Éxodo 3:5 - Bible in Tzotzil de Chenalhó with Deuterocanon

⁵ Li Muc'ul Diose jech laj yalbe: —Mu me xanopaj tal li'i. Loq'ueso axonob, yu'un ja' ch'ul banamil ti bu va'alote —xut.

Bible in Tzotzil de Chamula

⁵ Va'i un, ti Diose xi laj yale: —Mu xanopaj talel. Loc'o ti axonobe, yu'un ti bu oyote c'otem ta cuxul banomil.

Éxodo 3:5 Iomraidhean Croise

Éxodo 19:12

Ac'bo senyail ti bu no'ox c'alal xu' tset sbaic ta sjoyobal li vitse yu'un jech mu xjelovic tal. Albo ya'yic noxtoc ti mu me xmuyic tal li' ta vitse, xchi'uc ti mu me xjelovic tal ti bu senyaile. Li boch'o ta xjelov tale milic.

Éxodo 19:21

Jech laj yalbe: —Yalan batel; bat albo ya'yic achi'iltac ti mu me xjelovic tal ti bu oy senyail sventa chtal sq'uelicune, yu'un naca me toj ep ichamic.

Éxodo 4:28

Li Moisese te lic xcholbe ya'ay Aarón scotol li c'usitic i'albat yu'un Muc'ul Dios ac'o yale, xchi'uc laj yalbe noxtoc c'u x'elan li muc'tic sq'uelubil stsatsal Muc'ul Dios ch-ac'bat spase.

Eclesiastés 5:1

C'alal chabat ta ch'ulna yu'un Diose, q'uelo me aba c'u x'elan chaxanov. A'ibo lec ava'ay smelol, yu'un ja' tsots sc'oplal; ja' mu tsotsuc sc'oplal li milbil matanal chaq'uic li boch'otic bolic ti mu snopic me chopol c'usi tspasique.

Jeremías 30:21

Te ta xloc' ta stojolic banquilal yu'unic; te ta xloc' ta stojolic jpasmantal yu'un stuquic. Ta xcac' nopajicuc tal ta jtojol, jech xu' yu'unic ta xnopajic tal. ¿Boch'o xu' yu'un ta xnopaj tal ta jtojol ta stuc no'ox?

Levítico 10:3

Li Moisese jech laj yalbe li Aarone: —Le'e ja' jech smelol ti c'alal jech laj yal li Muc'ul Diose: ‘Li boch'otic ta xnopaj tal ta jtojole ta xcac' ta ilel ti tuc' co'ntone. Scotol israeletic ta xcac'be yilic ti tsc'an chiyich'icun ta muq'ue’, xi li Muc'ul Diose —xut Aarón li Moisese. Li Aarone mu'yuc c'usi laj yal.

Hechos 7:33

Jech i'albat yu'un li Diose: ‘Loq'ueso axonob, yu'un ti bu va'alote ja' ch'ul banamil.

Deuteronomio 23:14

Yu'un li Muc'ul Dios cu'untique te chanov ta o'lol li acarpanaique yu'un chaxchabioxuc, xchi'uc te chascoltaoxuc ta stsalel li avajcontraique. Jech tsc'an ti voc'bil avu'unic sventa Dios ti bu chapas acarpanaique, yu'un jech mu'yuc c'usi chopol chil li Diose. Me mu xapasic jeche, ta me xascomtsanoxuc li Diose.

Hebreos 12:20

Yu'un mu xa xcuch yu'un laj ya'yic li mantal jech i'albatique: “Ac'o me ja' no'ox ats'unub avovolic ta xtal ta vits li'i, ta persa ta xmilat ta ton”, x'utatic.

Josué 5:15

Itac'ov li banquilal soldado yu'un Muc'ul Diose: —Loq'ueso axonob, yu'un li banamil bu va'alote ts'u'iltasbil cu'un —x'utat. Li Josuee la xch'un.

2 Pedro 1:18

Laj ca'ay ta jchiquin jtuccutic ti jech ic'opoj tal ta vinajele, yu'un co'ol te oyuncutic xchi'uc Jesús ta sjol ch'ul vits.