Éxodo 3:6 - Bible in Tzotzil de Chenalhó with Deuterocanon

⁶ Jech laj yal noxtoc: —Vu'un Diosun yu'un li amoltotac ta vo'onee. Vu'un Diosun yu'un Abraham, Diosun yu'un Isaac, Diosun yu'un Jacob —xi. Li Moisese la smac sat yu'un ta xi' ta sq'uelel li Diose,

Bible in Tzotzil de Chamula

⁶ Xi to laj yal xtoque: —Diosun yu'un ti amolmuc'totaque. Diosun yu'un ti Abrahame, ti Isaaque, ti Jacobe. Ti Moisese laj smac sat, yu'un xi' ti ta sq'uelbe sba satic xchi'uc ti Diose.

Éxodo 3:6 Iomraidhean Croise

Génesis 12:1

Ta yan c'ac'al jech i'albat yu'un Muc'ul Dios li Abrame: “Comtsano avosil, avuts' avalaltac, xchi'uc sna atot, yu'un chabat te ta banamil yo' bu chacac'bot avile.

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 17:3

Li Abrame la squejan spatan sba ta banamil ti c'alal chc'opanat yu'un Diose:

Génesis 24:12

Te lic sc'opan Muc'ul Dios: “Muc'ul Dios, vo'ot Diosot yu'un li cajval Abrahame, coltaun. Ac'o lecuc batuc cu'un li c'usi tal jpase. Ac'o ta ilel slequil avo'nton ta stojol li cajvale.

Génesis 26:24

Ta yac'ubalil laj yac' sba ta ilel ta stojol li Muc'ul Diose. Jech laj yalbe: “Vu'un Diosun yu'un li atote, ja' li Abrahame. Mu xaxi', vu'un chajchi'inot. Ta sventa li cajtunel Abrahame ta xcac'bot ep bendición; ta xcac' boluc amomnich'nabtac”, xut.

Génesis 28:13

Jech noxtoc laj yil ti te va'al ta sts'el li Muc'ul Diose, jech i'albat: “Vu'un Muc'ul Diosun, vu'un Diosun yu'un amoltot Abraham xchi'uc li atot Isaaque. Li vo'ot xchi'uc amomnich'nabtaque, ta xcac'boxuc li banamil li' yo' bu mocholote.

Génesis 28:17

Toj ep ixi'. Jech la snop: “Li'i ja' jun lequil banamil. Li' oy sna li Diose. Li'i ja' sti' vinajel”, xi.

Génesis 31:42

Ti manchuc te oy ta jtojol li Dios yu'un Abrahame, ja' li Dios ti yich'oj ta muc' li jtot Isaaque, me jutuc mu'yuc c'usi laj avac'bun tal ti jechuque. Pero li Diose laj yil ti abul jbae xchi'uc ti c'u x'elan li'abteje, ja' yu'un la spajesot ta ac'ubaltic samel —xut.

Génesis 32:9

Jech te lic sc'opan Dios: “Muc'ul Dios, vo'ot Diosot yu'un li jmoltot Abrahame xchi'uc li jtot Isaaque, vo'ot ti laj avalbun ac'o sutcun batel ta cosilal yo' bu oyic li cuts' calaltaque, xchi'uc laj aval ti lec chic'ot avu'une,

1 Reyes 18:36

C'alal la sta yorail c'usi ora chchiq'uic ono'ox matanale, li Eliase inopaj batel, jech laj yal: “Muc'ul Dios, Dios yu'un Abraham, Isaac, xchi'uc Israel: li' ta orae ac'o ta ilel ti vo'ot Diosot li' ta Israele, xchi'uc ti vu'un avajtunelune, xchi'uc ti vo'ot ta amantal ta jpas li c'usitic li' ta jpase.

1 Reyes 19:13

C'alal laj ya'ay li Eliase, la smac sat ta snatil c'u'. Iloc' batel; ibat sva'an sba ta ti'ch'en. Oy boch'o te ic'opanat yu'un, jech i'albat: “Elías, ¿c'usi chapas li'i?”, x'utat.

Nehemías 9:9

Laj avil ti toj ep svocolic te ta Egipto li jmoltot jyame'cutic ta vo'one, xchi'uc laj ava'ibe li yoq'uel yavanelic c'alal te oyic ta Tsajal Nabe.

Ester 3:4

Scotol c'ac'al jech la sjaq'uilanbeic, pero mu'yuc laj yich' ta muc'. Jech te bat yalbeic ya'ay li Amane, yu'un tsq'uelic me solel jech yo'nton o li Mardoqueoe, yu'un yaloj xa ono'ox ta jamal ti ja' judá vinique.

Salmos 132:2

na'o me li c'usi jamal laj yal ta atojol, vo'ot li Muc'ul Diosot yu'un Jacobe, jech laj yal:

Éxodo 15:2

Ti chiq'uejine ja' ta sventa li Muc'ul Diose, yu'un ja' jtsatsal xchi'uc jcoltael c'otem. Ja' Dios cu'un, jech ta jq'uejintabe slequilal. Ja' Dios yu'un li jtote, jech tsc'an chcac' ta ich'el ta muc'.

Éxodo 29:45

Te chajchi'inoxuc, vo'oxuc li israeloxuque. Vu'un Diosun avu'unic o chic'ot.

