ta stenlejaltic, ta Néguev, ta ti'ti' nab, ja' li yosilal canaanetique, xchi'uc c'alal ta Líbano, xchi'uc c'alal to ta muc'ta uc'um Éufrates.

Deuteronomio 27:3

Ja' te xats'ibaic scotol li chanubtasel li' laj calboxuc ava'yique. Jech me xapasic c'alal me la'ochic batel ta avosilic ti bu ta xloc' ep ya'lel xchu' vacax xchi'uc pom jech chac c'u cha'al ta xloc' ep vo'e. Ja' li osil ti albilic ono'ox jmoltot jyame'tic ta vo'one chquich'tique.

Deuteronomio 28:11

Li Muc'ul Diose chac' ta ilel slequil yo'nton ta atojolic. Chac' boluc ep avalab anich'nabic, xchi'uc chac' alajuc ep avacaxic, xchi'uc chac' epajuc c'usitic chats'unic ta avosilic ti yalojbe ono'ox amoltotaquic ta vo'one chayac'boxuque.

Deuteronomio 6:3

Ja' yu'un jchi'iltac, israeletic, pasilanic me batel scotol. Jech lec chabatic, xchi'uc jech xu' chac'otic ta jun muc'ul lum te ta banamil ti bu chloc' ya'lel xchu' vacax, xchi'uc pom jech chac c'u cha'al chloc' vo'e. Yu'un jech ono'ox albilic yu'un Muc'ul Dios li jmoltot jyame'tic ta vo'onee.

Deuteronomio 7:1

“Li Muc'ul Dios cu'untique ja' chayic'oxuc ochel ta banamil ti bu chayac'boxuc avich'ique. Xchi'uc ta snuts loq'uel ta atojolic li vucub muc'tic lum ti toj tsotsique: ja' li hetetique, li gergesetique, li amorretique, li canaanetique, li ferezetique, li hevetique, xchi'uc li jebusetique.

Josué 5:6

Ta sventa ti cha'vinic (40) jabil ixanovic tal ta xocol banamil li israeletique, jech ichamic xa scotol li boch'otic xu' xa'ox yu'unic pleito c'alal iloq'uic tal ta Egiptoe. Yu'un la sbajbeic smantal li Muc'ul Diose, ja' yu'un li Diose laj yal ta jamal ti mu'yuc ch-ochic o ta banamil ti bu yalojbe ono'ox smoltotic ta vo'one chac'bee; ja' li jun banamil ti bu ta xloc' ep ya'lel xchu' vacax, xchi'uc pom jech chac c'u cha'al ta xloc' vo'e.

Josué 9:1

Li ajvaliletic yu'un hetetic, amorretic, canaanetic, ferezetic, hevetic, xchi'uc jebusetique laj ya'yic li c'usi ic'ot ta pasele. (Li ajvaliletic le'e ja' te nacajtic ta smaleb c'ac'al yu'un li uc'um Jordán ta toyolaltic, ta vitsetic, ta stenlejaltic, xchi'uc ta scotol ti'ti' Nab Mediterráneo c'alal to ta yosilal Libanoe.)

Josué 9:7

Li israeletique jech la stac'beic li hevetique: —Mu xu' ta jchapantic ti lec chquil jbatique yu'un oy yic'al li' no'ox nopol nacaloxuque —xutic.