Éxodo 3:22 - Bible in Tzotzil de Chenalhó with Deuterocanon

²² Li jujun antsetique ac'o sc'anbeic tal c'usi oy yu'unic li boch'o nopol nacal xchi'uquique, boch'ouc no'ox antsil ti te nacal xchi'uquique. Ac'o sc'anic tal li c'usitic pasbil ta saquil taq'uin, ta c'anal taq'uin, xchi'uc c'u'il pac'aletic, yu'un jech oy sc'u'ic li aquerem atsebique. Ja' jech chapojbeic o tal scotol sc'ulejalic li egiptoetique —x'utat.

Bible in Tzotzil de Chamula

²² Ti jujun antsetique, ac'o sc'anbeic ti c'usi x'ayan yu'unic ti slac'naique, ti buch'uuc no'ox antsil nacal ta snaique. Ac'o yac'boxuc ti c'usi stac' tunesele jech c'u cha'al ti pasbil ta plata taq'uine, ti pasbil ta oroe, xchi'uc ti ac'o yac'boxuc ti c'u'iletique, yo' jech oy c'usi ta slapic ti avalab anich'nabique. Ja' jech ta xapojbeic batel scotol ti c'usi oy yu'unic ti egipcioetique.

Éxodo 3:22 Iomraidhean Croise

Génesis 15:14

Pero li vu'une ta to xcac'be stoj smulic ec li cristianoetic tsmozoinvanique. Ts'acal chcolic loq'uel tal li amomnich'nabtaque, ep xa sc'ulejalic chloq'uic tal.

Génesis 24:53

Ts'acal lic sloq'uesan ep ta chop matanaletic, ja' c'anal taq'uin, saquil taq'uin, xchi'uc c'u'il pac'aletic; laj yac'be li Rebecae. Jech noxtoc laj yac'be smotonic ec li me'il xchi'uc xi'melale.

Salmos 105:37

Ts'acal lic sloq'ues batel li steclumale; ep c'anal taq'uin, saquil taq'uin yich'ojic loq'uel. Scotol li jaychop sts'unubal Israele lec tsotsic scotolic.

Éxodo 11:2

Li' ta orae albo ya'yic scotol achi'iltac c'alal ta vinic ta antsetic ti ac'o sc'anbeic batel c'usitic pasbil ta c'anal taq'uin, ta saquil taq'uin li egiptoetic ti te nopol nacal xchi'uquique —xut.

Proverbios 13:22

Li lequil vinique chac'be comel c'usitic oy yu'un ec li smomnich'nabtaque; yan li sc'ulejal jpasmuliletique ja' chich'ic comel li boch'otic tuc' yo'ntonique.

Isaías 33:1

Toj abul aba, vo'ot li j'elec'ot ti mu'yuc c'usi elc'anbilot eq'ue, vo'ot ti ep c'usi apojoj batel ti mu'yuc c'usi pojbilot eq'ue. C'alal me ilaj avo'nton ta spojel batel scotol li c'usitic oye, ja'o chavich'be spacol ec.

Ezequiel 39:10

Mu xa persauc chbat sa'ic tal si'ic ta te'tic; mu xa persauc chbat sts'etic te'etic. Ja' xa si'ic chc'ot scotol li abtejebaletique. Ta xlic yich'beic c'usitic oy yu'unic ec li boch'otic i'ich'bunuc c'usitic oy yu'unique; ta spojbeic c'usitic oy yu'unic ec li boch'otic ipojbunuc c'usitic oy yu'unique.