Éxodo 3:16

Batan, bat tsobo scotol li banquilaletic yu'un achi'iltaque, jech xavalbe: ‘Li Muc'ul Diose, ja' li Dios yu'un jmoltotic ta vo'onee, ja' li Dios yu'un Abraham, Isaac, xchi'uc Jacobe, laj yac' sba ta ilel ta jtojol. Laj yalbun ti oy ta yo'nton tsc'an chascoltaoxuque, yu'un laj yil li c'usi chapasbatic li' ta Egiptoe.

Éxodo 33:20

Pero chacalbot ti mu xu' chavilbun li jsate yu'un mu'yuc boch'o xu' cuxul chcom me laj yilbun jsate —xi.

Éxodo 4:5

—Le'e ja' sventa ac'o xch'unic ti laj yac' sba ta ilel ta atojol li Muc'ul Diose, ja' li Dios yu'un amoltotic ta vo'onee, ja' li Abrahame, li Isaaque, xchi'uc li Jacobe.

Jeremías 24:7

Ta jelbe yo'ntonic, yu'un jech chlic c'otuc ta yo'ntonic ti vu'un Muc'ul Diosune. Ja' jteclumal chc'otic o, jech vu'un Diosun yu'unic ta xc'ot ec, yu'un ta sutic tal ta jtojol ta scotol yo'ntonic.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 32:38

Ja' jteclumal chc'otic o, vu'un Diosun yu'unic ta xc'ot ec.

Ezequiel 11:20

Yu'un jech xu' chlic xch'unic li c'usitic caloje, jech xu' chlic spasic li mantaletic cu'une, jech xu' chc'ot ta pasel yu'unic scotol. Ja' jteclumal chc'otic o, vu'un Diosun yu'unic chic'ot.

Zacarías 8:8

Ta xlic quiq'uic tal ta Jerusalén; te ta xvul naquiicuc. Ja' jteclumal ta xc'otic, jech vu'un Diosun yu'unic chic'ot. Jun co'nton o ta stojolic; tuc' c'usi ta jpas ta stojolic”, xi li Diose.

San Mateo 17:6

C'alal jech laj ya'yic li oxibique la spatan sbaic ta lumtic, solel ep ixi'ic.

San Mateo 22:32

‘Vu'un Diosun yu'un Abraham, Diosun yu'un Isaac, Diosun yu'un Jacob’, xi li Diose. Li Diose mu ja'uc Dios yu'un li boch'otic chamenic oe; ja' Dios yu'un li boch'otic cuxulique —xi li Jesuse.

Marcos 12:26

Ti jech mu'yuc ach'unojic ta xcha'cuxiic animaetique, ¿me yu'un mu'yuc aq'uelojic ta svun Moisés ti bu chal ti c'alal ic'opanat yu'un Dios te ta jtec' biq'uit ch'ixe? Jech i'albat yu'un li Diose: ‘Vu'un Diosun yu'un Abraham, Diosun yu'un Isaac, Diosun yu'un Jacob’, x'utat.

San Lucas 20:37

Ta sventa ti ja' melel ta xcha'cuxiic animaetique, lec xvinaj ta sventa c'usi i'albat yu'un Dios li Moisés ta jtec' biq'uit ch'ixe. Jech i'albat: ‘Vu'un Diosun yu'un Abraham, Diosun yu'un Isaac, Diosun yu'un Jacob’, x'utat.

San Lucas 5:8

C'alal jech laj yil li Simone, la squejan sba ta stojol li Jesuse, jech laj yalbe: —Cajval, mu xachi'inun, yu'un li vu'une jpasmulilun —xut.

Hechos 7:32

‘Vu'un Diosun yu'un li amoltotac ta vo'onee, ja' li Abrahame, li Isaaque, xchi'uc li Jacobe’, xi. Li Moisese inic ta xi'el, jech muc xbat sq'uel o.

Hechos 7:34

Ta melel quiloj ti ep svocolic li jteclum cu'un te ta Egiptoe. Laj xa ca'ibe li yoq'uel yavanelique. Ja' yu'un liyal tal, tal jcolta. La' me, ta jtacot batel ta Egipto’, x'utat yu'un li Diose.

Deuteronomio 6:3

Ja' yu'un jchi'iltac, israeletic, pasilanic me batel scotol. Jech lec chabatic, xchi'uc jech xu' chac'otic ta jun muc'ul lum te ta banamil ti bu chloc' ya'lel xchu' vacax, xchi'uc pom jech chac c'u cha'al chloc' vo'e. Yu'un jech ono'ox albilic yu'un Muc'ul Dios li jmoltot jyame'tic ta vo'onee.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 12:21

Toj ven xi'bal sba li c'usitic laj yilique, c'alal ta Moisés jech laj yal ec: “Chinic ta xi'el ta jyalel”, xi.

Apocalipsis 1:17

C'alal laj quile, liyal ta lum ta stojol; xco'laj xchi'uc chamen lic'ot. La stijun ta sbats'ic'ob, jech laj yalbun: “Mu xaxi'. Vu'un sliquebun, vu'un slajebun.

Jueces 13:22

Li Manoae jech laj yalbe li yajnile: —Ta jbel sc'oplal chijchamutic xa, yu'un laj xa quiltic li Diose —xut.